ວັນພະຫັດ, ວັນທີ 20 ມີນາ 2025
ເຜີຍແຜ່ ວິໄສທັດ ຍຸດທະສາດການສຶກສາ ແລະ ສ້າງຈິດສຳນຶກດ້ານສິ່ງແວດລ້ອມກອງທັບປະຊາຊົນລາວ 2025-2030
ເວລາອອກຂ່າວ: 2025-02-06 09:14:40 | ຜູ້ຂຽນ : admin1 | ຈຳນວນຄົນເຂົ້າຊົມ: 677 | ຄວາມນິຍົມ: 
ກອງປະຊຸມເຜີຍແຜ່ ວິໄສທັດຍຸດທະສາດການສຶກສາ ແລະ ສ້າງຈິດສຳນຶກດ້ານສິ່ງແວດ ລ້ອມກອງທັບປະຊາຊົນລາວ 2025-2030 ໄດ້ຈັດຂື້ນໃນວັນທີ 30 ມັງກອນ 2025, ຢູ່ທີ່ໂຮງຮຽນກໍ່ສ້າງນາຍສິບເລກ 1, ໂດຍການເປັນປະທານຂອງ ສະ ຫາຍ ພັນເອກ ບົວວັນ ພົມມະເພັງ ຫົວໜ້າການທະຫານໂຮງຮຽນກໍ່ສ້າງນາຍສິບເລກ 1, ສະຫາຍ ພັນເອກ ຄຳໄຊ ສະນີແກ້ວ ຮອງຫົວໜ້າກົມ ວິທະຍາສາດ-ປະຫວັດສາດ ການທະຫານ ກະຊວງປ້ອງກັນປະເທດ, ມີຜູ້ຕາງໜ້າ ກົມວິທະຍາສາດ, ເຕັກໂນໂລຊີແລະ ສິ່ງແວດລ້ອມ, ຄະນະພັກ-
ຄະນະບັນຊາ 5 ຫ້ອງ, 4 ກອງພັນ, ໂຮງໝໍ, ກອງຮ້ອຍເອກະລາດ, ພະ
ແນກການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ສະຫາຍ ພັນໂທ ບຸນຍາວົງ ດວງປັນຍາ ຫົວໜ້າພະແນກວິທະຍາສາດສິ່ງແວດລ້ອມ ກົມວິທະຍາສາດ-ປະຫັວດສາດການທະຫານ ກະຊວງປ້ອງກັນປະເທດ ໄດ້ນຳສະເໜີ ວິໄສທັດ ຮອດປີ 2030 ຍຸດທະສາດການສຶກສາ ແລະ ສ້າງຈິດສຳນຶກດ້ານສິ່ງແວດລ້ອມ ກອງທັບປະຊາຊົນລາວ 2025-2030 ເພື່ອແນ່ໃສ່ເຮັດໃຫ້ຄະນະພັກ-ຄະນະບັນຊາແຕ່ລະຂັ້ນ ຕະຫຼອດຮອດນາຍ ແລະ ພົນທະຫານໃນທົ່ວໂຮງຮຽນກໍ່ສ້າງນາຍສິບ ເລກ 1 ໄດ້ຮັບຮູ້, ຊື່ມເຊື່ອມເຂົ້າໃຈແຈ້ງຕໍ່ເນື້ອໃນແຕ່ລະໜ້າວຽກຂອງວິໄສທັດ ແລະ ເປັນການສຶກສາ, ສ້າງຈິດ
ສຳນຶກດ້ານສິ່ງແວດລ້ອມຖືເປັນວຽກໜຶ່ງທີ່ສຳຄັນໃນການປົກປັກຮັກສາສິ່ງແວດ ລ້ອມໃຫ້ກວ້າງຂວາງ ແລະ ຊຸກຍູ້ສົ່ງເສີມໃຫ້ ນາຍ ແລະ ພົນທະຫານ, ນັກ ຮຽນໄດ້ມີຄວາມຮັບຜິດຊອບໃນການຄຸ້ມຄອງ, ນຳໃຊ້ຊັບພະຍາກອນທຳມະຊາດຢ່າງສົມເຫດ ສົມຜົນ, ມີຈິດສຳນຶກຮັກ, ຫວງແຫນ, ເປັນເຈົ້າການຄຸ້ມຄອງຊັບພະຍາກອນຂອງຊາດ ແລະ ສິ່ງແວດລ້ອມ ເພື່ອເຮັດໃຫ້ກົມກອງມີການພັດທະນາໄປຕາມທິດສີຂຽວ, ຍືນຍົງ ແລະ ເປັນບ່ອນອີງໃນການສ້າງແຜນການ, ແຜນງານຂອງກົມກອງໃນການເຄື່ອນໃຫວຈັດຕັ້ງປະຕິບັດວຽກງານຕົວຈິງໃຫ້ນັບມື້ກ້ວາງຂວາງ ຕັ້ງໜ້າບັນລຸໄດ້ 6 ຄາດໝາຍສູ້ຊົນ, 4 ຍຸດທະສາດ, 11 ໜ້າວຽກຈຸດສຸມ ແລະ 22 ກິດຈະກຳ ທີ່ກຳນົດໄວ້ໃຫ້ໄດ້ຮັບຜົນສຳເລັດ.ຈາກນັ້ນ, ໄດ້ສ້າງກິດຈະກຳຖາມ, ຕອບ ຄວາມຮູ້ຮອບຕົວໃນການແຍກສິ້ນສວ່ນຂອງເສດຂີ້ເຫຍື້ອທີ່ເປັນອັນຕະລາຍ, ຂີ້ເຫຍື້ອທົ່ວໄປ, ຂີ້ເຫຍື້ອທີ່ສາມາດນຳໃຊ້ຄືນໃໝ່ໄດ້, ຂີ້ເຫຍື້ອຍ່ອຍສະຫຼາຍ; ໂອກາດດັ່ງກ່າວ ຍັງໄດ້ມອບປ້າຍໂລໂກ້ ແລະ ປື້ມສິ່ງແວດລ້ອມຈຳນວນໜື່ງໃຫ້ໂຮງຮຽນກໍ່ສ້າງນາຍສິບເລກ 1 ຕື່ມອີກ.
ໂດຍ: ນ້ອຍຈັນໄພ ແກ້ວວັນເຮືອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
