POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 20 ມີນາ 2025

ທາບທາມບຸກຄະລາກອນຮັບສະໝັກເລືອກຕັ້ງ ເຂົ້າຄະນະບໍລິຫານງານພັກ ກອງບັນຊາການທະຫານແຂວງບໍລິຄຳໄຊ ສະໄໝທີ VI ຮອບທີ 2
ເວລາອອກຂ່າວ: 2025-02-06 10:19:34 | ຜູ້ຂຽນ : admin2 | ຈຳນວນຄົນເຂົ້າຊົມ: 878 | ຄວາມນິຍົມ:

ກອງປະຊຸມທາບທາມບຸກຄະລາກອນຮັບສະໝັກເລືອກຕັ້ງ ເຂົ້າໃນຄະນະບໍລິຫານງານພັກ ກອງບັນຊາການທະຫານແຂວງບໍລິຄຳໄຊ ສະໄໝທີ VI ຮອບທີ 2, ໄດ້ຈັດຂຶ້ນວັນທີ 5 ກຸມພາ 2025 ນີ້, ໂດຍການເປັນປະທານ ຂອງ ສະຫາຍ ດວງຕາ ມໍລະຄາສຸກ ກຳມະການຄະນະປະຈຳພັກແຂວງ ປະທານກວດກາພັກ-ລັດ ແຂວງບໍລິຄຳໄຊ, ມີສະຫາຍ ພົນຈັດຕະວາ ຈວງຈັນ ລາດຊະວົງ ກຳມະການຄະນະປະຈຳພັກແຂວງ, ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງ, ມີຄະນະຮັບຜິດຊອບບຸກຄະລະກອນກອງປະຊຸມໃຫຍ່ຂັ້ນແຂວງ, ຄະນະພັກກອງບັນຊາການ, ຜູ້ແທນສົມບູນ-ສຳຮອງ ແລະ ພະນັກງານຫຼັກແຫຼ່ງທົ່ວທະຫານແຂວງເຂົ້າຮ່ວມ. ສະຫາຍ ດວງຕາ ມໍລະຄາສຸກ ໄດ້ເຜີຍແຜ່ເຊື່ອມຊຶມເອກະສານ 3 ບົດຄື: ເອກະສານຄວາມເຂົ້າໃຈກຽ່ວກັບການດຳເນີນກອງປະຊຸມໃຫຍ່ 3 ຂັ້ນ ຂອງພັກ, ເອກະສານຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າ ຂອງພັກ ແລະ ເອກະສານ ຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການຄາດຄະເນ ແບ່ງຄວາມຮັບຜິດຊອບຂອງຄະນະປະຈຳພັກແຕ່ລະຂັ້ນ, ຈາກນັ້ນ ສະຫາຍ ພັນເອກ ຈັນນີ ສີສຸກ ຄະນະປະຈໍາພັກກອງບັນຊາການ ຫົວໜ້າຫ້ອງການເມືອງ ໄດ້ຜ່ານບົດລາຍງານການເມືອງທັງ 2 ພາກ, ພ້ອມທັງຜ່ານບົດສຳຫຼວດການນຳພາລວມຂອງຄະນະພັກ ກອງບັນຊາການທະຫານແຂວງບໍລິຄຳໄຊ ສະໄໝທີ V, ກອງປະຊຸມຜູ້ແທນຍັງໄດ້ພ້ອມກັນປະກອບຄຳຄິດເຫັນໃສ່ຮ່າງບົດລາຍງານການເມືອງ ແລະ ບົດສໍາຫຼວດການນໍາພາລວມຢ່າງກົງໄປກົງມາດ້ວຍຄວາມຮັບຜິດຊອບສູງ. ສະຫາຍ ອຸດທິດ ແກ້ວລາ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານມາດຖານເງືອນໄຂ ຜູ້ທີ່ຈະລົງຮັບສະໝັກເລືອກຕັ້ງ ເຂົ້າເປັນຄະນະບໍລິຫານງານພັກກອງບັນຊາການ ທະຫານແຂວງບໍລິຄຳໄຊ ສະໄໝທີ VI ຮອບທີ 2 ເຊິ່ງຕ້ອງເປັນຜູ້ທີ່ມີມາດຖານເງື່ອນໄຂຄົບຖ້ວນ, ຢືດໝັ້ນອຸດົມການສັງຄົມນິຍົມ, ມີຄວາມຈົງຮັກພັກດີຕໍ່ພັກ, ຕໍ່ປະເທດຊາດ ຕໍ່ລະບອບປະຊາທິປະໄຕ ປະຊາຊົນ ຢ່າງໜັກແໜ້ນ, ມີຫຼັກໜັ້ນຊົນຊັ້ນ, ມີຄວາມຮັບຜິດຊອບສູງຕໍ່ໜ້າທີ່ວຽກງານທີ່ໄດ້ຮັບມອບໝາຍ, ເຄົາລົບ ແລະ ປະຕິບັດມະຕິຄຳສັ່ງຂອງພັກ, ກົດໝາຍຂອງລັດຢ່າງເຂັ້ມງວດ, ມີຄຸນສົມບັດ ສິນທຳປະຕິວັດ ແລະ ມີແບບແຜນການດຳລົງຊີວິດ, ມີນຳໃຈເສຍສະຫຼະ ເພື່ອຊາດ, ເພື່ອປະຊາຊົນ ສຸມສະຕິປັນຍາກຳລັງວັງຊາຂອງຕົນ ເພື່ອຮັບໃຊ້ຊາດ, ຮັບໃຊ້ປະຊາຊົນຢ່າງບໍລິສຸດໃຈ, ມີຄວາມຮູ້ພື້ນຖານກ່ຽວກັບລັດທິມາກ-ເລນິນ, ແນວຄິດໄກສອນພົມວິຫານ, ມີລະດັບວິຊາສະເພາະໃດໜຶ່ງ, ມີແບບແຜນການນຳພາ-ບັນຊາ ຖືກຕ້ອງຕາມຫຼັກການລວມສູນປະຊາທິປະໄຕ ແລະ ມີສຸຂະພາບແຂງແຮງ ສາມາດປະຕິບັດໜ້າທີ່ການເມືອງ ທີ່ການຈັດຕັ້ງມອບໝາຍໃຫ້ສຳເລັດເປັນຢ່າງດີ. ໂອກາດນີ້, ຜູ້ແທນສົມບູນ-ສຳຮອງ ແລະ ພະນັກງານຫຼັກແຫຼ່ງທີ່ເຂົ້າຮ່ວມ ກໍໄດ້ໃຊ້ສິດຂອງຕົນປ່ອນບັດທາບທາມເອົາບຸກຄະລາກອນຮັບສະໝັກເລືອກຕັ້ງເຂົ້າເປັນຄະນະບໍລິຫານພັກກອງບັນຊາການ ທະຫານແຂວງບໍລິຄຳໄຊ ສະໄໝທີ VI ຮອບທີ 2 ສຳເລັດຕາມແຜນການ. ຂ່າວ-ພາບ ສີທອງ ຈັນທະວົງ.

news to day and hot news