ວັນພະຫັດ, ວັນທີ 20 ມີນາ 2025
ກອງປະຊຸມທາບທາມຄະນະພັກ ກອງບັນຊາການທະຫານແຂວງສະຫວັນນະເຂດ
ເວລາອອກຂ່າວ: 2025-02-07 09:14:18 | ຜູ້ຂຽນ : admin1 | ຈຳນວນຄົນເຂົ້າຊົມ: 2786 | ຄວາມນິຍົມ: 
ໃນວັນທີ 4 ກຸມພາ 2025 ນີ້, ກອງບັນຊາການທະຫານແຂວງສະຫວັນນະເຂດ ໄດ້ເປີດກອງປະຊຸມປ່ອນບັດທາບທາມຄະນະພັກກອງບັນຊາການທະ
ຫານແຂວງ, ເພື່ອລົງສະໝັກເລືອກຕັ້ງເຂົ້າໃນຄະນະພັກ ຊຸດໃໝ່ ສະໄໝທີ VI ຮອບທີ 1, ໂດຍການເປັນປະທານຂອງ ສະຫາຍ ພັນເອກ ພັນວິໄລ ລາດສະຍົນ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງສະຫວັນນະເຂດ, ມີຄະນະພັກ-ຄະນະບັນຊາ, ສະມາຊິກພັກໃນອົງການ 5 ຫ້ອງ, ກົມກອງອອ້ມຂ້າງທີ່ຂຶ້ນກັບກອງບັນຊາການທະຫານແຂວງເຂົ້າຮ່ວມ.
ສະຫາຍ ພັນໂທ ໄພວັນ ໄຊຍະລາດ ຮອງຫົວໜ້າພະແນກພະນັກງານ ທະຫານແຂວງສະຫວັນນະເຂດ ໄດ້ຜ່ານມະຕິຕົກລົງ ຂອງຄະນະພັກ ກອງບັນຊາການທະຫານແຂວງ ວ່າດ້ວຍການແຕ່ງຕັ້ງອະນຸກຳມະການລົງດຳເນີນຊິວິດການເມືອງ ເພື່ອທາບທາມບຸກຄະລາກອນລົງສະໝັກເລືອກຕັ້ງຄະນະພັກສະ ໄໝທີ VI ແລະ ຜ່ານເອກະສານຕັ້ງໜ້າເຝິກຝົນຫຼໍ່ຫຼອມຄຸນສົມບັດສິນທຳປະຕິວັດ, ເພື່ອທາບທາມເອົາບຸກຄະລາກອນລົງສະໝັກເລືອກຕັ້ງຄະນະພັກ ສະໄໝທີ VI ເຊິ່ງໄດ້ຜັດປ່ຽນກັນຂຶ້ນຜ່ານເນື້ອໃນເອກະສານແບບແຜນນຳພາວິທີເຮັດວຽກ, ເອກະສານແບບແຜນນຳພາວິທີເຮັດວຽກແບບວິທະຍາສາດ, ຜ່ານເອກະ
ສານມາດຖານ ເງື່ອນໄຂຂອງຜູ້ລົງສະໝັກທາບທາມໃນ 5 ມາດຖານຂອງພັກ, ພ້ອມທັງຜ່ານລະບຽບໃນການປ້ອນບັດທາບທາມໃຫ້ຄະນະພັກ, ສະມາຊິກພັກສົມບູນທີ່ເຂົ້າຮ່ວມ. ເຊິ່ງໃນການທາບທາມຮອບທີ 1 ຂອງຄະນະພັກກອງບັນຊາການທະຫານແຂວງນີ້ເປົ້າໝາຍເກົ່າປະກອບມີ 8 ສະຫາຍ, ສ່ວນເປົ້າໝາຍໃໝ່ມີ 3 ສະຫາຍ. ຈາກນັ້ນ, ໃນກອງປະຊຸມໄດ້ເປີດປະຊາທິປະໄຕໃຫ້ຄະນະພັກ, ສະມາຊິກທຸກສະຫາຍໃຊ້ສິດປະຊາທິປະໄຕຂອງຕົນລົງຄະແນນທາບທາມເອົາບຸກຄະລາກອນ.
ຂ່າວໂດຍ: ວິລະພົງ ເທບໂພ
ພາບໂດຍ: ຄຳໄສ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
