POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 20 ມີນາ 2025

ສຸມໃສ່ການກໍ່ສ້າງພັກ ໃຫ້ປອດໃສ ເຂັ້ມແຂງ ໜັກແໜ້ນ
ເວລາອອກຂ່າວ: 2025-02-07 09:18:13 | ຜູ້ຂຽນ : admin1 | ຈຳນວນຄົນເຂົ້າຊົມ: 3654 | ຄວາມນິຍົມ:

ສະຫາຍ ພັນເອກ ພັນມະຫາ ຈູມມະນີ ກຳມະການຄະນະພັກກອງບັນຊາການ, ຫົວໜ້າຫ້ອງການເມືອງກອງບັນຊາການທະ ຫານແຂວງຄຳມ່ວນໃຫ້ຮູ້ວ່າ: ການປັບປຸງກໍ່ສ້າງພັກໃຫ້ມີຄວາມໜັກແໜ້ນ ເຂັ້ມແຂງຢູ່ອົງ ຄະນະພັກກອງບັນຊາການທະ ຫານແຂວງຄຳມ່ວນໄລຍະຜ່ານມາ, ຄະນະພັກ-ຄະນະບັນຊາ ກອງບັນຊາການ ກໍຄື ຄະນະພັກ ຮາກຖານຫ້ອງການເມືອງໄດ້ຖືສຳຄັນວຽກງານສືກສາອົບ ຮົມການເມືອງ-ນຳພາແນວຄິດ ຕິດພັນກັບວຽກງານກໍ່ສ້າງພັກ-ພະນັກງານໃຫ້ໜັກແໜ້ນ ເຂັ້ມແຂງທັງ 4 ດ້ານຄື: ດ້ານ ການເມືອງ-ແນວຄິດ, ການຈັດ ຕັ້ງ ແລະ ແບບແຜນການນຳພາ ໂດຍຖືເອົາ 5 ຫຼັກການ 3 ທິດນຳຂອງພັກເປັນໄມ້ຫຼາວັດແທກຄຸນທາດການເມືອງຂອງພະນັກງານສະມາຊິກພັກ ເອົາໃຈໃສ່ປັບປຸງບູລະນະການຈັດຕັ້ງພັກແຕ່ລະຂັ້ນໃຫ້ໜັກແໜ້ນ ໂດຍການປະ ກອບບຸກຄະລາກອນທີ່ມີມາດ ຖານເງື່ອນໄຂ, ມີລັກສະນະນຳໜ້າໃນການສ້າງພະນັກງານສືບ ທອດປ່ຽນແທນຫັນເປັນໜຸ່ມ ແຕ່ບົນພື້ນຖານຕ້ອງມີຄຸນທາດ ການເມືອງໜັກແໜ້ນ, ມີຄຸນສົມ ບັດສິນທຳປະຕິວັດ, ກ້າເຮັດ, ກ້າຮັບຜິດຊອບ ບົນພື້ນຖານຍຶດໝັ້ນຫຼັກການລວມສູນປະຊາທິປະໄຕເຮັດວຽກເປັນໝູ່ຄະນະແບ່ງໃຫ້ບຸກຄົນຮັບຜິດຊອບ ປັດຈຸບັນກອງບັນຊາການທະ ຫານແຂວງຄຳມ່ວນ ປະກອບມີ 1 ຄະນະພັກ, ມີ 8 ຄະນະພັກຮາກຖານ, ມີ 31 ໜ່ວຍພັກຂຶ້ນກັບຄະ ນະພັກຮາກຖານ ແລະ ມີ 16 ໜ່ວຍພັກເອກະລາດ, ທຽບໃສ່ໄລຍະຜ່ານມາ ຄະນະພັກຮາກຖານເພີ່ມຂຶ້ນ 2 ຄະນະ, ໜ່ວຍພັກເພີ່ມຂຶ້ນ 6 ໜ່ວຍ, ໜ່ວຍພັກເອກະລາດເພີ່ມ ຂຶ້ນ 3 ໜ່ວຍ, ໄດ້ຮັບການຢັ້ງຢືນຈາກຄະນະປະຈຳພັກແຂວງຄຳມ່ວນເປັນໜ່ວຍພັກປອດໃສ ເຂັ້ມແຂງ ໜັກແໜ້ນ 38 ໜ່ວຍ, ເພີ່ມຂຶ້ນ 32%, ກາງ 14 ໜ່ວຍເພີ່ມຂຶ້ນ 21%, ໄດ້ຂະຫຍາຍມະຫາຊົນກ້າວໜ້າເຂົ້າເປັນສະມາຊິກພັກ 885 ສະຫາຍ, ອະນຸມັດເຂົ້າເປັນສະມາຊິກພັກສຳຮອງ 643 ສະຫາຍ ແລະ ເລື່ອນສຳຮອງຂຶ້ນສົມບູນຈຳນວນ 554 ສະຫາຍ. ວຽກງານກໍ່ສ້າງພະນັກງານ ແມ່ນໄດ້ຖືເປັນບຸລິມະສິດແຖວໜ້າໃນການຕັດສິນຊີ້ຂາດຜົນໄດ້ ແລະ ຜົນເສຍຂອງການນຳ ພາ ເຊິ່ງໄລຍະຜ່ານມາຄະນະພັກກອງບັນຊາການໄດ້ສູ້ຊົນຍາດແຍ່ງເອົາທຶນຈາກຂັ້ນເທິງ ແລະ ກົມກອງເພື່ອນໃນການກໍ່ ສ້າງພະນັກງານສຶບທອດປ່ຽນແທນ ໃນນີ້, ໄດ້ກໍ່ສ້າງ-ບຳລຸງ ຢູ່ພາຍໃນ ແລະ ຕ່າງປະເທດ ບໍ່ວ່າຈະຢູ່ວິທະຍາຄານປ້ອງກັນຊາດ ໄກສອນ ພົມວິຫານ, ວິທະຍາຄານນາຍທະຫານບົກກົມມະດຳ, ໂຮງຮຽນທິດສະດີການເມືອງກອງທັບ ແລະ ວິ ທະຍາຄານອື່ນໆ ໃນກອງທັບຕາມຕົວເລກແບ່ງປັນຂອງຂັ້ນເທິງ ສະເພາະຢູ່ຕ່າງປະເທດແມ່ນປະເທດເພື່ອນມິດຍຸດທະສາດ ສສ ຫວຽດນາມ ກໍໄດ້ຮັບການຊ່ວຍເຫຼືອໃນການກໍ່ສ້າງໄລຍະຍາວ ແລະ ບຳລຸງ ໄລຍະສັ້ນ, ວຽກງານການພົວພັນຮ່ວມມືກັບຕ່າງປະເທດ ແມ່ນໄດ້ປະຕິບັດຕາມແນວທາງການຕ່າງປະເທດຂອງພັກ ໂດຍສະເພາະຮ່ວມມືກັບເພື່ອນມິດຍຸດທະສາດ ໃນນັ້ນໄດ້ແຮກສ່ຽວກອງບັນຊາການທະຫານແຂວງກວາງບິ່ງ, ກອງບັນຊາການທະຫານຊາຍແດນແຂວງກວາງບິ່ງ, ກອງບັນ ຊາການທະຫານແຂວງຮ່າຕິ່ງ ສສ ຫວຽດນາມ ໃນຊຸມປີຜ່ານ ມາໄດ້ຜັດປ່ຽນກັນຈັດກອງປະ ຊຸມພົບປະແລກປ່ຽນສະພາບການຂັ້ນແຂວງ ແລະ ຂັ້ນດ່ານ, ມີການພົບປະແລກປ່ຽນຄະນະຜູ່ແທນຢ່າງເປັນປົກກະຕິ, ພ້ອມນັ້ນຍັງໄດ້ເຊັນສັນຍາແຮກສ່ຽວລະຫວ່າງກອງຮ້ອຍທະຫານຊາຍແດນ, ຮ່ວມຂຸດຄົ້ນ ແລະ ສົ່ງອັດຖິທະຫານອາສາສະໝັກ ແລະ ຊ່ຽວຊານຫວຽດນາມກັບຄືນປະເທດ ແລະ ຮ່ວມກັນເຮັດບົດບັນທຶກຊ່ວຍຈຳໃນການສະກັດກັ້ນ ແລະ ແກ້ໄຂບັນຫາຢາເສບຕິດ, ການລ່ວງລໍ້າເຂດແດນ, ການລັກລອບຄ້າຂາຍເຖື່ອນຕາມຊາຍແດນລະຫວ່າງແຂວງ ແລະ ປະເທດໄກຄຽງໃຫ້ມີຄວາມສະຫງົບປອດໄພໂດຍພື້ນຖານ. ສະຫາຍ ພັນເອກ ພັນມະຫາ ຈູມມະນີ ຍັງໃຫ້ຮູ້ຕື່ມອີກວ່າ: ໄປຄຽງຄູ່ກັນນັ້ນຍັງໄດ້ຫັນເອົາພະນັກງານລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານຕາມ 4 ເນື້ອໃນ 4 ຄາດໝາຍ ຕິດພັນກັບວຽກງານ 3 ສ້າງຂອງພັກປະຈຳຢູ່ຕາມ ບັນດາກຸ່ມບ້ານ, ຕ້ານ ແລະ ສະ ກັດກັ້ນປະກົດການຫຍໍ້ທໍ້ທີ່ເກີດຂຶ້ນຢູ່ໃນກົມກອງ ກໍຄື ທ້ອງຖິ່ນຂອງແຂວງຄຳມ່ວນໃຫ້ມີຄວາມເປັນລະບຽບຮຽບຮ້ອຍ ແລະ ມີຄວາມສະຫງົບດີ ໃນການສ້າງຕານ່າງປ້ອງກັນຊາດເຂັ້ມແຂງ ພ້ອມນັ້ນຍັງໄດ້ເປັນເຈົ້າການຊຸກຍູ້ສ້າງຂະບວນການໃນດ້ານຕ່າງໆ ສຳລັບທິດທາງແຜນການໃນຕໍ່ໜ້າ ແມ່ນຈະໄດ້ສືບຕໍ່ເພີ່ມທະວີສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບ ຮັບຮູ້ເຊື່ອມຊຶມ, ກຳແໜ້ນ ແນວທາງນະໂຍບາຍຂອງພັກ- ລັດ, ປະຕິບັດໜ້າທີ່ວິຊາສະເພາະ ຂອງຕົນ ສ້າງກອງ 3 ປອດ (ປອດໃສ ປອດໄພ ປອດຄະດີ) ຍູ້ແຮງການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ໃຫ້ເພີ່ມຂຶ້ນທາງດ້ານຈຳນວນ ແລະ ຄຸນນະພາບ. ໂດຍ: ວັນໄຊ ໄຊສະຫວັດ

news to day and hot news