POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 20 ມີນາ 2025

ກອງບັນຊາການທະຫານຊາຍແດນ ປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ
ເວລາອອກຂ່າວ: 2025-02-07 13:44:09 | ຜູ້ຂຽນ : admin2 | ຈຳນວນຄົນເຂົ້າຊົມ: 3691 | ຄວາມນິຍົມ:

ວັນທີ 7 ກຸມພາ 2025 ນີ້, ກອງບັນຊາການທະຫານຊາຍແດນ ໄດ້ຈັດຕັ້ງພິທີປາຖະກະຖາ ວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ (20 ມັງກອນ 1949-20 ມັງກອນ 2025) ໂດຍການເປັນປະທານ ແລະ ປາຖະກະຖາ ຂອງສະຫາຍ ພັນເອກ ດາວໄກ ເລີດລີວັນ ຮອງຫົວໜ້າການເມືອງ ກອງບັນຊາການທະຫານຊາຍແດນ, ມີຄະນະພັກ-ຄະນະບັນຊາ, ພະແນກການ ພ້ອມດ້ວຍພະນັກງານ-ນັກຮົບເຂົ້າຮ່ວມ. ສະຫາຍ ພັນເອກ ດາວໄກ ເລີດລີວັນ ໄດ້ຫວນຄືນມູນເຊື້ອປະຫວັດການກໍາເນີດ, ການເຕີບໃຫຍ່ຂະຫຍາຍຕົວ ແລະ ຜົນງານການເຄື່ອນໄຫວຕະຫຼອດໄລຍະ 76 ປີທີ່ຜ່ານມາ ພາຍໃຕ້ການນໍາພາຂອງພັກປະຊາຊົນປະຕິວັດລາວ, ກອງທັບປະຊາຊົນລາວ ພ້ອມກັບປະຊາຊົນລາວບັນດາເຜົ່າ ໄດ້ພ້ອມກັນຕໍ່ສູ້ກູ້ຊາດຕ້ານຈັກກະພັດຜູ້ຮຸກຮານ ແລະ ເຮັດສຳເລັດໜ້າທີ່ການປະຕິວັດຊາດເປັນກ້າວໆ ໃນແຕ່ລະໄລຍະ ຍ້ອນມີການນໍາພາ ຂອງພັກປະຊາຊົນປະຕິວັດລາວທີ່ປີຊາສາມາດ, ສະຫຼາດສ່ອງໃສ ສາມາດຍາດໄດ້ໄຊຊະນະ ອິດສະຫຼະພາບມາສູ່ປະຊາຊົນລາວ ແລ້ວປົດປ່ອຍປະເທດຊາດໄດ້ຢ່າງສົມບູນ ແລະ ສ້າງຕັ້ງລະບອບ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ຢ່າງສະຫງ່າຜ່າເຜີຍ ໃນປະຫວັດສາດກອງທັບປະຊາຊົນລາວ ໄດ້ສ້າງທາດແທ້ ແລະ ມູນເຊື້ອອັນສະຫງ່າງາມຂອງກອງທັບປະຊາຊົນລາວ ແມ່ນພັກປະຊາຊົນ ປະຕິວັດລາວເປັນຜູ້ກໍ່ຕັ້ງ, ນໍາພາ ແລະ ສຶກສາອົບຮົມ ເວລາໃດກໍມີຄວາມຈົງຮັກພັກດີຕໍ່ພັກ, ຕໍ່ປະຊາຊົນ ແລະ ຕໍ່ປະເທດຊາດ ໃນພາລະກິດການຕໍ່ສູ້ກູ້ຊາດ,ຮັກສາເຂດນໍ້າແດນດິນໄວ້ຢ່າງໝັ້ນຄົງ ກອງທັບປະຊາຊົນລາວແມ່ນກຳເນີດມາຈາກປະຊາຊົນ ໂດຍປະຊາຊົນ ແລະ ເພື່ອປະຊາຊົນ, ມີຄວາມບໍລິສຸດຜຸດຜ່ອງ, ເດັດດ່ຽວໜຽວແໜ້ນ, ມີນໍ້າໃຈເສຍສະຫຼະອັນສູງສົ່ງຕໍ່ສູ້ເພື່ອຊາດ ກໍຄືເພື່ອອຸດົມການສັງຄົມນິຍົມ. ຜ່ານໄລຍະ 76 ປີແຫ່ງການກໍາເນີດ ແລະ ເຕີບໃຫຍ່ຂະຫຍາຍຕົວພາຍໃຕ້ການນຳພາຂອງພັກ ແມ່ນປະຫວັດສາດແຫ່ງການທົດສອບອັນໃຫຍ່ຫຼວງໃນການຕໍ່ສູ້ອັນຍືດເຍື້ອຍາວນານ ເພື່ອຍາດເອົາຄວາມເປັນເອກະລາດແຫ່ງຊາດທີ່ຫຍຸ້ງຍາກລຳບາກ, ແຕ່ກຳລັງປະກອບອາວຸດປະຕິວັດນັບມື້ໄດ້ຮັບການປັບປຸງ ແລະ ກໍ່ສ້າງຕົນເອງໃຫ້ເຂັ້ມແຂງ ກາຍເປັນກອງທັບທີ່ມີແບບແຜນທັນສະໄໝ ກ້າວຂຶ້ນສູ່ໄຊຊະນະແຫ່ງການສ້າງສາ ແລະ ພັດທະນາປະເທດຊາດ, ເປັນແວ່ນແຍງອັນໃສແຈ້ງໃຫ້ແກ່ນາຍ ແລະ ພົນທະຫານ ກອງບັນຊາການທະຫານຊາຍແດນ ໄດ້ນໍາເອົາມູນເຊື້ອອັນດີງາມ, ຄຸນສົມບັດສິນທໍາປະຕິວັດຂອງກອງທັບປະຊາຊົນລາວ ນໍາໄປໝູນໃຊ້ເຂົ້າໃນການພັດທະນາກົມກອງໃຫ້ເຕີບໃຫຍ່ຂະຫຍາຍຕົວ.

news to day and hot news