ວັນອາທິດ, ວັນທີ 27 ເມສາ 2025
ສະຫະພັນແມ່ຍິງ ກອງພົນທີ 4 ຢ້ຽມຊົມ ຫໍພິພິທະພັນ ມູນເຊື້ອໄຊຊະນະຮ່ວມສຳພັນສູ້ຮົບ ລາວ-ຫວຽດນາມ
ເວລາອອກຂ່າວ: 2025-03-17 09:31:37 | ຜູ້ຂຽນ : admin1 | ຈຳນວນຄົນເຂົ້າຊົມ: 3206 | ຄວາມນິຍົມ: 
ເນື່ອງໃນໂອກາດ ວັນແມ່ຍິງສາກົນ ຄົບຮອບ 115 ປີ, ໃນວັນທີ 4 ມີນາ 2025, ສະຫະພັນແມ່ຍິງກອງພົນທີ 4 ໄດ້ເຂົ້າຢ້ຽມຊົມຫໍພິພິທະພັນມູນເຊື້ອໄຊຊະນະຮ່ວມສຳພັນສູ້ຮົບ ລາວ-ຫວຽດນາມ ລາມເຊິນ 719 ຢູ່ທີ່ບ້ານ
ດົງ, ເມືອງເຊໂປນ, ແຂວງສະ ຫວັນນະເຂດ, ໂດຍການນຳພາຂອງ ສະຫາຍ ພັນໂທ ນາງ ລຳເຮືອງ ບຸດຕະວົງ ຫົວໜ້າພະແນກສະຫະພັນແມ່ຍິງ ກອງພົນທີ 4, ມີຫົວໜ້າຂະແໜງສະຫະພັນແມ່ຍິງກອງພັນໃຫຍ່ 401, ກອງ ພັນໃຫຍ່ 402, ຄະນະໜ່ວຍສະ ຫະພັນແມ່ຍິງແຕ່ລະຫົວໜ່ວຍກົມກອງ ທີ່ຂຶ້ນກັບກອງພົນທີ 4 ເຂົ້າຮ່ວມ.
ຄະນະພັກ-ຄະນະບັນຊາ, ຜູ້ຮັບຜິດຊອບ ແລະ ຜູ້ບັນລະຢາຍນຳທ່ຽວຊົມ ໄດ້ນຳພາຄະນະສະມາຊິກສະພັນແມ່ຍິງ ກອງພົນທີ 4 ເຂົ້າທ່ຽວຊົມຫໍພິພິທະພັນມູນເຊື້ອໄຊຊະນະຮ່ວມສຳພັນສູ້ຮົບ ລາວ-ຫວຽດນາມ ລາມເຊີນ 719 ທີ່ບ້ານດົງ ເມືອງເຊໂປນ ແຂວງສະຫວັນນະເຂດ, ເຊິ່ງເປັນອະ ນຸສອນສະຖານຂອງວີລະບູລຸດຜູ້ຮັກຊາດ ລາວ-ຫວຽດນາມ, ຫວຽດນາມ-ລາວ ທີ່ຕໍ່ສູ້ຢ່າງອົງອາດກ້າຫານຕ້ານກັບສັດຕູພວກລ່າເມືອງຂຶ້ນທັງແບບເກົ່າ ແລະ ແບບໃໝ່, ທີ່ເປັນບັ້ນຮົບທີ່ດຸເດືອດ ແລະ ຂ້ຽວຂາດທີ່ສຸດຢູ່ເຂດພາກກາງ ຂອງແຂວງສະ ຫວັນນະເຂດ. ທັງນີ້, ເພື່ອເຮັດໃຫ້ ສະມາຊິກສະຫະພັນແມ່ຍິງ ກອງພົນທີ 4 ໄດ້ຮັບຮູ້ ແລະ ເຂົ້າໃຈ ການເຄື່ອນໄຫວຕໍ່ສູ້ຢ່າງພິລະອາດຫານຈົນສາມາດປົດປ່ອຍປະເທດຊາດຢ່າງສົມບູນ ໃນປີ 1975 ຢ່າງສະຫງ່າງາມ ແລະ ເກັບກຳບັນດາບົດຮຽນ ແລະ ມູນເຊື້ອດັ່ງກ່າວໄປໝູນໃຊ້ເຂົ້າໃນການດຳລົງຊີວິດຕົວຈິງຢູ່ກົມກອງໃຫ້ເກີດດອກອອກຜົນ.
ໂດຍ: ໂພຄຳ ພອນປະເສີດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
