ວັນຈັນ, ວັນທີ 12 ພຶດສະພາ 2025
ຄະນະພັກທະຫານແຂວງເຊກອງ ເຄື່ອນໄຫວຢ້ຽມຢາມ ແລະ ມອບເຄື່ອງໃຫ້ປະຊາຊົນບ້ານຕະລຸຍ
ເວລາອອກຂ່າວ: 2025-04-21 09:31:43 | ຜູ້ຂຽນ : admin3 | ຈຳນວນຄົນເຂົ້າຊົມ: 670 | ຄວາມນິຍົມ: 
ວັນທີ 9 ເມສາ 2025 ນີ້, ຄະນະພັກກອງບັນຊາການທະຫານແຂວງເຊກອງ ເຄື່ອນໄຫວຢ້ຽມຢາມ ແລະ ມອບເຄື່ອງອຸປະໂພກ ແລະ ເຄື່ອງບໍລິໂພກໃຫ້ປະຊາຊົນບ້ານຕະລຸຍ ເມືອງກະລຶມ, ໂດຍມີ ສະຫາຍ ພັນໂທ ວົງໄຊ ພະອຸທອນ ຄະນະພັກກອງບັນຊາການ, ຮອງຫົວໜ້າຫ້ອງເສນາທິການທະຫານແຂວງເຊກອງ ແລະ ສະຫາຍ ພັນໂທ ລາດສະວົງ ແກ້ວດາສິນ ຄະນະພັກກອງບັນຊາການ, ຮອງຫົວໜ້າຫ້ອງການເມືອງ ທະຫານແຂວງເຊກອງເປັນຄະນະ ແລະ ມີບັນດາສະຫາຍພະນັກງານ-ນັກຮົບຈາກພາກສ່ວນກອງຮ້ອຍຕີພິເສດ 101, ກອງຮ້ອຍ 105 ແລະ ກອງຮ້ອຍ 102 ເຂົ້າຮ່ວມ. ສະຫາຍ ພັນໂທ ວົງໄຊ ພະອຸທອນ ກໍໄດ້ກ່າວສະແດງຄວາມເສຍໃຈນຳຄອບຄົວ ບ້ານຕະລຸຍ ເມືອງລະມາມ ແຂວງເຊກອງ ທີ່ໄດ້ປະສົບອັກຄີໄພ ບໍ່ຄາດຄິດເກີດຂຶ້ນໃນຄັ້ງນີ້ຢ່າງສຸດຊຶ້ງ, ພ້ອມທັງຕາງໜ້າ ບໍລິສັດ ພາວເວີໄຊນາ ຈຳກັດຜູ້ດຽວ ມອບເຄື່ອງອຸປະໂພກ ແລະ ເຄື່ອງບໍລິໂພກຈຳນວນໜຶ່ງ. ໃນນັ້ນ, ມີເຂົ້າສານໜຽວ 36 ສອບ, ໝີ່ 36 ແກັດ, ນ້ຳດື່ມ 36 ແພັກ, ເຕັ້ນນອນ 14 ຊຸດ, ມຸ້ງ 36 ດາງ, ສາດປູນອນ 36 ຜືນ, ຜ້າຫົ່ມ 36 ຜືນ ລວມມູນຄ່າ 50.130.000 ກີບ ແລະ ອຳນວຍການໂຮງຮຽນສາມັນກິນນອນຊົນເຜົ່າແຂວງເຊກອງ ກໍໄດ້ມອບເຄື່ອງຊ່ວຍເຫຼືອປະເພດເຄື່ອງນຸ່ງຫົ່ມຈຳນວນສາມສອບ ແລ້ວພາຍຫຼັງກຳລັງທະຫານກໍໄດ້ເຂົ້າຊ່ວຍເຮັດເຮືອນພັກເຊົາຊົ່ວຄາວ ແລະ ແພດໝໍປະຈຳພາກສະໜາມ ກໍໄດ້ຕິດຕາມ ແລະ ກວດກາພະຍາດ ພ້ອມວາງ
ຢາຕາມອາການໃຫ້ກັບຜູ້ປ່ວຍສຳເລັດ.
ໂອກາດດັ່ງກ່າວ, ທ່ານ ສາມໄຊ ສາຍຈື່ດຳ ເລຂາພັກບ້ານ, ນາຍບ້ານ ບ້ານຕະລຸຍ ພ້ອມດ້ວຍປະຊາຊົນບ້ານ ກໍໄດ້ສະແດງຄວາມຂອບໃຈຢ່າງລົ້ນເຫຼືອທີ່ທາງພັກ-ລັດໃຫ້ຄວາມໃກ້ຊິດຕິດແທດເບິ່ງແຍງໄປຮອດຈອດເຖິງຂັ້ນເທິງບໍ່ຖິ້ມບໍ່ປະ ແລະ ໃຫ້ການຊ່ວຍເຫຼືອທຸກຢ່າງ.
ໂດຍ: ມິຕິ ທ່ອນມະນີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
