ວັນຈັນ, ວັນທີ 12 ພຶດສະພາ 2025
ກົມໃຫຍ່ເສນາທິການກອງທັບ ປາຖະກະຖາວັນສ້າງຕັ້ງຊາວໜຸ່ມ ປະຊາຊົນ ປະຕິວັດລາວ ຄົບຮອບ 70 ປີ
ເວລາອອກຂ່າວ: 2025-04-21 09:40:58 | ຜູ້ຂຽນ : admin3 | ຈຳນວນຄົນເຂົ້າຊົມ: 659 | ຄວາມນິຍົມ: 
ວັນທີ 9 ເມສາ 2025 ນີ້, ກົມໃຫຍ່ເສນາທິການກອງທັບ ໄດ້ຈັດຕັ້ງປາຖະກະຖາມູນເຊື້ອວັນສ້າງຕັ້ງຊາວໜຸ່ມ ປະຊາຊົນ ປະຕິວັດລາວ ຄົບຮອບ 70 ປີ (14 ເມສາ 1955-14 ເມສາ 2025), ໂດຍການເປັນປະທານຂອງ ສະຫາຍ ພັນເອກ ພິມ ວິຈິດວົງສາ ຮອງຫົວໜ້າຫ້ອງການເມືອງກົມໃຫຍ່ເສນາທິການກອງທັບ, ມີຕາງໜ້າຫ້ອງການ, ຄະນະພັກ-ຄະນະບັນຊາ, ເລຂາໜ່ວຍຊາວໜຸ່ມກົມກອງ ສະມາຊິກຊາວໜຸ່ມ ເຂົ້າຮ່ວມ.
ສະຫາຍ ພັນເອກ ພິມ ວິຈິດວົງສາ ໄດ້ຂຶ້ນປາຖະກະຖາວັນດັ່ງກ່າວ ເຊິ່ງໄດ້ທົບທວນຫວນຄືນ ແລະ ຍົກໃຫ້ເຫັນປະຫວັດການກຳເນີດ, ການປັບປຸງກໍ່ສ້າງເຕີບໃຫຍ່ເຂັ້ມແຂງ ແລະ ບົດບາດວີລະກຳຂອງຊາວໜຸ່ມປະຊາຊົນ ປະຕິວັດລາວໃນພາລະກິດຕໍ່ສູ້ກູ້ຊາດ, ປົກປັກຮັກສາ ແລະ ສ້າງສາພັດທະນາປະເທດຊາດຕະຫຼອດໄລຍະ 70 ປີຜ່ານມາ, ເຊິ່ງຊາວໜຸ່ມລາວແຕ່ລະຮຸ່ນໄດ້ປະກອບສ່ວນສຳຄັນເຂົ້າໃນພາ ລະກິດການປະຕິວັດຂອງພັກ ໃນການເຕົ້າໂຮມຄວາມສາມັກຄີ, ສຶກສາອົບຮົມຖັນແຖວຊາວໜຸ່ມ-ໄວໜຸ່ມ ປະຕິບັດບົດບາດເປັນກຳລັງນຳໜ້າປະຈັນບານໃນທຸກສະໜາມຮົບ ແລະ ທຸກຂົງເຂດວຽກງານປະກອບສ່ວນອັນໃຫຍ່ຫຼວງເຂົ້າໃນພາລະກິດຕໍ່ສູ້ກູ້ຊາດ ເພື່ອຄວາມເປັນເອກະລາດ, ຄວາມຢູ່ເຢັນເປັນສຸກຂອງປະຊາຊົນລາວບັນດາເຜົ່າ ຫຼັງຈາກປະເທດຊາດໄດ້ຮັບການປົດ ປ່ອຍຢ່າງສົມບູນໃນວັນທີ 2 ທັນວາ 1975 ຖັນແຖວຊາວໜຸ່ມໄດ້ ເປັນເຈົ້າການປະກອບສ່ວນສອງ ໜ້າທີ່ຍຸດທະສາດຂອງພັກຄື: ປົກປັກຮັກສາ ແລະ ສ້າງສາພັດທະນາປະເທດຊາດ ຍາມໃດຊາວໜຸ່ມກໍເປັນກຳລັງແຮງອັນສຳຄັນຕໍ່ການພັດທະນາ ແລະ ເປັນກະດູກສັນຫຼັງຂອງປະເທດຊາດ, ເປັນແຂນຂວາຂອງພັກ ທັງເປັນຜູ້ສືບທອດທີ່ຈົງຮັກພັກດີຕໍ່ພັກຕໍ່ປະເທດຊາດ ແລະ ປະຊາຊົນລາວບັນດາເຜົ່າຕະຫຼອດມາ. ທັງນີ້, ກໍເພື່ອເຮັດໃຫ້ຄະນະພັກ-ຄະນະບັນຊາ, ເລຂາໜ່ວຍຊາວໜຸ່ມ, ສະມາຊິກຊາວໜຸ່ມໄດ້ເຊື່ອມຊຶມ, ກຳແໜ້ນຕໍ່ມູນເຊື້ອຄວາມອົງອາດກ້າແກ່ນຂອງຊາວໜຸ່ມຮຸ່ນກ່ອນ, ເພື່ອນຳມາເປັນແນວທາງ, ເປັນບົດຮຽນເຂົ້າໃນການເຝິກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີຄວາມຈົງຮັກພັກດີຕໍ່ປະເທດຊາດ ແລະ ກາຍເປັນສະມາຊິກຊາວໜຸ່ມຜູ້ສືບທອດທີ່ດີ.
ໂດຍ: ເຂັມພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
