POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 12 ພຶດສະພາ 2025

ການນຳພາຂອງອົງຄະນະພັກກອງບັນຊາການ ທະຫານແຂວງຫຼວງພະບາງ ໃນໄລຍະ 5 ປີຜ່ານມາ
ເວລາອອກຂ່າວ: 2025-04-21 09:47:25 | ຜູ້ຂຽນ : admin3 | ຈຳນວນຄົນເຂົ້າຊົມ: 789 | ຄວາມນິຍົມ:

ສະຫາຍ ພົນຈັດຕະວາ ສີວິໄຊ ເພັງສັນຕິສຸກ ຫົວໜ້າການເມືອງກອງບັນຊາການທະ ຫານແຂວງຫຼວງພະບາງ ໃຫ້ຮູ້ວ່າ: ການນຳພາ ແລະ ຄວາມເປັນແບບຢ່າງນຳໜ້າຂອງຄະນະພັກກອງບັນຊາການທະຫານແຂວງຫຼວງພະບາງໃນໄລຍະຜ່ານມາແມ່ນໄດ້ສຸມໃສ່ປັບປຸງກໍ່ສ້າງກຳລັງໃຫ້ມີຄວາມໜັກແໜ້ນ ເຂັ້ມແຂງ ເປັນຕົ້ນແມ່ນການຈັດຕັ້ງຜັນຂະຫຍາຍ 4 ໜ້າ ທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດ ກໍຄື ມະຕິກອງປະຊຸມໃຫຍ່ ຄັ້ງທີ VII ອົງຄະນະພັກກອງບັນຊາການທະຫານແຂວງຫຼວງພະບາງ ໄລຍະ 5 ປີຜ່ານມາ, ອັນພົ້ນເດັ່ນແມ່ນໄດ້ຈັດຕັ້ງຫັນເອົາພະນັກງານລົງກໍ່ສ້າງຮາກຖານການເມືອງຕາມ 4 ເນື້ອໃນ 4 ຄາດໝາຍ ຕິດພັນກັບການພັດ ທະນາຊົນນະບົດຮອບດ້ານ ຕາມເຂດຈຸດສຸມຍຸດທະສາດຂອງແຂວງ ແລະ ເຂດຊາຍແດນລາວ-ຫວຽດນາມ ສາມາດສ້າງ ບ້ານ ແລະ ຄອບຄົວປ້ອງກັນຊາດເຂັ້ມແຂງໄດ້ 55 ກຸ່ມບ້ານ, ມີ 313 ບ້ານ 33.149 ຄອບ ຄົວ. ໄດ້ສົມທົບກຳລັງ ປກສ ແລະ ອົງການປົກຄອງທ້ອງຖິ່ນ ຊ່ວຍເຫຼືອປ້ອງກັນຕ້ານພະຍາດໂຄວິດ-19, ຊ່ວຍປະຊາຊົນທີ່ຖືກຜົນກະທົບຈາກໄພນໍ້າຖ້ວມໄດ້ 25 ບ້ານ, ຈັດຕັ້ງປ້ອງກັນເວນຍາມບັນດາໂຄງການ, ເສັ້ນທາງລົດໄຟ ລາວ-ຈີນ, ສະໜາມບິນສາກົນ ແລະ ເສັ້ນທາງຍຸດທະສາດ, ປ້ອງກັນກອງປະຊຸມຂັ້ນຕ່າງໆທີ່ຈັດຢູ່ແຂວງຫຼວງພະບາງ ມີຄວາມສະຫງົບປອດໄພ 100%. ວຽກງານການປັບປຸງກໍ່ສ້າງກຳລັງ ໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດ ດ້ວຍການນຳເອົາມະຕິ, ຄຳສັ່ງຂອງພັກ, ກົດໝາຍຂອງລັດ, ລະ ບຽບວິໄນຂອງກອງທັບ ລວມທັງປະຫວັດມູນເຊື້ອສຳຄັນຕ່າງໆ ມາເປັນເນື້ອໃນຈັດຕັ້ງເຜີຍແຜ່ອັນເປັນຕົ້ນຕໍ ເຮັດໃຫ້ພະນັກງານ ສະມາຊິກພັກ-ນັກຮົບ ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີຄວາມຈົງຮັກພັກດີຕໍ່ການຈັດຕັ້ງພັກ-ລັດ ແລະ ປະຊາຊົນ, ມີຄວາມຫ້າວຫັນເຮັດສຳເລັດໜ້າ ທີ່ການເມືອງຂອງຕົນ. ໄປພ້ອມກັນນີ້, ຍັງໄດ້ຈັດຕັ້ງນຳພາ-ຊີ້ນຳສ້າງຂະບວນການດ້ານຕ່າງໆ ຕິດພັນກັບຂະບວນການຮັກຊາດ-ພັດທະນາ, ໂຄສະນາຂ່າວສານຢ່າງເລິກເຊິ່ງກວ້າງຂວາງ, ເຂົ້າຮ່ວມການແຂ່ງຂັນກິລາ, ສະແດງສິລະປະ-ວັນະຄະດີ ຮັບໃຊ້ຢູ່ບັນ ດາກົມກອງ ແລະ ປະຊາຊົນບັນດາເຜົ່າດ້ວຍບັນຍາກາດຟົດຟື້ນມ່ວນຊື່ນ. ປັດຈຸບັນອົງຄະນະພັກກອງບັນຊາການທະຫານແຂວງຫຼວງພະບາງມີ 9 ຄະນະພັກຮາກຖານ ມີ 54 ໜ່ວຍພັກ ທຽບໃສ່ ປີ 2020 ໜ່ວຍພັກເພີ່ມຂຶ້ນ 2 ໜ່ວຍເທົ່າກັບ 2,7%; ມີສະມາຊິກພັກທັງໝົດ 1.404 ສະຫາຍ ຍິງ 201 ສະຫາຍ, ຂະຫຍາຍສະມາຊິກພັກໃໝ່ໄດ້ 122 ສະຫາຍ, ທຽບໃສ່ປີ 2020 ເພີ່ມຂຶ້ນ 8,6%. ມີໜ່ວຍພັກແຂງ 48 ໜ່ວຍ, ກວມ 88,8%, ກາງ 6 ໜ່ວຍ, ມີສະ ມາຊິກພັກແຂງ 1.364 ສະຫາຍ ຍິງ 198 ສະຫາຍ, ກວມເອົາ 97,5%, ແຕ່ງຕັ້ງບົ່ງຕົວເລຂາ, ຮອງເລຂາຄະນະພັກຈຳນວນ 140 ສະຫາຍ. ວຽກງານກໍ່ສ້າງພະນັກງານໄດ້ເອົາໃຈໃສ່ວຽກງານຄຸ້ມຄອງ ແລະ ຂຶ້ນແຜນກຳນົດ ກໍ່ສ້າງພະນັກງານສືບທອດທີ່ມີຄຸນທາດການເມືອງໜັກແໜ້ນ, ຄຸນສົມບັດສິນທຳປະ ຕິວັດ, ມີຄວາມຮູ້ຄວາມສາມາດ ຮັບປະກັນລັກສະນະສືບທອດປ່ຽນແທນຢ່າງຕໍ່ເນື່ອງ ສ້າງໄດ້ພະນັກງານ 3 ຮຸ່ນ; ວຽກງານປ້ອງກັນພາຍໃນ ໄດ້ເອົາໃຈໃສ່ຊີ້ນຳການສ້າງກອງປອດໃສ ປອດໄພ ປອດຄະດີ ໃນນັ້ນໄດ້ຮັບຮອງຈາກຄະນະພັກຂັ້ນເທິງເປັນກອງປອດໃສ ປອດໄພ ປອດຄະດີ ປະເພດ I ມີ 33 ກົມກອງ ປະເພດ II ມີ 4 ກົມກອງ, ຕີລາຄາແບ່ງປະເພດຄຸນນະພາບ ການເມືອງພາຍໃນ ປະເພດ I ກວມເອົາ 91,66%, ປະເພດ II ກວມເອົາ 11,11%. ພ້ອມກັນນີ້, ຍັງໄດ້ຄົ້ນຄວ້າປະຕິບັດນະໂຍບາຍໃຫ້ພະນັກງານສ້າງຄອບຄົວໃໝ່, ເຈັບເປັນ, ເສຍອົງຄະ, ເສຍຊີ ວິດຖືກຕ້ອງສອດຄ່ອງຕາມແນວ ທາງນະໂຍບາຍຂອງພັກ-ລັດ ແລະ ກອງທັບ, ເຊິ່ງຜ່ານມາພະນັກງານ-ນັກຮົບ ໄດ້ຮັບການຍ້ອງຍໍປະເພດຫຼຽນໄຊປະເພດຕ່າງໆ 802 ໜ່ວຍ, ຫຼຽນກາ 709 ໜ່ວຍ, ໃບຍ້ອງຍໍປະເພດຕ່າງໆ 2.064 ໃບ. ວຽກງານຮັບປະກັນພະລາທິການ-ເຕັກນິກ ສາມາດຮັບປະກັນດ້ານເຂົ້າກິນ, ເຄື່ອງນຸ່ງຫົ່ມ ຮັບປະກັນການຄຸ້ມຄອງລ້ຽງດູກຳລັງ, ຄຸ້ມຄອງງົບປະມານລາຍຮັບ-ລາຍຈ່າຍ ນອກຈາກນີ້ຍັງໄດ້ນຳພາ-ຊີ້ນຳປັບປຸງສະຖານທີ່ຄ້າຍຄູ ທີ່ຢູ່ອາໄສເຂົ້າສູ່ລະບົບທີ່ແໜ້ນໜາຖາວອນຕາມທ່າແຮງບົ່ມຊ້ອນຂອງກົມກອງ ສົມທົບທຶນຈາກຂັ້ນເທິງ, ການຊ່ວຍເຫຼືອຈາກພາກສ່ວນທຸລະກິດຜູ້ປະກອບການ ແລະ ອົງການປົກຄອງທ້ອງຖິ່ນສາ ມາດກໍ່ສ້າງລະບົບຄ້າຍຄູ, ຫ້ອງການ ສາງຄັງຕ່າງໆ ໄດ້ທັງໝົດ 13 ໂຄງການ ລວມມູນຄ່າ ການກໍ່ສ້າງເປັນເງິນທັງໝົດ 32.537.479.000 ກີບ, ພ້ອມນີ້ຍັງໄດ້ຊີ້ນຳຊຸກຍູ້ກົມກອງຈັດຕັ້ງປະຕິບັດຕາມທິດນຳ 4 ປູກ, 4 ລ້ຽງ ທີ່ກົມໃຫຍ່ພະລາທິການກອງທັບວາງອອກ ສາມາດຕອບສະໜອງພືດຜັກເຂົ້າເຮືອນຄົວລວມ 85%, ສະໜອງຊີ້ນ-ປາໄດ້ 50% ແລະ ສາມາດສ້າງແຫຼ່ງລາຍຮັບຈາກການປູກຝັງ-ລ້ຽງສັດ ແລະ ບໍລິການຕ່າງໆລວມທັງໝົດ 39.907.726.000 ກີບ, ໂດຍທຶນດັ່ງກ່າວໄດ້ນຳໃຊ້ເຂົ້າໃນວຽກງານບໍລິຫານ, ຊື້ພາຫະນະ ແລະ ປັບປຸງກໍ່ສ້າງກົມກອງ. ວຽກງານຮັບປະກັນພາຫະນະ-ເຕັກນິກກຽມພ້ອມສູ້ຮົບ, ອົບຮົມ-ຫັດແອບ, ບໍລິຫານ ແລະ ກອບກູ້ໄພພິບັດໄດ້ມີການຄຸ້ມຄອງຕາມລະບອບເຕັກນິກທີ່ກົມໃຫຍ່ເຕັກນິກກອງທັບວາງອອກ ຢ່າງຮັດກຸມ ບໍ່ວ່າຈະເປັນອາວຸດກະສູນ. ພາຫະນະເຕັກນິກຕ່າງໆມີການຈັດຕັ້ງບົວລະບັດ, ຜັດເຊັດປົກປັກຮັກສາບໍ່ໃຫ້ເປເພເສຍຫາຍໂດຍບໍ່ມີເຫດຜົນ, ຮັບປະກັນໃນການເບີກຈ່າຍຖືກຕ້ອງຕາມຫຼັກການ ແລະ ມີສຳຮອງວັດຖຸ, ພາຫະນະເຄື່ອນທີ່ໄວ, ສາມາດຮັບປະກັນໃຫ້ແກ່ການເຄື່ອນໄຫວປະຕິບັດໜ້າທີ່ການເມືອງຂອງກົມກອງໄດ້ເປັນຢ່າງດີ ແລະ ວຽກງານພົວພັນຮ່ວມມືການຕ່າງປະເທດ ໄດ້ຈັດຕັ້ງປະຕິບັດແນວທາງການຕ່າງປະເທດຂອງ ພັກ ໂດຍສະເພາະແມ່ນກອງທັບ ປະເທດເພື່ອນມິດຍຸດທະສາດ ສສ ຫວຽດນາມ ແລະ ສປ ຈີນ ໄດ້ຈັດກອງປະຊຸມພົບປະແລກປ່ຽນສະພາບປະຈຳປີ, ເຄື່ອນໄຫວລາດຕະເວນຮ່ວມສອງຝ່າຍ ແລະ ສາມາດສະກັດກັ້ນແກ້ໄຂປະກົດການຫຍໍ້ທໍ້ລຽບຕາມຊາຍແດນ, ພ້ອມນັ້ນຍັງໄດ້ຕ້ອນຮັບຄະນະຜູ້ແທນກອງທັບປະຊາຊົນຫວຽດນາມ, ຈີນ, ໄທ, ກຳປູເຈຍ ແລະ ສ ລັດເຊຍ ທີ່ມາ ເຄື່ອນໄຫວພົບປະຢ້ຽມຢາມ ແລະ ທ່ອງທ່ຽວ ຢູ່ແຂວງຫຼວງພະບາງ ຕື່ມອີກ. ໂດຍ: ສົມພອນ ສຸວັນທອນ

news to day and hot news