ວັນຈັນ, ວັນທີ 12 ພຶດສະພາ 2025
ຜູ້ບັນຊາການທະຫານຊາຍແດນ ກອງທັບປະຊາຊົນລາວ ຕ້ອນຮັບເຈົ້າກົມກິດຈະການຊາຍແດນທະຫານ ກອງທັບໄທ
ເວລາອອກຂ່າວ: 2025-04-25 09:06:30 | ຜູ້ຂຽນ : admin1 | ຈຳນວນຄົນເຂົ້າຊົມ: 705 | ຄວາມນິຍົມ: 
ໃນວັນທີ 23 ເມສາ 2025 ນີ້, ທີ່ໂຮງແຮມຈຳປາສັກແກຣນ ນະຄອນປາກເຊ ແຂວງຈຳປາສັກ ທ່ານ ພັນເອກ ອຸ່ນຄຳ ສີແຫວນວົງສັກ ຜູ້ບັນຊາການທະຫານຊາຍແດນ ກອງທັບປະຊາຊົນລາວ ພ້ອມດ້ວຍຄະນະ ໄດ້ຕ້ອນ
ຮັບ ທ່ານ ພົນໂທ ນັດຖະພົງ ເພຣົາແກ້ວ ເຈົ້າກົມກິດຈະການ ຊາຍແດນທະຫານກອງບັນຊາການກອງທັບໄທ ພ້ອມຄະນະ ທີ່ເດີນທາງມາເຂົ້າຮ່ວມກອງປະຊຸມຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນທົ່ວໄປ ລາວ-ໄທ ຄັ້ງທີ I ປີ 2025 ທີ່ນະຄອນປາກເຊ ແຂວງຈຳປາສັກ ໃນລະຫວ່າງ ວັນທີ 20-26 ເມສາ 2025.
ທ່ານ ພັນເອກ ອຸ່ນຄຳ ສີແຫວນວົງສັກ ໄດ້ກ່າວສະແດງຄວາມຍິນດີຕ້ອນຮັບດ້ວຍຄວາມອົບອຸ່ນ ແລະ ຕີລາຄາສູງຕໍ່ສາຍພົວພັນການຮ່ວມມືລະຫວ່າງສອງຊາດ, ສອງກອງທັບ ລາວ-ໄທ ຖານບ້ານໃກ້ເຮືອນຄຽງທີ່ມີຊາຍແດນຕິດຈອດກັນ ພ້ອມທັງໄດ້ສະແດງຄວາມຂອບໃຈຕໍ່ ທ່ານ ພົນໂທ ນັດຖະພົງ ເພຣົາແກ້ວ ພ້ອມດ້ວຍຄະນະ ທີ່ເດີນທາງເຂົ້າມາຮ່ວມກອງປະຊຸມຄັ້ງນີ້, ທີ່ ສປປ ລາວ ຮັບກຽດເປັນເຈົ້າພາບ ເຊິ່ງເປັນການປະກອບສ່ວນສຳຄັນເຂົ້າໃນການເພີ່ມທະວີຮັດແໜ້ນສາຍພົວພັນການຮ່ວມມືລະຫວ່າງສອງປະເທດໂດຍສະເພາະແມ່ນການຮ່ວມມືລະຫວ່າງສອງກະຊວງປ້ອງກັນປະເທດ ລາວ-ໄທ, ໄທ-ລາວ ໃຫ້ໄດ້ຮັບການເສີມຂະຫຍາຍດ້ວຍໝາກຜົນອັນຈົບງາມ.
ໃນວັນດຽວກັນນີ້, ທ່ານ ພັນເອກ ສອນເພັດ ພົມຫຼວງສີ ຮອງຫົວໜ້າກົມພົວພັນຕ່າງປະເທດ ກະຊວງປ້ອງກັນປະເທດແຫ່ງ ສປປ ລາວ ພ້ອມຄະນະ ກໍຍັງໄດ້ໃຫ້ການຕ້ອນຮັບ ທ່ານ ພົນໂທ ນັດຖະພົງ ເພຣົາແກ້ວ ເຈົ້າກົມກິດຈະການຊາຍແດນທະຫານ ກອງບັນຊາການກອງທັບໄທ ພ້ອມດ້ວຍຄະນະ ຢູ່ທີ່ດ່ານສາກົນວັງເຕົ່າ-ຊ່ອງເມັກ ຕື່ມອີກ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
