ວັນອັງຄານ, ວັນທີ 24 ມິຖຸນາ 2025
ຮອງຫົວໜ້າກົມພົວພັນຕ່າງປະເທດ ຕ້ອນຮັບທີ່ປຶກສາທູດປ້ອງກັນຊາດຝຣັ່ງ ເຂົ້າຢ້ຽມຂ່ຳນັບ
ເວລາອອກຂ່າວ: 2025-05-09 09:17:11 | ຜູ້ຂຽນ : admin1 | ຈຳນວນຄົນເຂົ້າຊົມ: 2713 | ຄວາມນິຍົມ: 
ວັນທີ 7 ພຶດສະພາ 2025 ນີ້, ທ່ານ ພັນເອກ ສອນເພັດ ພົມຫຼວງສີ ຮອງຫົວໜ້າກົມພົວພັນຕ່າງປະເທດ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ພັນເອກ ນາງ ອານ ແບຣງ ທີ່ປຶກສາທູດປ້ອງກັນຊາດຝຣັ່ງ ປະຈຳ ສປປ ລາວ.
ໂອກາດດັ່ງກ່າວ, ທ່ານ ພັນເອກ ສອນເພັດ ພົມຫຼວງສີ ໄດ້ສະແດງຄວາມຍິນດີຕ້ອນຮັບອັນອົບອຸ່ນ, ພ້ອມທັງຕີລາຄາສູງ ຕໍ່ສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ລາວ-ຝຣັ່ງ ຕະຫຼອດໄລຍະຜ່ານມາ ເຊິ່ງໄດ້ປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບ, ການຮ່ວມມື ລະຫວ່າງ ສປປ ລາວ-ຝຣັ່ງ ໃຫ້ນັບມື້ແຕກດອກອອກຜົນຍິ່ງໆຂຶ້ນ ແລະ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງສອງປະເທດໃຫ້ຈະເລີນຮຸ່ງເຮືອງກ້າວຂຶ້ນຢ່າງບໍ່ຢຸດຢັ້ງ, ພ້ອມທັງສະແດງຄວາມຂອບໃຈ ຕໍ່ການຊ່ວຍເຫຼືອອັນລ້ຳຄ່າຈາກລັດຖະບານຝຣັ່ງ ເປັນຕົ້ນແມ່ນ ບັນດາໂຄງການຊ່ວຍເຫຼືອຕ່າງໆ ທີ່ສຳຄັນ ໃນຂົງເຂດການພັດທະນາຊັບພະຍາກອນມະນຸດ, ການຊ່ວຍເຫຼືອໃນວຽກງານເກັບກູ້ລະເບີດ ແລະ ດ້ານມະນຸດສະທຳ.
ໂອກາດດຽວກັນ, ທ່ານ ພັນເອກ ນາງ ອານ ແບຣງ ກໍໄດ້ສະແດງຄວາມຂອບໃຈ ຕໍ່ທ່ານ ພັນເອກ ສອນເພັດ ພົມຫຼວງສີ ທີ່ໄດ້ໃຫ້ການຕ້ອນຮັບຢ່າງອົບອຸ່ນ, ພ້ອມໃຫ້ຄຳໝັ້ນສັນຍາວ່າ ຈະສືບຕໍ່ສະໜັບສະໜູນຊ່ວຍເຫຼືອ ສປປ ລາວ ໃນທຸກດ້ານ ເພື່ອການປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງປະເທດ ກໍຄືສອງກອງທັບ ລາວ-ຝຣັ່ງ ໃຫ້ນັບມື້ໄດ້ຮັບການພັດທະນາຍິ່ງໆຂຶ້ນ.
ໂດຍ: ອະວິໄຊ ເຄນາພູມ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
