POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 24 ມິຖຸນາ 2025

ເຈົ້າແຂວງເຊກອງ ມອບວັດຖຸປັດໄຈ ແລະ ອຸປະກອນຮັບໃຊ້ ໃຫ້ໂຮງຮຽນການທະຫານທະຫານທ້ອງຖິ່ນ ແຂວງເຊກອງ
ເວລາອອກຂ່າວ: 2025-05-14 10:11:25 | ຜູ້ຂຽນ : admin2 | ຈຳນວນຄົນເຂົ້າຊົມ: 4127 | ຄວາມນິຍົມ:

ວັນທີ 13 ພຶດສະພາ 2025 ນີ້, ສະຫາຍ ເຫຼັກໄຫຼ ສີວິໄລ ເຈົ້າແຂວງເຊກອງ ພ້ອມຄະນະນໍາຂອງແຂວງ, ໄດ້ນໍາເອົາ ວັດຖຸປັດໃຈ ແລະ ອຸປະກອນຮັບໃຊ້ ມາຊ່ວຍເຫຼືອ ໂຮງຮຽນການທະຫານທ້ອງຖິ່ນແຂວງເຊກອງ ເພື່ອເປັນການປັບປຸງບູລະນະ ສະຖານທີ່ຄ້າຍຄູ ທີ່ເປ້ເພເສຍຫາຍຈາກໄພພິບັດທາງທຳມະຊາດ, ຕ່າງໜ້າກອງບັນຊາການເຂົ້າຮ່ວມມີສະຫາຍ ພັນເອກ ສີດາວົງ ດວງປານີ ຫົວໜ້າຫ້ອງການເມືອງກອງບັນຊາການທະຫານແຂວງ,ບັນດາສະຫາຍທີ່ກ່ຽວຂ້ອງຂັ້ນແຂວງ ແລະ ກ່າວຮັບເຄື່ອງດັ່ງກ່າວໂດຍ ສະຫາຍ ພັນໂທ ເພັດສະຫວັນ ເຮືອງປັນຍາ ຫົວໜ້າການເມືອງໂຮງຮຽນການທະຫານທ້ອງຖິ່ນແຂວງເຊກອງພ້ອມຄະນະ. ສະຫາຍ ພັນໂທ ເພັດສະຫວັນ ເຮືອງປັນຍາ ໃຫ້ຮູ້ວ່າ: ໂຮງຮຽນການທະຫານທ້ອງຖິ່ນ ນັບແຕ່ໄດ້ຮັບການສ້າງຕັ້ງໃນວັນທີ 15 ມີນາ 1985 ແມ່ນໄດ້ຈັດຕັ້ງປະຕິບັດການຮຽນ-ການສອນ ແລະ ເຮັດໜ້າທີ່ການເມືອງ ມີຜົນສຳເລັດຕາມລະດັບຄາດໝາຍເປັນຢ່າງດີ ແລະ ໃນປີ 2025 ນີ້ ກໍໄດ້ເປີດຮຽນກໍ່ສ້າງນາຍສິບ ເປັນຊຸດທີ່ 9 ເຊິ່ງມີຈຳນວນນັກຮຽນທັງໝົດ 70 ສະຫາຍ, ມາຈາກຕ່າງແຂວງ 16 ສະຫາຍ, ເປີດອົບຮົມທະຫານ ໄລຍະ 3 ເດືອນ ມີຈຳນວນ 34 ສະຫາຍ, ຍິງ 10 ສະຫາຍ, ຄຽງຄູ່ກັບການສອນກໍ່ສ້າງທະຫານແລ້ວ; ໂຮງຮຽນການທະຫານທ້ອງຖິ່ນ ຍັງໄດ້ເປັນເຈົ້າການປັບປຸງ, ສ້ອມແປງອາຄານ, ສະຖານທີ່ພາຍໃນໂຮງຮຽນ ເພື່ອເຮັດໃຫ້ບ່ອນເຮັດວຽກຂອງອ້າຍ-ນ້ອງທະຫານ ມີຄວາມໝັ້ນຄົງ ແລະ ໃນຕົ້ນປີ 2025 ໂຮງຮຽນ ກໍໄດ້ຮັບຜົນກະທົບຈາກໄພພິບັດທາງທໍາມະຊາດ ເຮັດໃຫ້ອາຄານ ແລະ ບ່ອນປະຈໍາການ ບາງສ່ວນ ເກີດຄວາມເສຍຫາຍ. ສະຫາຍ ເຫຼັກໄຫຼ ສີວິໄລ ໄດ້ສະແດງຄວາມຍ້ອງຍໍຊົມເຊີຍ ຄະນະພັກ-ຄະນະບັນຊາກອງບັນຊາການທະຫານແຂວງ ເວົ້າສະເພາະກໍ່ຄື ຄະນະພັກຄະນະບັນຊາໂຮງຮຽນການທະຫານທ້ອງຖິ່ນແຂວງເຊກອງ ທີ່ສາມາດຍາດໄດ້ຜົນສໍາເລັດໃນໄລຍະທີ່ຜ່ານມາ, ພ້ອມທັງ ຮຽກຮ້ອງໃຫ້ນາຍ ແລະ ພົນທະຫານ ເປັນເຈົ້າການເອົາໃຈໃສ່ຄົ້ນຄວ້າຮ່ຳຮຽນຍຸດທະວິທີ, ວິຊາສະເພາະຢ່າງຕັ້ງໜ້າ, ມີສະຕິລະວັງຕົວຕໍ່ກົນອຸບາຍຂອງສັດຕູຕະຫຼອດເວລາ, ເຊື່ອໝັ້ນຕໍ່ການນຳພາຂອງພັກ, ປະຕິບັດລະບຽບວິໄນຢ່າງເຂັ້ມງວດ, ເຝິກຝົນຫຼໍ່ຫຼອມຕົນເອງ ໃຫ້ກາຍເປັນບຸກຄົນທີ່ມີຄວາມຮູ້ຄວາມສາມາດ ແລະ ນຳເອົາບົດຮຽນໄປນຳໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານຕົວຈິງ. ໂອກາດນີ້, ສະຫາຍ ເຫຼັກໄຫຼ ສີວິໄລ ພ້ອມຄະນະ ໄດ້ມອບເຄື່ອງຊ່ວຍເຫຼືອເຊິ່ງ ປະກອບມີ ເງິນສົດ 60 ລ້ານກີບ, ຄອມພິວເຕີຕັ້ງໂຕະ ຈໍານວນ 2 ຊຸດ ແລະ ປູນ 2 ໂຕນລວມມູນຄ່າ ເກືອບ 80 ລ້ານກີບ. ມອບໃຫ້ ຄະນະພັກຄະນະບັນຊາໂຮງຮຽນການທະຫານທ້ອງຖິ່ນແຂວງເຊກອງ. ສະຫາຍ ພັນໂທ ເພັດສະຫວັນ ເຮືອງປັນຍາ ໄດ້ສະແດງຄວາມຂອບໃຈ ແລະ ຄວາມຮູ້ບຸນຄຸນອັນຫຼົ້ນເຫຼື່ອຕໍ່ ສະຫາຍ ເຫຼັກໄຫຼ ສີວິໄລ ພ້ອມຄະນະທີ່ໄດ້ນຳເອົາວັດຖຸປັດໄຈ ແລະ ອຸປະກອນຮັບໃຊ້ ມາມອບໃຫ້ໃນຄັ້ງນີ້ ພ້ອມທັງໃຫ້ຄຳໜັ້ນສັນຍາວ່າ ຈະປົກປັກຮັກສາ ແລະ ນຳເອົາວັດຖຸດັ່ງກ່າວນີ້ໄປໝູນໃຊ້ເຂົ້າໃນໜ້າທີ່ວຽກງານວິຊາສະເພາະຕົວຈິງຂອງກົມກອງໃຫ້ເກີດຜົນປະໂຫຍດສູງສຸດ. ຂ່າວ-ພາບ: ສີອະນຸສັກ ຄໍາເຮືອງສີ

news to day and hot news