POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 24 ມິຖຸນາ 2025

ສຸມໃສ່ບຳລຸງສ້າງນາຍທະຫານ ກໍ່ສ້າງຮາກຖານການເມືອງ ແລະ ນະໂຍບາຍ
ເວລາອອກຂ່າວ: 2025-05-15 09:33:28 | ຜູ້ຂຽນ : admin1 | ຈຳນວນຄົນເຂົ້າຊົມ: 3659 | ຄວາມນິຍົມ:

ສະຫາຍ ພັນໂທ ສຸກ ອິນທະມູນ ຫົວໜ້າຫ້ອງອົບຮົມ-ກໍ່ສ້າງ ໂຮງຮຽນທິດສະດີການເມືອງກອງທັບ ໃຫ້ຮູ້ວ່າ: ການບຳລຸງ ວຽກງານກໍ່ສ້າງຮາກຖານ ຊຸດທີ XV ແລະ ບຳລຸງວຽກງານ ນະໂຍບາຍ ໃນກອງທັບ ຊຸດທີ I ສົກຮຽນ 2024-2025 ຢູ່ໂຮງຮຽນທິດສະດີການເມືອງກອງທັບ ມີຈຸດປະສົງ ເພື່ອແນໃສ່ຍົກສູງລະດັບຄວາມຮູ້ຄວາມສາມາດໃຫ້ແກ່ພະນັກງານນຳ ພາ-ບັນຊາ ຢູ່ໃນຖັນແຖວກອງ ທັບ ໂດຍສະເພາະແມ່ນພະນັກ ງານທີ່ເປັນເສນາທິການດ້ານວິຊາສະເພາະວຽກງານກໍ່ສ້າງຮາກຖານ ແລະ ວຽກງານນະ ໂຍບາຍໃນກອງທັບ ໃຫ້ມີຄຸນທາດການເມືອງໜັກແໜ້ນ, ມີຄວາມຮູ້ທາງດ້ານທິດສະດີຫຼັກ ການກ່ຽວກັບວຽກງານກໍ່ສ້າງຮາກຖານ ແລະ ວຽກງານນະໂຍ ບາຍຢ່າງເປັນລະບົບ ແລະ ມີຄວາມສາມາດໃນການຈັດຕັ້ງປະຕິບັດຢູ່ແຕ່ລະອົງການ, ກົມກອງ ແລະ ທ້ອງຖິ່ນ ໃຫ້ມີຄວາມເປັນເອກະພາບ, ຖືກຕ້ອງກັບທິດຊີ້ນຳຂອງກະຊວງປ້ອງກັນປະເທດວາງອອກ, ບຳລຸງໃຫ້ພະ ນັກງານວິຊາສະເພາະຕ້ອງກຳ ແໜ້ນທາງດ້ານທິດສະດີຫຼັກ ການ, ເພື່ອເປັນພື້ນຖານໃຫ້ແກ່ການຈັດຕັ້ງປະຕິບັດວຽກງານ ຕົວຈິງ ຢູ່ບັນດາກຳລັງຫຼວງ-ກຳລັງທ້ອງຖິ່ນ ໃນທົ່ວປະເທດ ໃຫ້ມີຄວາມເປັນເອກະພາບ ແລະ ມີປະສິດທິຜົນສູງ. ເຊິ່ງຊຸດບຳລຸງວຽກງານກໍ່ ສ້າງຮາກຖານ ແລະ ວຽກງານ ນະໂຍບາຍໃນກອງທັບ ໄລຍະ 3 ເດືອນ ມີຈຳນວນພົນທັງໝົດ 60 ສະຫາຍ, ທີ່ມາຈາກກຳລັງຫຼວງ-ກຳລັງທ້ອງຖິ່ນ, ເປັນພະນັກງານນຳພາ-ບັນຊາ ຂັ້ນຫົວໜ້າພະແນກ, ຮອງຫົວໜ້າພະແນກ, ຫົວໜ້າຂະແໜງ, ຊ່ວຍວຽກພະ ແນກ ແລະ ຊ່ວຍຂະແໜງຢູ່ໃນ ບັນດາກົມກອງໃນກອງທັບ, ຜ່ານການຈັດຕັ້ງປະຕິບັດຕົວຈິງສາມາດຕີລາຄາຜົນໄດ້ຮັບທັງສອງລະບົບ ຄື: ຄະແນນເກຣດ A ກວມເອົາ 5%, ຄະແນນເກຣດ B+ ກວມເອົາ 90% ແລະ ຄະແນນເກຣດ B ກວມເອົາ 5%. ສະຫາຍ ຫົວໜ້າຫ້ອງອົບຮົມ-ກໍ່ ສ້າງຍັງກ່າວຕື່ມອີກວ່າ: ຜົນສຳ ເລັດທີ່ຍາດມາໄດ້ນັ້ນ ຍ້ອນໄດ້ຮັບການຊີ້ນຳຢ່າງໃກ້ຊິດຈາກຄະນະພັກກົມໃຫຍ່ການເມືອງກອງທັບ, ຄະນະພັກ-ຄະນະອຳນວຍການ, ຄະນະຫ້ອງ, ຄູ-ອາຈານ ແລະ ນັກເຝິກອົບຮົມທຸກສະຫາຍທີ່ໄດ້ ພ້ອມກັນຕັ້ງໜ້າສຶກສາຮໍ່າຮຽນສາມາດໄດ້ຜົນສຳເລັດຢ່າງຈົບງາມ. ເຊິ່ງມັນສະແດງເຖິງຄວາມເປັນເຈົ້າການ, ຄວາມຮັບຜິດຊອບໃນການຄຸ້ມຄອງ, ບັນຊາ, ຖ່າຍທອດຄວາມຮູ້, ຄວາມສາມາດຕ່າງໆຂອງ ຄູ-ອາຈານ ແລະ ນັກເຝິກອົບຮົມທີ່ຕັ້ງໜ້າເອົາໃຈ ໃສ່ຄົ້ນຄວ້າຮໍ່າຮຽນ ເຮັດໃຫ້ບັ້ນເຝິກອົບຮົມມີຜົນສຳເລັດສູງ ແລະ ໃຫ້ນັກເຝິກອົບຮົມທັງສອງລະບົບ ຈົ່ງເອົາໃຈໃສ່ໃນການເຝິກຝົນຫຼໍ່ຫຼອມຕົນເອງຮອບດ້ານ, ຕັ້ງໜ້າປະກອບສ່ວນເຂົ້າໃນວຽກງານປັບປຸງກໍ່ສ້າງກົມກອງໃຫ້ມີໃບໜ້າອັນໃໝ່, ມີຄວາມເຂັ້ມແຂງ ໜັກແໜ້ນໃນທຸກດ້ານ, ເປັນແບບຢ່າງທີ່ດີໃນການປະຕິບັດລະບຽບວິໄນຂອງກອງທັບ ກໍຄື ຂອງກົມກອງຂອງຕົນຢ່າງເຂັ້ມງວດ, ນຳເອົາບົດຮຽນຕ່າງໆ ທີ່ໄດ້ຮໍ່າຮຽນໄປຈັດຕັ້ງຜັນຂະຫຍາຍເຂົ້າໃນວຽກງານ ວິຊາສະເພາະ, ມີແບບແຜນວິທີເຮັດວຽກ ກໍຄື ແບບແຜນດຳລົງຊີວິດໃຫ້ມີການພັດທະນາດີຂຶ້ນ ເພື່ອປະກອບສ່ວນສ້າງກອງທັບ ກໍຄື ກົມກອງທ້ອງຖິ່ນໃຫ້ມີແບບແຜນທັນສະໄໝຂຶ້ນຢ່າງບໍ່ຢຸດຢັ້ງ. ໂດຍ: ເພັດ ສົມນໍວັນ

news to day and hot news