POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 08 ກໍລະກົດ 2025

ໂຮງຮຽນວັດທະນະທຳຊົນເຜົ່າກອງທັບ ກຳເນີດເຕີບໃຫຍ່ ບົນເສັ້ນທາງການປັບປຸງກໍາລັງ ໃນໄລຍະໃໝ່ຂອງເນື່ອງໃນໂອກາດວັນສ້າງຕັ້ງໂຮງຮຽນວັດທະນະທຳຊົນເຜົ່າກອງທັບ ຄົບຮອບ 3 ປີ (24 ມິຖຸນາ 2022-24 ມິຖຸນາ 2025)
ເວລາອອກຂ່າວ: 2025-06-24 09:08:54 | ຜູ້ຂຽນ : admin2 | ຈຳນວນຄົນເຂົ້າຊົມ: 775 | ຄວາມນິຍົມ:

ເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່ ຂອງກອງທັບປະຊາຊົນລາວ ກໍຄື ທິດທາງປັບປຸງກໍາລັງໃຫ້ມີຄຸນນະພາບ ແລະ ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ ນັ້ນ, ກະຊວງປ້ອງກັນປະເທດໄດ້ຕົກລົງ ປະກາດສ້າງຕັ້ງ ໂຮງຮຽນວັດທະນະທໍາຊົນເຜົ່າກອງທັບ ຂຶ້ນໃນວັນທີ 24 ມິຖຸນາ 2022. ການກໍາເນີດ ຂອງໂຮງຮຽນວັດທະນະທໍາຊົນເຜົ່າກອງທັບ ແມ່ນຢູ່ໃນທ່າມກາງບັນຍາກາດທີ່ທົ່ວພັກ, ທົ່ວກອງທັບ ແລະ ທົ່ວປວງຊົນລາວບັນດາເຜົ່າກໍາລັງສຸມໃສ່ປະຕິບັດສອງໜ້າທີ່ຍຸດທະສາດຂອງພັກໃນໄລຍະໃໝ່, ດັ່ງນັ້ນ ການກໍາເນີດຂອງໂຮງຮຽນວັດທະນະທຳຊົນເຜົ່າກອງທັບ ກໍເພື່ອຫຼໍ່ຫຼອມກໍາລັງສືບທອດຂອງກອງທັບ ກໍຄື ນ້ອງນ້ອຍນັກຮຽນ ທີ່ເປັນອະນາຄົດຂອງຊາດ ໃຫ້ກາຍເປັນ ພະນັກງານ-ນັກຮົບ ທີ່ມີຄຸນນະພາບ ແລະ ເຂັ້ມແຂງ ໜັກແໜ້ນ ເພື່ອຕອບສະໜອງວຽກງານປົກປັກຮັກສາ ແລະ ສ້າງສາພັດທະນາປະເທດຊາດ. ຂະບວນການຫຼໍ່ຫຼອມກໍາລັງສືບທອດຂອງກອງທັບ ບົນເສັ້ນທາງກັບການພັດທະນາກ້້າວສູ່ຄວາມທັນສະໄໝຂອງໂຮງຮຽນ ໃຫ້ມີປະສິດທິພາບໃນການສິດສອນ ແລະ ໄດ້ຮັບການຍອມຮັບຈາກສະຖາບັນການສຶກສາ ນັ້ນ, ສະຫາຍ ພັນເອກ ສະແຫວງ ແດນນາມົນ ຫົວໜ້າການເມືອງໂຮງຮຽນວັດທະນະທຳຊົນເຜົ່າກອງທັບ ໄດ້ໃຫ້ທັດສະນະເນື່ອງໃນໂອກາດວັນສ້າງຕັ້ງໂຮງຮຽນວັດທະນະທຳຊົນເຜົ່າກອງທັບ ຄົບຮອບ 3 ປີ (24 ມິຖຸນາ 2022-24 ມິຖຸນາ 2025) ວ່າ: ຄວາມຈິງແລ້ວບົນເສັ້ນທາງແຫ່ງການເຄື່ອນໄຫວກໍ່ສ້າງພະນັກງານຄູ-ອາຈານ ທີ່ຜ່ານມາ ນັ້ນ ກໍມີຂໍ້ຫຍຸ້ງຍາກ ເຖິງແນວໃດກໍຕາມ ໄປຄຽງຄູ່ກັບການສູ້ຊົນເຮັດສໍາເລັດໜ້າທີ່ການເມືອງຂອງຕົນ, ຕະຫຼອດໄລຍະທີ່ຜ່ານມາ ຄະນະພັກ-ຄະນະອໍານວຍ ໄດ້ຈັດຕັ້ງນໍາພາກໍ່ສ້າງ ພະນັກງານ-ຄູອາຈານ ໃຫ້ມີຄຸນນະພາບ ແລະ ໜັກແໜ້ນ ເຂັ້ມແຂງ ນັບແຕ່ມື້ ສ້າງຕັ້ງຈົນເຖິງປັດຈຸບັນ ໂຮງຮຽນວັດທະນະທໍາຊົນເຜົ່າກອງທັບ ແມ່ນມີຄວາມ ເຕີບໃຫຍ່ຂະຫຍາຍຕົວທາງດ້ານປະລິມານ ແລະ ຄຸນນະພາບ, ສາມາດຍາດໄດ້ຜົນງານຫຼາຍດ້ານ ທີ່ພົ້ນເດັ່ນ ເຊິ່ງສະແດງອອກ ໃນການປະຕິບັດວຽກງານເຮັດໃຫ້ສະພາບກົມກອງມີຄວາມສະຫງົບ ຄະນະພັກ-ຄະນະອໍານວຍການ ໄດ້ຈັດຕັ້ງນໍາພາ ພະນັກງານ-ນັກຮົບ, ຄູ, ອາຈານ, ຕັ້ງໜ້າປະຕິບັດ ແລະ ເຮັດສໍາເລັດໜ້າທີ່ວຽກງານຕາມການມອບໝາຍ. ປັດຈຸບັນໃນທົ່ວໂຮງຮຽນວັດທະນະທໍາຊົນເຜົ່າກອງທັບ ມີພະນັກງານ-ນັກຮົບ, ຄູ-ອາຈານ ທັງຫມົດ 420 ສະຫາຍ, ຍິງ 140 ສະຫາຍ, ຄະນະພັກ - ຄະນະອໍານວຍການໂຮງຮຽນໄດ້ເອົາໃຈໃສ່ຊຸກຍູ້ປຸກລະດົມ, ຕິດຕາມກວດກາ ຄູ-ອາຈານ ໃນການແຕ່ງບົດສອນ, ຜ່ານບົດສອນ, ເຂົ້າຮ່ວມໂມງສອນ ປະເມີນຜົນການຮຽນ - ການສອນເປັນປະຈໍາ, ເຄື່ອນໄຫວສ້າງກິດຈະກໍາຕ່າງໆ ແລະ ທວນຄືນສອບເສັງ, ໃນສົກຮຽນຜ່ານມາໄດ້ຈັດຕັ້ງເປີດສົກຮຽນ 2024-2025 ໃຫ້ນັກຮຽນເຊິ່ງມີນັກຮຽນທັງໝົດ 400 ຄົນ, ໃນນັ້ນໄດ້ແບ່ງອອກເປັນ 3 ຊັ້ນຮຽນຄື: ຊັ້ນ ມ 2, ມ 6, ມ 7. ເພື່ອເປັນການປະກອບສ່ວນເຂົ້າໃນວຽກງານສ້າງສາພັດທະນະປະເທດຊາດ, ຄະນະພັກ-ຄະນະອຳນວຍການ ໄດ້ເອົາໃຈໃສ່ຊີ້ນໍາຄະນະພັກທຸກຂັ້ນ ເອົາໃຈໃສ່ເພີ່ມທະວີການນໍາພາ, ຊີ້ນໍາການກໍ່ສ້າງພະນັກງານ ຮຸ່ນສືບທອດປ່ຽນແທນຢູ່ໃນສິດຄຸ້ມຄອງຂອງຕົນ ຕິດພັນກັບແຜນກໍານົດພະນັກງານ, ສອດຄ່ອງກັບ ແຜນພັດທະນາເສດຖະກິດ - ສັງຄົມ ແລະ ຄວາມຮຽກຮ້ອງຕ້ອງການໃນທຸກຂະແໜງການຂອງກອງທັບ ຄົ້ນຄວ້າສັບຊ້ອນເປົ້າໜາຍໄປບໍາລຸງ - ກໍ່ສ້າງບົນພື້ນຖານແຜນການ ກໍານົດພະນັກງານທີ່ໄດ້ກໍານົດໄວ້, ມີການຄົ້ນຄວ້າຕົກລົງ ເປັນເອກະພາບພາຍໃນ ຮັບປະກັນຖືກຕ້ອງຕາມມາດຖານ, ເງື່ອນໄຂທີ່ໄດ້ກໍານົດໄວ້ ໂດຍເລັ່ງໃສ່ ພະນັກງານ ຮຸ່ນກາງ, ຮຸ່ນໜຸ່ມ, ຊົນເຜົ່າ ແລະ ເພດຍິງ, ໄດ້ຖືເອົາການສ້າງພະນັກງານກັບທີ່ ທີ່ເຮັດວຽກງານຕົວຈິງຢູ່ແຕ່ລະບ່ອນເປັນສໍາຄັນ ໄປຍົກລະດັບ ກໍ່ສ້າງຢູ່ສະຖາບັນການສຶກສາທັງພາຍໃນ ແລະ ຕ່າງປະເທດ ໂດຍຖືເອົາການສ້າງຢູ່ພາຍໃນ ຕິດພັນກັບວຽກງານຕົວຈິງເປັນຕົ້ນຕໍ, ໂດຍເລັ່ງໃສ່ສ້າງພະນັກງານວິຊາການໃນຂະແໜງການທີ່ເປັນທ່າແຮງ ຕໍ່ການພັດທະນາກອງທັບ, ສະຖາບັນການສຶກສາໃນກໍາລັງປະກອບອາວຸດ, ຄົ້ນຄວ້າ, ກໍານົດເນື້ອໃນຫຼັກສູດໃຫ້ເໜາະສົມກັບເປົ້າຫມາຍ, ແຕ່ລະປະເພດພະນັກງານ, ພ້ອມທັງ ປັບປຸງລະບຽບການຄຸ້ມຄອງ, ການຮຽນ, ການສອນ ຢູ່ສະຖາບັນການສຶກສາຂອງ ກະຊວງສຶກສາທິການ ແລະ ກິລາ ໃຫ້ເຄັ່ງຄັດເພື່ອຮັບປະກັນຄຸນນະພາບການສຶກສາ, ຜ່ານການບໍາລຸງ - ສ້າງມາແລ້ວຕ້ອງສັບຊ້ອນ, ມອບໜ້າທີ່ຕາມຄວາມເໝາະສົມ, ທັງລົງເຮັດວຽກຕົວຈິງຢູ່ຮາກຖານ ແລະ ດໍາເນີນການປະເມີນຄວາມຮູ້ຄວາມສາມາດຂອງພະນັກງານ, ຄູ, ອາຈານ ໃນແຕ່ລະໄລຍະ. ສ້າງກົນໄກປະສານງານ, ວິທີເຮັດວຽກ ແລະ ແບ່ງຄວາມຮັບຜິດຊອບລະຫວ່າງ ພາກສ່ວນ ທີ່ມີພາລະ ບົດບາດ ໃນການບໍາລຸງສ້າງພະນັກງານຢູ່ພາຍໃນ ແລະ ຕ່າງປະເທດໃຫ້ຖືກຕ້ອງ ສອດຄ່ອງໂປ່ງໃສ, ເປັນເອກະພາບ ແລະ ສາມາດປະຕິບັດໄດ້, ກໍານົດນະໂຍບາຍທີ່ເໜາະສົມ ແລະ ອໍານວຍຄວາມສະດວກ ໃຫ້ພະນັກງານ-ຄູອາຈານທີ່ເຮັດວຽກ ຢູ່ເຂດຊົນນະບົດຫ່າງໄກສອກຫຼີກ ມີເງື່ອນໄຂຄົ້ນຄວ້າຮໍ່າຮຽນ, ຍົກລະດັບຄວາມຮູ້ໃນດ້ານຕ່າງໆໃຫ້ກວ້າງຂວາງທົ່ວເຖິງ. ພ້ອມກັນນັ້ນ ຫຼາຍສະຖານບັນໃນກອງທັບກໍໄດ້ຮັບການສ້າງຕັ້ງຂຶ້ນໃໝ່ເຊັ່ນ: ໂຮງຮຽນເຫຼົ່າຮົບນາຍສິບບ້ານແປນ ແລະ ໂຮງຮຽນວັດທະນະທໍາຊົນເຜົ່າກອງທັບ ແລະ ຍັງຈະມີຫຼາຍໂຮງຮຽນ ໄດ້ຮັບການສ້າງຕັ້ງຂຶ້ນໃໝ່ຕາມຄວາມຮຽກຮ້ອງຕ້ອງການຂອງກໍາລັງປະກອບອາວຸດ. ເນື່ອງໃນໂອກາດວັນສ້າງຕັ້ງໂຮງຮຽນວັດທະນະທໍາຊົນເຜົ່າກອງທັບ ຄົບຮອບ 3 ປີ, ຂ້າພະເຈົ້າ ຕາງໜ້າຄະນະພັກ-ຄະນະອຳນວຍການ ຂໍອວຍພອນໄຊອັນປະເສີດ ມາຍັງການນໍາ ພັກ-ລັດ, ການນໍາກະຊວງປ້ອງກັນປະເທດ ຕະຫຼອດຮອດພະນັກງານ-ນັກຮົບ, ຄູ, ອາຈານ, ປະຊາຊົນລາວ ບັນດາເຜົ່າ ຈົ່ງມີສຸຂະພາບແຂງແຮງ, ມີຜົນສໍາເລັດໃນໜ້າທີ່ວຽກງານ ມີຄວາມຜາສຸກໃນຊິວິດສ່ວນຕົວ ແລະ ຄອບຄົວ ແລະ ພ້ອມກັນ ສືບຕໍ່ປະຕິບັດສອງໜ້າທີ່ປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ໝັ້ນຄົງສີວິໄລຢ່າງບໍ່ຢຸດຢັ້ງ. ໂດຍ: ໂຊເລ້ ບຸນເຮືອງ

news to day and hot news