ວັນຈັນ, ວັນທີ 09 ມີນາ 2026
ສູນເຝິກລົດຕັງ-ຍານເກາະ 620 ຕີລາຄາແບ່ງປະເພດຄຸນນະພາບສະມາຊິກພັກ
ເວລາອອກຂ່າວ: 2025-07-08 08:44:17 | ຜູ້ຂຽນ : admin1 | ຈຳນວນຄົນເຂົ້າຊົມ: 1420 | ຄວາມນິຍົມ: 
ໃນລະຫວ່າງວັນທີ 2-3 ກໍ ລະກົດ 2025, ໜ່ວຍພັກສູນເຝິກ ລົດຕັງ-ຍານເກາະ 620 ໄດ້ສຳຫຼວດຕີລາຄາແບ່ງປະເພດຄຸນນະພາບຂອງສະມະຊິກພັກ ປະຈຳປີ 2025, ໂດຍການເປັນປະທານຂອງ ສະຫາຍ ພັນໂທ ສີພາ ສີວົງດາວ ເລຂາໜ່ວຍພັກ, ຫົວ ໜ້າການເມືອງ ສູນເຝິກລົດຕັງ-ຍານເກາະ 620, ມີຄະນະໜ່ວຍພັກ ຕະຫຼອດຮອດສະມາຊິກພັກສົມບູນ-ສຳຮອງ ເຂົ້າຮ່ວມ.
ກອງປະຊຸມໄດ້ຜ່ານມະຕິຕົກ ລົງ ວ່າດ້ວຍການແຕ່ງຕັ້ງຄະນະຮັບຜິດຊອບປະເມີນຕີລາຄາຄຸນນະພາບແບ່ງປະເພດສະມະຊິກພັກ ແລະ ໜ່ວຍພັກ ປອດໃສ ເຂັ້ມແຂງ ໜັກແໜ້ນ ປະຈຳປີ 2025 ວ່າດ້ວຍການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ຈາກນັ້ນ, ສະມາຊິກພັກແຕ່ລະສະຫາຍ ໄດ້ຜ່ານໃບສຳຫຼວດຕົນ ເອງ ແລະ ໃຫ້ຄະແນນຕົນເອງ; ການປະເມີນຕີລາຄາຈັດແບ່ງປະ ເພດ ໄດ້ດຳເນີນໄປຕາມຂັ້ນຕອນ ແລະ ວີທີການຢ່າງຖືກຕ້ອງ ໂດຍມີການແຕ່ງຕັ້ງຄະນະຮັບຜິດຊອບນຳພາ-ຊີ້ນຳ, ສະມາຊິກພັກແຕ່ລະສະຫາຍມີຄວາມຈິງໃຈໃນການປະເມີນຕົນເອງ, ຈາກໝູ່ຄະ ນະໄດ້ພ້ອມກັນຕຳນິກໍ່ສ້າງຊ່ວຍ ເຫຼືອເຊິ່ງກັນ ແລະ ກັນ ເພື່ອປັບ ປຸງດ້ານທີ່ຄົງຄ້າງໃຫ້ດີຂຶ້ນໃນຕໍ່ ໜ້າ ແລະ ກໍ່ສ້າງພັກຕາມ 5 ຫຼັກ ການ 3 ທິດນຳຂອງພັກ, ໂດຍສຸມໃສ່ໃນການກໍ່ສ້າງພັກທາງດ້ານຄຸນທາດການເມືອງ, ດ້ານແນວຄິດ, ດ້ານການຈັດຕັ້ງ ແລະ ແບບແຜນວິທີນຳພາ, ຖືເປັນສຳ ຄັນຕໍ່ວຽກງານສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ສະມາຊິກພັກທຸກສະຫາຍມີແນວຄິດອຸ່ນອຽນທຸ່ນທ່ຽງ, ເຊື່ອໝັ້ນຕໍ່ການນຳພາ ຂອງພັກ, ມີສະຕິລະວັງຕົວສູງ, ຈຳແນກໄດ້ມິດ, ສັດຕູຈະແຈ້ງ, ຍົກສູງສະຕິຕໍ່ການຈັດຕັ້ງ, ປະຕິ ບັດຂໍ້ກຳນົດ, ກົດລະບຽບຂອງພັກ, ກົດໝາຍຂອງລັດ ແລະ ລະ ບຽບວິໄນຂອງກອງທັບວາງອອກຢ່າງເຂັ້ມງວດ. ຜ່ານການ ຈັດຕັ້ງປະຕິບັດໃນການສຳຫຼວດກວດກາຕີລາຄາຈັດແບ່ງຄຸນນະພາບບຸກຄົນຂອງສະມາຊິກພັກ ແລະ ໜ່ວຍພັກ, ຕາມເງື່ອນໄຂ 5 ມາດຖານຂອງໜ່ວຍພັກສາມາດຄັດເລືອກໄດ້ສະມະຊິກພັກແຂງ 100%; ຕະຫຼອດໄລຍະຜ່ານມາ, ໜ່ວຍພັກສູນເຝິກໄດ້ຮັບນາມມະ ຍົດເປັນໜ່ວຍພັກປອດໃສ ເຂັ້ມ ແຂງ ໜັກແໜ້ນ ສະໄໝທີ 3 ຕິດຕໍ່ກັນ.
ໂດຍ: ສີວິໄຊ ກິແກ້ວມໍລະກົດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
