ວັນອາທິດ, ວັນທີ 08 ກຸມພາ 2026
ກອງພັນໃຫຍ່ 202 ມອບ-ຮັບ ໜ້າທີ່ ຜູ້ສັ່ງການເອກຂັ້ນ III
ເວລາອອກຂ່າວ: 2025-07-16 09:59:40 | ຜູ້ຂຽນ : admin1 | ຈຳນວນຄົນເຂົ້າຊົມ: 1874 | ຄວາມນິຍົມ: 
ໃນວັນທີ 9 ກໍລະກົດ 2025,ຢູ່ທີ່ກອງພັນໃຫຍ່ 202 ກອງພົນທີ 2 ໄດ້ມອບ-ຮັບ ໜ້າທີ່ ຜູ້ສັ່ງການເອກຂັ້ນ III ລະຫວ່າງ ສະຫາຍພັນເອກ ສົມໝາຍ ດອນພະຈັນ ຫົວໜ້າການເມືອງ ກອງພັນໃຫຍ່ 202 ແລະ ສະຫາຍ ພັນໂທ
ສົມສະຄິດ ຄຳຊຸມພູ ຫົວໜ້າການທະຫານກອງພັນໃຫຍ່ 202, ໂດຍມີ ສະຫາຍ ພັນເອກ ບຸນກ່ຳພີມພົງພັນ ຫົວໜ້າຫ້ອງພະລາທິການ ກອງພົນທີ 2, ຄະນະພັກ-ຄະນະບັນຊາ ພະແນກການ ແລະ ຂະແໜງການທີ່ກ່ຽວຂ້ອງ ເຂົ້າຮ່ວມ.
ສະຫາຍ ພັນໂທ ພູສະນິດ ໂພສາລາດ ຫົວໜ້າພະແນກແຜນ
ການ ຫ້ອງພະລາທິການ ກອງພົນທີ 2 ໄດ້ຜ່ານຂໍ້ຕົກລົງຂອງກອງພົນທີ 2 ວ່າດ້ວຍການແຕ່ງຕັ້ງຜູ້ສັ່ງການເອກຂັ້ນ III ກອງພັນໃຫຍ່ 202, ອີງຕາມດຳລັດຂອງນາຍົກລັດຖະມົນຕີ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງ
ກະຊວງປ້ອງກັນປະເທດ; ອີງຕາມກົດໝາຍ ວ່າດ້ວຍງົບປະ ມານແຫ່ງລັດ ເພື່ອເຮັດໃຫ້ວຽກງານຄຸ້ມຄອງການເງິນກ້າວສູ່ລະບົບແບບແຜນໃຫ້ຖືກຕ້ອງຕາມກົດໝາຍງົບປະມານແຫ່ງລັດ, ເປັນການປັບປຸງ ແລະ ຈັດຕັ້ງປະຕິບັດໃຫ້ເປັນເອກະພາບກັນ ແລະ ຖືກຕ້ອງ, ເຂັ້ມງວດ ເພື່ອໃຫ້ຄະນະບັນຊາມີຄວາມຮັບຜິດຊອບສູງຕໍ່ໜ້າທີ່ ແລະ ພາລະບົດບາດຂອງຕົນ, ຜູ້ສັ່ງການເອກຂັ້ນ III ແມ່ນຜູ້ທີ່ໄດ້ຮັບການແຕ່ງຕັ້ງບົ່ງຕົວ ມອບສິດ ແລະ ຕົກລົງຂອງຜູ້ບັນຊາການກອງພົນໂດຍກົງ ໃຫ້ເປັນຜູ້ສັ່ງຮັບ-ສັ່ງຈ່າຍເງິນແທນຜູ້ສັ່ງການເອກກອງພົນ ຢູ່
ບັນດາຫົວໜ່ວຍກົມກອງທີ່ມີຫງົບປະມານຂຶ້ນກັບກອງພົນທີ 2, ຜູ້ສັ່ງການເອກຂັ້ນ III ແມ່ນຜູ້ທີ່ຖືກມອບໝາຍໃຫ້ຕາງໜ້າຄະນະພັກ-ຄະນະບັນຊາ ກອງພົນ ລົງລາຍເຊັນໃນໃບສະເໜີຂໍຮັບເງິນ-ຈ່າຍເງິນ ແລະ ໃບບົງຮັບ-ບົງຈ່າຍເງິນ, ເຊັນໃບສະຫຼຸບ,ບົດລາຍງານທາງດ້ານການເງິນ, ໃບງົບປະມານດ້ານການເງິນ ແລະ ເອກະສານຕ່າງໆຂອງການເງິນທີ່ຂຶ້ນກັບຕົນ.
ສະຫາຍ ພັນເອກ ສົມໝາຍດອນພະຈັນ ຜູ້ສັ່ງການເອກ (ຜູ້ເກົ່າ) ໄດ້ລາຍງານໃນການຈັດ ຕັ້ງປະຕິບັດໜ້າທີ່ຄຸ້ມຄອງງົບ ປະມານຂອງກົມກອງໄລຍະທີ່ຕົນດຳລົງຕຳແໜ່ງເປັນຜູ້ສັ່ງການເອກໃນໄລຍະຜ່ານມາ, ພ້ອມທັງ ກ່າວມອບໜ້າທີ່ຕໍ່ໃຫ້ ສະຫາຍ ພັນໂທ ສົມສະຄິດ ຄຳຊຸມພູ ຜູ້ສັ່ງການເອກ(ຜູ້ໃໝ່) ແລະ ລົງນາມເຊັນບົດບັນທຶກ ມອບ-ຮັບ ເຊິ່ງກັນແລະ ກັນ ຢ່າງເປັນທາງການ.
ໂດຍ: ຄຳຊາຍ ກວ່າງຄຸນສີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
