ວັນຈັນ, ວັນທີ 09 ມີນາ 2026
ກອງປະຊຸມຜູ້ແທນຊາວໜຸ່ມທົ່ວກອງບັນຊາການທະຫານ ແຂວງສະຫວັນນະເຂດ ຄັ້ງທີ VI
ເວລາອອກຂ່າວ: 2025-07-16 10:02:07 | ຜູ້ຂຽນ : admin1 | ຈຳນວນຄົນເຂົ້າຊົມ: 1676 | ຄວາມນິຍົມ: 
ກອງປະຊຸມຜູ້ແທນຊາວໜຸ່ມທົ່ວກອງບັນຊາການທະຫານແຂວງສະຫວັນນະເຂດ ຄັ້ງທີ VI,ໄດ້ຈັດຂຶ້ນໃນວັນທີ 10 ກໍລະກົດ 2025, ຢູ່ທີ່ສະໂມສອນກອງບັນຊາການທະຫານແຂວງສະຫວັນນະເຂດ, ໂດຍການເປັນປະທານຂອງ ສະຫາຍ ພັນເອກ ຄຳຜົງພັດທະນາ ຫົວໜ້າຫ້ອງການ ເມືອງ ກອງບັນຊາການທະຫານແຂວງສະຫວັນນະເຂດ, ມີສະ ຫາຍ ພັນໂທ ພູວາ ບົວໄລພາ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງສະ ຫວັນນະເຂດ, ສະຫາຍ ນາງ ບັງອອນ ພິມມະສານ ເລຂາຄະນະບໍລິຫານງານຊາວໜຸ່ມແຂວງສະຫັວນນະເຂດ, ບັນດາຄະນະຊາວໜຸ່ມຈາກອົງການ 5 ຫ້ອງ, ກົມກອງ, ຄະນະຊາວໜຸ່ມຈາກກົມກອງ 14 ເມືອງ, 1 ນະຄອນ, ກອງພັນ ແລະ ກອງຮ້ອຍເອກກະລາດ ເຂົ້າຮ່ວມ.
ສະຫາຍ ພັນໂທ ວິໄລສັກ ຫົວໜ້າພະແນກຊາວໜຸ່ມ ກອງບັນຊາການທະຫານແຂວງ ໄດ້ສະຫຼຸບຕີລາຄາ ການຈັດຕັ້ງຜັນຂະຫຍາຍວຽກງານຊາວໜຸ່ມທົ່ວທະຫານແຂວງສະຫວັນນະເຂດໃນໄລຍະ 5 ປີຜ່ານມາ; ໃນໄລຍະຜ່ານມາ ຄະນະບໍລິຫານງານຊາວໜຸ່ມ ທະຫານແຂວງສະຫວັນນະເຂດ ໄດ້ເອົາໃຈໃສ່ການສຶກສາອົບຮົມການເມືອງ-ນຳພາແນວຄິດ ແລະ ຊຸກຫຍູ້ການເຄື່ອນໄຫວປະຕິບັດສິດ, ໜ້າທີ່ ແລະ ພັນທະຂອງສະມາຊິກຊາວໜຸ່ມຂອງຕົນເອງໃຫ້ເປັນພົນລະເມືອງດີ, ມີຄວາມຕື່ນຕົວປະຕິບັດແນວ ທາງນະໂຍບາຍຂອງພັກ-ລັດ, ສຶກສາອົບຮົມປະຊາຊົນບັນດາຊັ້ນຄົນຕ່າງໆ ຕື່ນຕົວປະກອບສ່ວນເຂົ້າ
ໃນການປົກປັກຮັກສາ ແລະ ພັດທະນາປະເທດຊາດຢ່າງຕັ້ງໜ້າ ໄດ້ປຸກລະດົມສະມາຊິກ, ຄອບຄົວ, ລູກຫຼານ ແລະ ຊັ້ນຄົນຕ່າງໆໃນທົ່ວສັງຄົມເສີມຂະຫຍາຍສິດເປັນເຈົ້າລວມໝູ່, ເປັນເຈົ້າການເຂົ້າຮ່ວມໃນການກໍ່ສ້າງປັບປຸງຊີວິດການເປັນຢູ່, ໃນການຄຸ້ມຄອງເສດຖະກິດ ແລະ ຄຸ້ມຄອງສັງຄົມ ເອົາໃຈໃສ່ປະຕິບັດນະໂຍບາຍສາມັກ ຄີປອງດອງລະຫວ່າງຊາວໜຸ່ມອົງການປົກຄອງອ້ອມຂ້າງດ້ວຍກັນ ກໍຄື ສາມັກຄີກັບທຸກຊັ້ນຄົນໃນທົ່ວສັງຄົມບົນພື້ນຖານແນວທາງນະໂຍບາຍຂອງພັກ; ສ້າງນ້ຳໃຈສາມັກຄີຮັກເຊື້ອແພງຊາດ ແລະ ອຸດົມການສັງຄົມນິຍົມຢ່າງສະເໝີຕົ້ນສະເໝີປາຍ, ຍາດແຍ່ງເອົາທຸກກຳລັງແຮງເຂົ້າຮ່ວມໃນພາລະກິດປົກປັກຮັກສາ ແລະ ສ້າງ ສາປະເທດຊາດ ເອົາໃຈໃສ່ປັບ ປຸງລະບົບການຈັດຕັ້ງທີ່ຊາວໜຸ່ມສູນກາງວາງອອກໃຫ້ໜັກແໜ້ນ ເຂັ້ມແຂງ, ຮັບປະກັນປະ ສິດທິພາບໃນການເຄື່ອນໄຫວວຽກງານຕາມຂອບເຂດສິດ ແລະ ໜ້າທີ່ີຂອງຕົນ. ນອກຈາກນັ້ນ, ຍັງໄດ້ມອບຢັ້ງຢືນ ແລະໃບຍ້ອງຍໍຊາວໜຸ່ມ 4 ບຸກໃຫ້ຄະນະໜ່ວຍຊາວໜຸ່ມ ແລະ ບຸກຄົນທົ່ວກົມກອງ; ມອບໃບຍ້ອງຍໍຈາກເຈົ້າ ແຂວງ ແຂວງສະຫວັນນະເຂດ ໃຫ້ບຸກຄົນ ແລະ ກົມກອງລວມໝູ່ໃນການຈັດຕັ້ງປະຕິບັດໜ້າທີ່ວຽກງານມີ 42 ກົມກອງ ແລະ ບຸກຄົນ ຈຳນວນ 513 ສະຫາຍ; ໄດ້ຊຸກຍູ້ສະມາຊິກຊາວໜຸ່ມທຳການປູກຝັງ-ລ້ຽງສັດ, ການຄ້າຂາຍອື່ນໆ ສາມາດສ້າງລາຍຮັບໄດ້ດີເທົ່າທີ່ຄວນ; ໄດ້ຮັບການຍ້ອງຍໍຕ່າງໆຈາກຂັ້ນເທິງຄື: ໄດ້ຮັບຫຼຽນໄຊພິລະອາດຫານ ຊັ້ນ II ຈຳນວນ 2 ໜ່ວຍ, ໄດ້ຮັບທຸງໄຊນຳໜ້າໃນການຈັດຕັ້ງປະ ຕິບັດຂໍ້ແຂງຂັນ 4 ບຸກ 3 ປີຕໍ່ເນື່ອງ ຈຳນວນ 6 ຜືນ, ຫຼຽນໄຊ ແລະ ຫຼຽນກາແຕ່ລະປະເພດ ຈຳນວນ 175 ໜ່ວຍ, ໃບຍ້ອງຍໍ-ໃບຊົມເຊີຍຂັ້ນຕ່າງໆ 638 ໃບ, ໄດ້ຮັບໃບຢັ້ງຢືນນາມະຍົດໜ່ວຍຊາວໜຸ່ມ 4 ບຸກໄດ້ 291 ໃບ. ນອກຈາກນັ້ນ, ຄະນະຊາວໜຸ່ມກອງບັນຊາການທະຫານແຂວງສະຫວັນນະເຂດ ຍັງໄດ້ພົບປະ
ແລກປ່ຽນບົດຮຽນກັບ ຄະນະຊາວໜຸ່ມປະເທດເພື່ອນມິດ ໂດຍ ສະເພາະ ກໍຄື ຄະນະຊາວໜຸ່ມທະຫານແຂວງກວາງຈິ ສສ ຫວຽດ ນາມ ໃນການພົບປະແລກປ່ຽນບົດຮຽນ ແລະ ຊ່ວຍເຫຼືອເຊິ່ງກັນ ແລະ ກັນ.
ໃນກອງປະຊຸມ ຍັງໄດ້ຜ່ານຂໍ້ຕົກລົງ ຂອງສູນກາງຊາວໜຸ່ມປະຊາຊົນປະຕິວັດລາວ ມອບໃບ ຍ້ອງຍໍໃຫ້ບຸກຄົນທີ່ມີຜົນງານດີເດັ່ນ ຈຳນວນ 3 ສະຫາຍ ແລະມະຕິຕົກລົງ ຂອງຄະນະບໍລິຫານງານຊາວໜຸ່ມ ປປລ ແຂວງສະ ຫວັນນະເຂດ ວ່າດ້ວຍການມອບທຸງໄຊນຳໜ້າໃນການຈັດຕັ້ງປະ ຕິບັດຂໍ້ແຂ່ງຂັນ 4 ບຸກ ຈຳນວນ 3 ກົມກອງຕື່ມອີກ.
ໂດຍ: ຄຳໃສ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
