ວັນເສົາ, ວັນທີ 11 ກໍລະກົດ 2026
ມອບ-ຮັບໜ້າທີ່ ຫົວໜ້າການທະຫານ ກອງພັນໃຫຍ່ 941 ລະຫວ່າງ ຜູ້ເກົ່າ ແລະ ຜູ້ໃໝ່
ເວລາອອກຂ່າວ: 2025-07-16 10:10:19 | ຜູ້ຂຽນ : admin1 | ຈຳນວນຄົນເຂົ້າຊົມ: 1515 | ຄວາມນິຍົມ: 
ພິທີ ມອບ-ຮັບໜ້າທີ່ຫົວໜ້າການທະຫານ ກອງພັນໃຫຍ່ 941 ລະຫວ່າງ ຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 9 ກໍລະກົດ 2025 ນີ້, ໂດຍການເປັນປະທານຂອງ ສະຫາຍ ພັນເອກ ພູໂຂງ ມະໂນລາ ເລຂາຄະນະພັກ, ຫົວ
ໜ້າການເມືອງ ກອງພັນໃຫຍ່ 941, ມີຄະນະພັກ-ຄະນະບັນຊາ ພະແນກການ, ຂະແໜງການ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ.
ສະຫາຍ ພັນເອກ ພັນສອນ ຄຳຜິວ ຫົວໜ້າການທະຫານ ກອງ
ພັນໃຫຍ່ 941 (ຜູ້ເກົ່າ) ໄດ້ຜ່ານບົດບັນທຶກ ມອບ-ຮັບໜ້າທີ່ຫົວໜ້າການທະຫານ ກອງພັນໃຫຍ່ 941 ລະຫວ່າງ ຜູ້ເກົ່າ ແລະ ຜູ້ໃໝ່ ໂດຍອີງຕາມຂໍ້ຕົກລົງ ຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຄະນະບັນຊາ ກອງພັນໃຫຍ່ 941, ອີງຕາມຄວາມຮຽກຮ້ອງຕ້ອງການໃນໜ້າທີ່ວຽກງານປັດຈຸບັນ ແລະ ໃນຕໍ່ໜ້າ, ເພື່ອຈັດຕັ້ງປະຕິບັດໜ້າທີ່ວຽກງານຕາມພາລະບົດບາດ, ສິດ ແລະ ໜ້າ
ທີ່, ບົນພື້ນຖານປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ກະຊວງປ້ອງກັນປະເທດວາງອອກ ແລະ ປະຕິບັດຕາມຂໍ້ຕົກລົງ ຂອງກົມໃຫຍ່ເສນາທິການກອງທັບ ວ່າ
ດ້ວຍການຍົກຍ້າຍນາຍທະຫານໂດຍອີງຕາມການຄົ້ນຄວ້າຕົກລົງ
ເຫັນດີເປັນເອກະພາບ ຂອງກອງປະຊຸມຄະນະປະຈຳພັກ ກະຊວງປ້ອງກັນປະເທດ ຄັ້ງວັນທີ 17 ເມສາ 2025, ອີງຕາມການຄົ້ນຄວ້າ ແລະ ນຳສະເໜີຂອງກົມໃຫຍ່ການເມືອງກອງທັບ, ກະຊວງປ້ອງກັນປະເທດຕົກລົງ: ຍົກຍ້າຍ
ສະຫາຍ ພັນເອກ ສັນຕິ ຈັນທະລັງສອນ ຮອງຫົວໜ້າກົມອົບຮົມ ກົມໃຫຍ່ເສນາທິການກອງທັບ ໄປຮັບໜ້າທີ່ໃໝ່ ຢູ່ກອງພັນໃຫຍ່ 941 ແລະ ໄດ້ຍົກຍ້າຍສະຫາຍພັນເອກ ພັນສອນ ຄຳຜິວ ຫົວໜ້າການທະຫານ ກອງພັນໃຫຍ່ 941
ໄປຮັບໜ້າທີ່ໃໝ່ຢູ່ກົມອົບຮົມ ກົມໃຫຍ່ເສນາທິການກອງທັບ.
ຈາກນັ້ນ, ກໍໄດ້ລົງນາມເຊັນບົດບັນທຶກ ມອບ-ຮັບໜ້າທີ່ຫົວໜ້າການທະຫານ ລະຫວ່າງ ສະຫາຍ ພັນເອກ ພັນສອນ ຄຳຜິວ ຫົວໜ້າການທະຫານ ກອງພັນໃຫຍ່ 941 (ຜູ້ເກົ່າ) ກັບ ສະຫາຍ ພັນເອກ ສັນຕິ ຈັນທະລັງສອນ ຫົວໜ້າການທະຫານ ກອງພັນໃຫຍ່ 941 (ຜູ້ໃໝ່).
ໂດຍ: ຂັນທະວີ ແກ້ວກາໃຈ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
