ວັນພະຫັດ, ວັນທີ 16 ກໍລະກົດ 2026
ກອງບັນຊາການທະຫານເມືອງໄຊບົວທອງ ສຳເລັດການປັກດຳເຂົ້ານາປີ
ເວລາອອກຂ່າວ: 2025-07-16 10:16:43 | ຜູ້ຂຽນ : admin1 | ຈຳນວນຄົນເຂົ້າຊົມ: 2631 | ຄວາມນິຍົມ: 
ໂດຍປະຕິບັດຕາມທິດນຳທີ່ວ່າ “ເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ”. ໃນທ້າຍເດືອນມິຖຸນາ ຫາ ຕົ້ນເດືອນກໍລະກົດ 2025 ນີ້, ກອງບັນຊາການທະຫານເມືອງໄຊບົວທອງ ແຂວງຄຳມ່ວນ ໄດ້ສຸມໃສ່ການປັກດຳເຂົ້ານາປີ ເພື່ອໃຫ້ຖ່ວງທັນຕາມລະດູການ. ໂດຍການຊີ້ນຳຂອງຄະນະພັກ-ຄະນະບັນຊາ ແລະ ມີພະນັກງານ-ນັກ ຮົບພາຍໃນກົມກອງເຂົ້າຮ່ວມການປັກດຳເຂົ້ານາປີ ຢ່າງເປັນຂະບວນການຟົດຟື້ນ.
ສະຫາຍ ພັນໂທ ຫົງຄຳ ສອນມຸກດາ ຫົວໜ້າພະແນກພະລາ ທິການກອງບັນຊາການທະຫານເມືອງໄຊບົວທອງ ໄດ້ໃຫ້ຮູ້ວ່າ: ນາລວມຂອງກົມກອງ ມີເນື້ອທີ່ທັງໝົດ 10,50 ເຮັກຕາໃນນີ້, ເນື້ອທີ່ປັກດຳຕົວຈິງແມ່ນ 4,5 ເຮັກຕາ ໂດຍນຳໃຊ້ແຮງງານ ອ້າຍນ້ອງພາຍໃນກົມກອງຈຳ ນວນ 135 ສະຫາຍ ໃນການປັກດຳ. ມາຮອດປັດຈຸບັນ ການປັກດຳເຂົ້ານາດັ່ງກ່າວ ໄດ້ສຳເລັດຕາມແຜນການ 100%. ທັງນີ້, ກໍເພື່ອປະຕິບັດຕາມທິດນຳຂອງກົມໃຫຍ່ພະລາທິການກອງທັບ ແລະ ຫ້ອງພະລາທິການກອງບັນຊາການທະຫານແຂວງຄຳມ່ວນ ກ່ຽວກັບວຽກງານ 4 ປູກ 4 ລ້ຽງ ຕິດພັນກັບຄຳຂວັນທີ່ວ່າ “ເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ” ໂດຍອີງໃສ່ເງື່ອນໄຂທ່າແຮງບົ່ມຊ້ອນຂອງກົມກອງ ໃນການຊອກແຫຼ່ງລາຍຮັບດ້ວຍການເຮັດນາປີຕາມລະດູການ ເພື່ອເພີ່ມເຂົ້າລະບົບອັດຕາໃຫ້ພະນັກງານ-ນັກຮົບ ໂດຍບໍ່ເອື້ອອີງໃສ່ແຕ່ເຂົ້າອັດຕາລວມທີ່ຂັ້ນເທິງເບີກຈ່າຍໃຫ້ພຽງຢ່າງດຽວ, ພ້ອມທັງເປັນການສ້າງລາຍຮັບເຂົ້າຄັງລວມກົມກອງໃຫ້ມີຄວາມເຂັ້ມແຂງຮອບດ້ານ ຮັບປະກັນສະບຽງອາຫານ ໃນລະດັບທີ່ແນ່ນອນ ເຮັດໃຫ້ພະນັກງານ-ນັກຮົບ ເຄື່ອນໄຫວເຮັດສຳເລັດໜ້າທີ່ການເມືອງຂອງຕົນ ທີ່ພັກ-ລັດຂັ້ນເທິງມອບໝາຍໃຫ້ເປັນຢ່າງດີ.
ໂດຍ: ໄພວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
