POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 08 ກຸມພາ 2026

ຊີວິດການເປັນຢູ່ຂອງປະຊາຊົນ ກຸ່ມບ້ານຜາແດງ ແລະ ກຸ່ມບ້ານນ້ຳຮາງ ໄດ້ຮັບການພັດທະນາດີຂຶ້ນ
ເວລາອອກຂ່າວ: 2025-07-16 10:21:41 | ຜູ້ຂຽນ : admin1 | ຈຳນວນຄົນເຂົ້າຊົມ: 2103 | ຄວາມນິຍົມ:

ວຽກງານກໍ່ສ້າງຮາກຖານການເມືອງ ພັດທະນາຊົນນະບົດ ຕິດພັນກັບວຽກງານ 3 ສ້າງຂອງພັກ ແມ່ນວຽກງານທີ່ມີຈຸດປະສົງເພື່ອຍົກລະດັບຊີວິດການເປັນຢູ່ຂອງປະຊາຊົນບັນດາເຜົ່າ ໃຫ້ດີຂຶ້ນທັງແມ່ນວຽກງານຍຸດທະສາດສຳຄັນ ແລະ ຍາວນານຂອງພັກ, ຫຼາຍສິບປີຜ່ານມາ ວຽກງານດັ່ງກ່າວໄດ້ມີການຫັນປ່ຽນໃໝ່ຢ່າງຕັ້ງໜ້າ ແລະ ມີປະສິດທິຜົນດີຂຶ້ນຢ່າງຈະແຈ້ງຕາມແນວທາງນະໂຍບາຍຂອງພັກ ເວົ້າລວມ, ເວົ້າສະເພາະຢູ່ແຂວງຫົວພັນ ແລະ ແຂວງຜົ້ງສາລີ ໄລຍະຜ່ານມາ, ພັກ-ລັດຖະບານຖືເປັນບູລິມະສິດໃນການພັດທະນາພື້ນຖານໂຄງລ່າງຢູ່ບັນດາ 2 ກຸ່ມບ້ານ, ປະກອບສ່ວນເຂົ້າໃນບັນດາຂົງເຂດພັດທະນາເສດຖະກິດ-ສັງຄົມ, ປ້ອງກັນຊາດ-ປ້ອງກັນຄວາມສະຫງົບ ແລະ ຂົງເຂດວັດທະນະທຳສັງຄົມ ເຮັດໃຫ້ເສດຖະກິດມີການຂະຫຍາຍຕົວຢ່າງວ່ອງໄວ, ປະຊາຊົນມີເງື່ອນ ໄຂທຳການການຜະລິດ ແລະ ດຳ ລົງຊີວິດດີຂຶ້ນເປັນກ້າວໆ. ສະຫາຍ ພົນໂທ ສຈ ປອ ວົງຄຳ ພົມມະກອນ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນ, ຮອງຫົວໜ້າຄະນະຊີ້ນຳໂຄງການຮ່ວມມືພັດ ທະນາກຸ່ມບ້ານບໍລິເວນຊາຍແດນ ລາວ-ຫວຽດນາມ ໄດ້ກ່າວຕໍ່ພິທີ ມອບ-ຮັບ ບັນດາໂຄງການພັດທະນາ ກຸ່ມບ້ານຜາແດງ ເມືອງກວັນ ແຂວງຫົວພັນ ແລະ ກຸ່ມບ້ານນ້ຳຮາງ ເມືອງສຳພັນ ແຂວງຜົ້ງສາລີ ມີບາງຕອນວ່າ: ປະຕິບັດຕາມການມອບໝາຍຈາກພັກ-ລັດຖະບານ, ກະຊວງປ້ອງກັນປະເທດ ໄດ້ແຕ່ງຕັ້ງຄະນະຮັບຜິດຊອບວຽກງານກໍ່ສ້າງຮາກຖານການເມືອງ ພັດທະນາຊົນນະບົດ ເພື່ອແນໃສ່ເຮັດໃຫ້ສະພາບມີຄວາມສະຫງົບໂດຍພື້ນຖານ ແລະ ປັບປຸງຍົກລະດັບແກ້ໄຂຊີວິດການເປັນຢູ່ຂອງປະຊາຊົນບັນດາເຜົ່າ ຢູ່ເຂດຊົນນະບົດຫ່າງໄກ ສອກຫຼີກ ໃຫ້ນັບມື້ດີຂຶ້ນກວ່າເກົ່າ. ໂດຍເຫັນໄດ້ບົດບາດຄວາມສຳຄັນດັ່ງກ່າວ, ກະຊວງປ້ອງກັນປະເທດ ໄດ້ພົວພັນຮ່ວມມືກັບບັນດາປະເທດເພື່ອນມິດຍຸດທະສາດ ໂດຍສະເພາະແມ່ນການຮ່ວມມືກັບກະຊວງປ້ອງກັນປະເທດ ແຫ່ງສສ ຫວຽດນາມ ໃນການພັດທະນາກຸ່ມບ້ານຕາມຊາຍແດນ ສືບຕໍ່ຈັດຕັ້ງຜັນຂະຫຍາຍຂໍ້ຕົກລົງຂອງກົມການເມືອງສູນກາງພັກປະຊາຊົນປະຕິວັດລາວ-ກົມການເມືອງ ສູນກາງພັກກອມມູນິດ ປະຊາຊົນຫວຽດນາມ ໃນການເຮັດໃຫ້ສະພາບຢູ່ບໍລິເວນຊາຍແດນ ລາວ-ຫວຽດນາມ, ຫວຽດນາມ-ລາວ ມີຄວາມສະຫງົບ, ມີການພັດທະ ນາ ທັງເປັນການສືບຕໍ່ເສີມຂະຫຍາຍມູນເຊື້ອອັນຍິ່ງໃຫຍ່ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ-ສອງລັດ, ສອງກອງທັບ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວ ໃຫ້ແໜ້ນແຟ້ນ. ຕະຫຼອດໄລຍະຜ່ານມາ, ພັກ ແລະ ລັດຖະບານ ສອງປະເທດ ລາວ-ວຽດນາມ ໄດ້ສຸມທຶນຮອນຈຳນວນບໍ່ໜ້ອຍ ເຂົ້າໃສ່ວຽກງານພັດທະນາ 2 ກຸ່ມບ້ານ ຢູ່ແຂວງຫົວພັນ ແລະ ແຂວງຜົ້ງສາລີ ເຊິ່ງເປັນແຂວງພູດອຍ, ເຂດຫ່າງໄກ ສອກຫຼີກ ທີ່ມີຄວາມຫຍຸ້ງຍາກຫຼາຍດ້ານ ໃນການພັດທະນາພື້ນຖານໂຄງລ່າງ, ລະບົບເສັ້ນທາງຄົມມະນາຄົມ, ລະບົບຕາຂ່າຍໄຟຟ້າ, ລະບົບນ້ຳໃຊ້, ລະບົບຊົນລະປະທານ, ໂຮງຮຽນ, ໂຮງໝໍ, ຫ້ອງການກຸ່ມບ້ານ, ໂຮງງານຜະລິດກະສິກຳ, ໂຄງການລ້ຽງສັດໃຫຍ່ (ງົວ-ຄວາຍ) ແລະ ອື່ນໆ. ນີ້ແມ່ນຜົນງານການປະກອບສ່ວນອັນໃຫຍ່ຫຼວງ ຂອງພັກ-ລັດຖະບານ ແລະ ປະຊາຊົນຫວຽດນາມ ທີ່ຊ່ວຍເຫຼືອໃນການພັດທະນາ ສປປ ລາວ ເວົ້າລວມ, ເວົ້າສະເພາະ ແມ່ນການຊ່ວຍເຫຼືອພັດທະນາ 2 ກຸ່ມບ້ານ ຢູ່ແຂວງຫົວພັນ ແລະ ແຂວງຜົ້ງສາລີ. ນັບແຕ່ປີ 2005 ມາຮອດປັດຈຸບັນ, ພັກ-ລັດຖະບານ ສສ ຫວຽດນາມ ໄດ້ລົງທຶນພັດ ທະນາບັນດາກຸ່ມບ້ານລຽບຕາມຊາຍແດນ ລາວ-ຫວຽດນາມ ທັງໝົດ 17 ກຸ່ມບ້ານ (15 ກຸ່ມບ້ານເກົ່າ ແລະ 2 ກຸ່ມບ້ານທີ່ ມອບ-ຮັບໃໝ່) ແລະ ເພື່ອເປັນການຢັ້ງຢືນຄືນບັນດາຜົນງານ ສອງກະຊວງປ້ອງກັນປະເທດ ລາວ-ຫວຽດ ນາມ ໄດ້ມີແຜນການກະກຽມ ສະຫຼຸບຜົນງານ 20 ປີ (2005-2025) ໃນການຮ່ວມມືພັດທະນາກຸ່ມບ້ານບໍລິເວນຊາຍແດນ ລາວ-ຫວຽດນາມ. ສະຫາຍ ພົນຈັດຕະວາ ວົງສັກ ສີພັນດອນ ກຳມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ພະລາທິການກອງທັບ, ຄະນະຮັບຜິດຊອບວຽກງານກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ກະຊວງປ້ອງກັນປະເທດ ໃຫ້ຮູ້ວ່າ: ບັນດາໂຄງການພັດທະນາ ກຸ່ມບ້ານຜາແດງ ແລະ ກຸ່ມບ້ານນ້ຳຮາງ ທີ່ຝ່າຍລາວຮັບຜິດຊອບ ໂດຍສະເພາະ ຢູ່ກຸ່ມບ້ານຜາແດງ ເມືອງກວັນ ແຂວງຫົວພັນ ວຽກທີ່ເຮັດສຳເລັດ ຄື: ໂຄງການກໍ່ສ້າງເສັ້ນທາງແຕ່ເສັ້ນທາງຫຼັກ ຜ່ານບ້ານນາອໍ ເຂົ້າຫາບ້ານຫ້ວຍຊາຍ, ໂຄງການກໍ່ສ້າງເສັ້ນທາງພາຍໃນບ້ານນາກໍ່ມື ແລະ ໂຄງການກໍ່ສ້າງຫ້ອງການກຸ່ມບ້ານ ສຳເລັດ 100%. ສ່ວນວຽກທີ່ຈະໄດ້ສືບຕໍ່ຈັດຕັ້ງປະຕິບັດ ຄື: ໂຄງການກໍ່ສ້າງເຮືອນນອນ ໃຫ້ບັນດາໝູ່ຫະຫານຊາຍແດນ ຢູ່ 4 ບ້ານ (ບ້ານຕັ້ງເສົາ, ບ້ານຜາແດງ, ບ້ານປຸ່ງຫວາຍ ແລະ ບ້ານຫ້ວຍງົວ), ໂຄງການກໍ່ສ້າງຄອງຊົນລະປະທານ ຢູ່ຫ້ວຍເວີຍ-ບ້ານປ່າຂົມ, ໂຄງການຊ່ວຍເຫຼືອປະຊາຊົນກໍ່ສ້າງຫ້ອງນ້ຳໃຫ້ ຈຳນວນ 2 ບ້ານ (ບ້ານຕັ້ງເສົາ ແລະ ບ້ານຫ້ວຍປຸງ) ແລະ ໂຄງການສົ່ງເສີມກະສິກຳໃຫ້ປະຊາຊົນພາຍໃນກຸ່ມບ້ານຜາແດງ. ສຳລັບຢູ່ກຸ່ມ ບ້ານນ້ຳຮາງ ເມືອງສຳພັນ ແຂວງຜົ້ງສາລີ ວຽກທີ່ໄດ້ເຮັດສຳເລັດ ຄື: ໂຄງການກໍ່ສ້າງເສັ້ນທາງ ແຕ່ ບ້ານນາອູ ເຂົ້າໄປຫາບ້ານລີວາຍ, ໂຄງການບຸກເບີກພື້ນທີ່ເພື່ອປຸກສ້າງບ້ານລີວາຍໃໝ່ ສຳເລັດ 100%, ໂຄງການກໍ່ສ້າງຕາຂ່າຍໄຟຟ້າ ແຕ່ບ້ານນ້ຳອູ-ບ້ານລີວາຍໃໝ່ ສຳເລັດ 72%. ສ່ວນວຽກທີ່ຍັງຄ້າງຈະໄດ້ສືບຕໍ່ປະຕິບັດ ຄື: ສືບຕໍ່ຕິດຕັ້ງໄຟຟ້າ ຢູ່ບ້ານລີວ າຍໃໝ່ ໃຫ້ສຳເລັດຕາມແຜນແມ່ບົດ. ສັງລວມແລ້ວ ວຽກງານກໍ່ສ້າງຮາກຖານການເມືອງ ພັດທະນາຊົນນະບົດ ຕິດພັນກັບວຽກງານ 3 ສ້າງຂອງພັກ ໄດ້ເຮັດໃຫ້ປະຊາຊົນຢູ່ແຕ່ລະບ້ານ ມີຄວາມອຸ່ນອຽນທຸ່ນທ່ຽງຕໍ່ການດຳລົງຊີວິດ, ເຂົ້າໃຈແຈ້ງຕໍ່ແນວທາງແຜນນະ ໂຍບາຍຂອງພັກ, ແຜນພັດທະນາເສດຖະກິດ-ສັງຄົມຂອງລັດ ກໍຄື ສາຍສຳພັນການຮ່ວມມືຮອບດ້ານ, ຄວາມສາມັກຄີພິເສດ ລາວ-ຫວຽດນາມ, ລະບົບການເມືອງຢູ່ບັນດາກຸ່ມບ້ານໄດ້ຮັບການປັບປຸງ ແລະ ຍົກສູງປະສິດທິຜົນ ຄື: ການຈັດ ຕັ້ງພັກ, ແນວໂຮມ, ສະຫະພັນແມ່ຍິງ, ຊາວໜຸ່ມ ມີຄວາມໜັກແໜ້ນເຂັ້ມແຂງ, ເປັນເສນາທິການໃຫ້ອົງການປົກຄອງທ້ອງຖິ່ນ, ປະຊາຊົນມີຄວາມເຂົ້າໃຈຕໍ່ແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານຂອງ ພັກຫຼາຍຂຶ້ນ, ທັງໄດ້ຍົກສູງສະຕິລະວັງຕົວ ຕໍ່ກົນອຸບາຍຂອງກຸ່ມຄົນບໍ່ຫວັງດີ, ກຳລັງກອງຫຼອນ ແລະ ປກສ ບ້ານ ໄດ້ຮັບການປັບປຸງດ້ານການຈັດຕັ້ງ, ບຳລຸງພາລະບົດບາດໜ້າທີ່, ເຝິກແອບສິລະປະຍຸດ-ຍຸດທະວິທີ ແລະ ຄວາມອາດ ສາມາດໃນການເຄື່ອນໄຫວ ເຮັດໃຫ້ກຳລັງດັ່ງກ່າວ ສາມາດເຄື່ອນໄຫວປະຕິບັດໜ້າທີ່ຕາມພາລະບົດບາດຢ່າງມີປະສິດທິຜົນ ແລະ ສາມາດຕີຖອຍໄດ້ບັນດາປະກົດການຫຍໍ້ທໍ້ຕ່າງໆຈາກກຸ່ມຄົນບໍ່ດີ, ປະຊາຊົນທີ່ໄປອອກແຮງງານ ຢູ່ຕ່າງແຂວງ, ຕ່າງປະເທດຫຼຸດລົງ ແລະ ໄດ້ສ້າງວຽກເຮັດງານທຳໃຫ້ປະຊາຊົນເປັນຈຳນວນຫຼາຍ,ປະຊາຊົນໄດ້ຮັບການເຝິກອົບຮົມເຕັກນິກການຜະລິດກະສິ ກຳ ແລະ ວິທີການປູກຝັງ, ມີການນຳພາເຮັດຕົວຈິງກັບທີ່ ເພື່ອສົ່ງ ເສີມການຜະລິດເປັນສິນຄ້າ, ສ້າງລາຍຮັບຕົວຈິງໃຫ້ຄອບຄົວ ແລະ ແກ້ໄຂຄວາມທຸກຍາກຂອງປະຊາຊົນ. ນອກນັ້ນ, ພື້ນຖານໂຄງລ່າງທີ່ຈຳເປັນເພື່ອຮັບໃຊ້ການຜະລິດ ແລະ ບໍລິການປະຊາຊົນ ເປັນຕົ້ນແມ່ນ ເສັ້ນທາງຄົມມະນາຄົມ, ຊົນລະປະທານ, ໂຮງຮຽນ, ສຸກສາລາ, ລະບົບນໍ້າລິນ-ນໍ້າສະອາດ, ຕາຂ່າຍໄຟຟ້າ ແລະ ອື່ນໆ ໄດ້ຮັບການກໍ່ສ້າງຂຶ້ນໃໝ່ ເປັນສິ່ງກະ ຕຸກຊຸກຍູ້ໂດຍກົງ ໃຫ້ແກ່ການປັບປຸງຍົກລະດັບຄຸນນະພາບຊີວິດການເປັນຢູ່ທາງດ້ານວັດຖຸ ແລະ ຈິດໃຈ ຂອງປະຊາຊົນ ໃຫ້ດີຂຶ້ນຢ່າງບໍ່ຢຸດຢັ້ງ. ໂດຍ: ສົມພອນ ສີສຸມັງ

news to day and hot news