ວັນຈັນ, ວັນທີ 18 ພຶດສະພາ 2026
ກອງພັນໃຫຍ່ 702 ປ່ອຍປາ ວັນອະນຸລັກສັດນ້ຳ-ສັດປ່າ ແຫ່ງຊາດ
ເວລາອອກຂ່າວ: 2025-07-18 08:48:15 | ຜູ້ຂຽນ : admin1 | ຈຳນວນຄົນເຂົ້າຊົມ: 2734 | ຄວາມນິຍົມ: 
ໃນວັນທີ 14 ກໍລະກົດ 2025, ກອງພັນໃຫຍ່ 702 ໄດ້ຈັດກິດຈະກຳປ່ອຍປາ ເນື່ອງໃນໂອກາດວັນອະນຸລັກສັດນ້ຳ-ສັດປ່າແຫ່ງຊາດ ຄົບຮອບ 28 ປີ (13 ກໍລະກົດ 1997-13 ກໍລະກົດ 2025), ໂດຍມີ ສະຫາຍ ພັນໂທ ສີແພງ ດວງທິໄຊ ຫົວໜ້າການເມືອງ ກອງພັນໃຫຍ່ 702, ຄະນະພັກ-ຄະນະບັນຊາກອງພັນໃຫຍ່ 702 ຕະຫຼອດຮອດ ພາກສ່ວນທີ່ກ່ຽວ ຂ້ອງ ເຂົ້າຮ່ວມ.
ສະຫາຍ ພັນໂທ ບົວສີ ວົງວິໄລທອງ ຫົວໜ້າຂະແໜງຜະລິດ ກອງພັນໃຫຍ່ 702 ໄດ້ໃຫ້ຮູ້ວ່າ: ການປ່ອຍປາໃນຄັ້ງນີ້ຍ້ອນເຫັນໄດ້ຄວາມໝາຍຄວາມສຳຄັນຂອງການອະນຸລັກສັດນ້ຳ-ສັດປ່າ ເພື່ອຄືນຄວາມອຸດົມ ສົມບູນສູ່ທຳມະຊາດ ແລະ ສັດນ້ຳ ໂດຍພາຍໃຕ້ຄຳຂັວນ ທີ່ວ່າ “ ຊົມເຊີຍວັນປ່ອຍປາ ແລະ ສັດນ້ຳ ແຫ່ງຊາດ ວັນທີ 13 ກໍລະກົດ, ຈົ່ງພ້ອມກັນປ່ອຍປາ ແລະ ສັດນ້ຳ ຄືນສູ່ທຳມະຊາດ ໃຫ້ມີຄວາມອຸດົມສົມບູນຕະຫຼອດໄປ, ການປົກປັກຮັກສາປາ ແລະ ສັດນ້ຳ ແມ່ນພັນທະຂອງປວງຊົນລາວທັງຊາດ”; ໂດຍປາທີ່ນຳມາປ່ອຍໃນຄັ້ງນີ້ມີ ປາປາກ 1.200 ໂຕ, ປາໃນ 700 ໂຕ, ປາຕາແດງ 1.100 ໂຕ, ປາກິນຫຍ້າ 1.100 ໂຕ ແລະ ປາແກັດແລບ ຈຳນວນ 600 ໂຕ; ລວມເປັນມູນຄ່າທັງໜົດ 5.770.000 ກີບ.
ໂດຍ: ນາງ ດວງມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
