ວັນຈັນ, ວັນທີ 09 ມີນາ 2026
ມອບ-ຮັບ ອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍຊີວິດແຕ່ປາງສົງຄາມ ຢູ່ ແຂວງສາລະວັນ
ເວລາອອກຂ່າວ: 2025-07-18 08:56:34 | ຜູ້ຂຽນ : admin1 | ຈຳນວນຄົນເຂົ້າຊົມ: 2366 | ຄວາມນິຍົມ: 
ເມື່ອບໍ່ດົນຜ່ານມາ, ຄະນະຊີ້ນຳ 515 ນະຄອນເຫວ້ ພ້ອມ ດ້ວຍຜູ້ແທນກອງບັນຊາການທະຫານແຂວງເທື່ອທຽນເຫວ້ ສສ ຫວຽດນາມ ເຊິ່ງນຳໂດຍ ສະຫາຍ ຫງຽນ ຈິ໋ ຕ໋າຍ ຄະນະປະຈຳພັກນະຄອນ ຮອງປະທານປົກຄອງແຂວງ, ຫົວໜ້າຄະນະປະຕິບັດງານພິເສດແຂວງເທື່ອທຽນເຫວ້, ສະຫາຍ ພັນເອກ ຮວ່າງ ວັນ ເຍິນຫົວໜ້າການເມືອງ ກອງບັນຊາການທະຫານແຂວງເທື່ອທຽນເຫວ້, ໄດ້ພົບປະຢ້ຽມຢາມ ແລະ ເຮັດວຽກຢູ່ກອງບັນຊາການທະຫານແຂວງສາລະວັນ, ໂດຍໄດ້ຮັບການຕ້ອນຮັບຢ່າງອົບອຸ່ນຈາກສະຫາຍ ສີເຮັງ ຫອມສົມບັດ ຮອງເລຂາພັກແຂວງ ປະທານສະພາປະຊາຊົນແຂວງ ຫົວໜ້າຄະນະປະຕິບັດງານພິເສດແຂວງສາລະວັນ, ມີສະຫາຍ ພັນເອກ ໂສພາ ໂພໄຊຍະວົງ ເລຂາຄະນະພັກ ຮັກສາການຫົວໜ້າການເມືອງກອງບັນຊາການທະຫານແຂວງ ຄະນະປະຕິບັດງານພິເສດແຂວງສາລະວັນ ພ້ອມຄະນະ.
ໂອກາດນີ້, ສະຫາຍ ສີເຮັງ ຫອມສົມບັດ ໄດ້ລາຍງານສະພາບການໂດຍຫຍໍ້ ໃນການຈັດຕັ້ງປະຕິບັດໜ້າທີ່ວຽກງານ ຂຸດຄົ້ນອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ເຊິ່ງໄດ້ຍົກໃຫ້ເຫັນຂໍ້ສະດວກ ແລະ ຂໍ້ຫຍຸ້ງ
ຍາກໃນການເຄື່ອນໄຫວປະຕິບັດໜ້າທີ່ດັ່ງກ່າວ, ພາຍຫຼັງທີ່ທາງຄະນະປະຕິບັດງານພິເສດກໍ່ຄືໜ່ວຍງານ 192 ໄດ້ລົງຂຸດຄົ້ນທົ່ວແຂວງສາລະວັນກໍຄື 8 ຕົວເມືອງຂອງແຂວງ ໂດຍມີຄະນະປະຕິບັດງານພິເສດແຂວງສາລະວັນ ລົງຕິດຕາມກວດກາ ພ້ອມທັງຊຸກຍູ້ອຳນາດການປົກຄອງ, ພື້ນຖານປະຊາຊົນ ແລະ ສະເໜີ
ໃຫ້ບັນດາກອງບັນຊາການທະຫານເມືອງແຕ່ງຕັ້ງພະນັກງານເຂົ້າຮ່ວມເຄື່ອນໄຫວຕໍ່ວຽກງານດັ່ງກ່າວ ແລະ ເຮັດໃຫ້ການເຄື່ອນໄຫວຊອກຄົ້ນ, ທ້ອນໂຮມອັດຖິ ປະຈຳລະດູແລ້ງ ສົກປີ 2024-2025 ສາມາດຂຸດຄົ້ນໄດ້ທັງໝົດ 4 ອັດຖິ.
ສະຫາຍ ຫງຽນ ຈິ໋ ຕ໋າຍ ກ່າວວ່າ: ຈະສືບຕໍ່ຮັກສາມູນເຊື້ອສາຍພົວພັນສາມັກຄີແບບພິເສດລະຫວ່າງສອງຊາດ ຫວຽດນາມ-ລາວ ເວົ້າລວມ, ເວົ້າສະເພາະ ກໍຄືສືບຕໍ່ຮ່ວມມືຮັດແໜ້ນສາຍສຳພັນອັນດີງາມ ແລະ ເສີມຂະຫຍາຍຄວາມສາມັກຄີ, ມິດຕະພາບ ລະຫວ່າງກອງບັນຊາການທະຫານແຂວງເທື່ອທຽນເຫວ້ ກັບ ກອງບັນຊາການທະຫານແຂວງສາລະວັນ ໃຫ້ນັບມື້ມີຄວາມແໜ້ນແຟ້ນຍິ່ງໆຂຶ້ນ. ຫຼັງຈາກນັ້ນ, ຜູ້ແທນທັງສອງຝ່າຍຍັງໄດ້ເຊັນບົດບັນທຶກຊ່ວຍຈຳ ແລະ ມອບ-ຮັບ ອັດຖິທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະ
ຫຼະຊີວິດຢູ່ລາວໃນປາງສົງຄາມ ໂດຍຊ່ອງໜ້າຜູ້ແທນທັງສອງຝ່າຍເຂົ້າຮ່ວມເປັນສັກຂີພະຍານ.
ຂ່າວ: ນາງ ສຸຂາວພອນ ສອນນາລີ
ພາບ: ສະພາປະຊາຊົນແຂວງສາລະວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
