ວັນສຸກ, ວັນທີ 13 ມີນາ 2026
ສ້າງຂະບວນການຂໍ່ານັບຮັບຕ້ອນ ກອງປະຊຸມໃຫຍ່ຜູ້ແທນ ທົ່ວກອງທັບ ຄັ້ງທີ VI ຂອງອົງຄະນະພັກ ກະຊວງປ້ອງກັນປະເທດ
ເວລາອອກຂ່າວ: 2025-08-05 10:15:27 | ຜູ້ຂຽນ : admin3 | ຈຳນວນຄົນເຂົ້າຊົມ: 1183 | ຄວາມນິຍົມ: 
ໃນວັນທີ 1 ສິງຫາ 2025 ນີ້, ຫ້ອງການກົມໃຫຍ່ການ ເມືອງກອງທັບ ໄດ້ຈັດຕັ້ງສ້າງຂະບວນການອອກແຮງງານ ລວມ, ໂດຍການນຳພາ ຂອງສະຫາຍ ພັນເອກ ເຂັມພອນ ແກ້ວວິໄຊ ຮອງຫົວໜ້າຫ້ອງການ ກົມໃຫຍ່ການເມືອງກອງທັບ, ມີພະນັກງານ-ນັກຮົບ ເຂົ້າຮ່ວມຢ່າງພ້ອມພຽງ.
ສະຫາຍ ພັນເອກ ເຂັມພອນ ແກ້ວວິໄຊ ໄດ້ກ່າວວ່າ: ການອອກແຮງງານລວມໃນຄັ້ງນີ້, ແມ່ນໄດ້ພ້ອມກັນອະນາໄມສະຖານທີ່ສຳນັກງານອົງການ, ຕັດຫຍ້າ, ປັດກວາດເສດໃບໄມ້ ແລະ ຕັດແຕ່ງງ່າໄມ້ ເພື່ອເຮັດໃຫ້ສະຖານທີ່ສຳນັກງານອົງການ ມີຄວາມສະອາດງາມຕາ. ໂດຍຈຸດປະສົງ ກໍເພື່ອເປັນ ການສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ຜູ້ແທນທົ່ວກອງທັບ ຄັ້ງທີ VI ອົງ ຄະນະພັກກະຊວງປ້ອງກັນປະເທດ ທີ່ຈະໄດ້ໄຂຂຶ້ນໃນມໍ່ໆນີ້ ໃຫ້ເປັນຂະບວນການຟົດຟື້ນ ພ້ອມທັງ, ເປັນການຮັດແໜ້ນຄວາມສາມັກຄີລະຫວ່າງ ຄະນະ ພັກ-ຄະນະບັນຊາ ແລະ ພະນັກງານ-ນັກຮົບ ພາຍໃນຫ້ອງການ ກົມໃຫຍ່ການເມືອງກອງທັບ ອີກດ້ວຍ. ໃນຜ່່ານມາຄະນະພັກ-ຄະນະບັນຊາຫ້ອງການກົມໃຫຍ່ການເມືອງກອງທັບ ຍັງໄດ້ສຸມໃສ່ນຳພາ-ຊີ້ນຳຈັດຕັ້ງຂະບວນການດ້ານຕ່າງໆ ຢ່າງແຂງແຮງ ໃນນີ້, ໄດ້ຖືເອົາວຽກງານການເມືອງ-ແນວຄິດ ເປັນກົກ ສອດຫ້ອຍເຂົ້າໃນທຸກ ຂົງເຂດວຽກງານຕິດພັນກັບ ການຈັດຕັ້ງຂະບວນການສ້າງຜົນງານ ເພື່ອຂ່ຳນັບຮັບຕ້ອນ ແລະ ສະເຫຼີມສະຫຼອງ 3 ວັນ ປະຫວັດສາດສຳຄັນຂອງຊາດ, ຂອງພັກ, ຂອງກອງທັບ ແລະ ຍູ້ແຮງຂະບວນການ ແຂ່ງຂັນຮັກຊາດ ແລະ ພັດທະນາ, ການຈັດຕັ້ງປະຕິບັດ 2 ວາລະແຫ່ງຊາດ ໄປຄຽງຄູ່ກັບ ການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ຂະບວນການສ້າງກົມກອງປອດໃສ, ປອດໄພ, ປອດຄະດີ ແລະ ການສ້າງນັກຮົບວັດທະນະທຳ ແລະ ກົມກອງວັດທະນະທຳ ຢ່າງເປັນຂະບວນການຟົດຟື້ນ.
ໂດຍ: ສົມຄິດ ພູມມີຈິດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
