ວັນອາທິດ, ວັນທີ 07 ມິຖຸນາ 2026
ມອບເຄື່ອງຄອມພິວເຕີ ໃຫ້ພະແນກອົບຮົມ ທະຫານແຂວງຜົ້ງສາລີ
ເວລາອອກຂ່າວ: 2025-08-06 09:19:06 | ຜູ້ຂຽນ : admin1 | ຈຳນວນຄົນເຂົ້າຊົມ: 1349 | ຄວາມນິຍົມ: 
ເພື່ອເປັນການຮັດແໜ້ນຄວາມສາມັກຄີ ລະຫວ່າງ ແລະ ພະແນກ
ອົບຮົມທະຫານແຂວງຜົ້ງສາລີ ໃຫ້ມີຄວາມແໜ້ນແຟ້ນຂຶ້ນໄປເລື້ອຍໆ, ໃນວັນທີ 31 ກໍລະກົດ 2025, ຢູ່ທີ່ຫ້ອງເສນາທິການ ກອງບັນຊາການທະຫານແຂວງຜົ້ງສາລີ, ຄະນະຊາວໜຸ່ມແຂວງຜົ້ງສາລີ ໄດ້ນຳເອົາເຄື່ອງຄອມພິວເຕີ ມາມອບໃຫ້ພະແນກອົບ ຮົມ ກອງບັນຊາການທະຫານແຂວງຜົ້ງສາລີ, ໂດຍມີ ສະຫາຍ ພັນໂທ ນຸດ ດວງສີວັນ ຮອງຫົວໜ້າຫ້ອງເສນາທິການ ກອງບັນຊາການທະຫານແຂວງຜົ້ງສາລີ, ສະຫາຍ ຫຸມພັນ ຈັນທະລາ ເລຂາຄະນະບໍລິຫານງານຊາວໜຸ່ມແຂວງຜົ້ງສາລີ, ຄະນະພະແນກອົບຮົມ ແລະ ຄະນະທີມງານຊາວໜຸ່ມແຂວງຜົ້ງສາລີ ເຂົ້າຮ່ວມ.
ເຄື່ອງຄອມພິວເຕີທີ່ນຳມາມອບຄັ້ງນີ້ ຈຳນວນ 1 ຊຸດ ລວມມູນຄ່າ 5.000.000 ກີບ, ໂດຍການກ່າວມອບຂອງ ສະຫາຍ ຫຸມພັນ ຈັນທະລາ ແລະ ກ່າວຮັບຂອງ ສະຫາຍ ພັນໂທ ນຸດ ດວງສີວັນ ພ້ອມດ້ວຍຄະນະ; ສະຫາຍ ພັນໂທ ນຸດ ດວງສີວັນ ໄດ້ຕ່າງໜ້າຄະນະພະແນກອົບຮົມ, ພະນັກງານ-ນັກຮົບ ກ່າວສະແດງຄວາມຮູ້ບຸນຄຸນ ແລະ ຂອບໃຈ ມາຍັງຄະນະຊາວໜຸ່ມແຂວງຜົ້ງສາລີ ທີ່ໃຫ້ການສະໜັບສະໜູນ ແລະ ຊ່ວຍເຫຼື່ອໃນຄັ້ງນີ້ ພ້ອມທັງ ໃຫ້ຄຳໝັ້ນສັນຍາວ່າ: ຈະນຳໃຊ້ເຄື່ອງດັ່ງກ່າວເຂົ້າໃນການປະຕິບັດໜ້າທີ່ວຽກງານໂດຍສະເພາະແມ່ນວຽກງານອົບຮົມໃຫ້ເກີດປະໂຫຍດສູງສຸດ.
ໂດຍ: ນາງ ສຸນາລີ ອຸ່ນວີໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
