ວັນພະຫັດ, ວັນທີ 21 ພຶດສະພາ 2026
ຫ້ອງເຕັກນິກ ກອງພົນທີ 1 ມອບລົດການທະຫານ ຢີນ 131 ແລະ ລົດ ຫັນເຕີ ໃຫ້ກອງພັນ 631
ເວລາອອກຂ່າວ: 2025-08-12 09:24:13 | ຜູ້ຂຽນ : admin1 | ຈຳນວນຄົນເຂົ້າຊົມ: 1297 | ຄວາມນິຍົມ: 
ວັນທີ 7 ສິງຫາ 2025 ນີ້, ຫ້ອງເຕັກນິກ ກອງພົນທີ 1 ໄດ້ຈັດພິທີ ມອບ-ຮັບ ລົດການທະຫານ ຢີນ131 ຈຳນວນ 2 ຄັນ ແລະ ລົດຫັນເຕີ ຈຳນວນ 1 ຄັນ ໃຫ້ກອງພັນ 631 ຫຼັງຈາກບົວລະບັດສ້ອມແປງໜັກສຳເລັດ, ໂດຍການເປັນປະທານຂອງ ສະຫາຍ ພັນເອກ ສົມຈັນ ກອງໄຊສອນ ຄະນະພັກກອງພົນ ຫົວໜ້າຫ້ອງການ ກອງພົນທີ 1, ມີຄະນະ-ຄະນະບັນຊາ, ຫ້ອງເຕັກນິກ, ກອງພັນ 631, ພະນັກງານ-ວິຊາສະເພາະ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ສະຫາຍ ພັນໂທ ຄຳຟອງ ວົງສູນທອນ ຮອງຫົວໜ້າຫ້ອງເຕັກນິກ ໄດ້ຜ່ານບົດສະຫຼຸບໂດຍຫຍໍ້ໃນການຈັດຕັ້ງປະຕິບັດວຽກງານ ບົວລະບັດສ້ອມແປງລົດ
ການທະຫານ ຢີນ 131 ໃນແຕ່ລະໄລຍະເຊິ່ງມີທັງຂໍ້ສະດວກ ແລະ ຂໍ້ຫຍຸ້ງຍາກ ແຕ່ດ້ວຍຄວາມເອົາໃຈໃສຢ່າງໃກ້ຊິດ ແລະ ການຊີ້ນຳຈາກຂັ້ນເທິງ ຈຶ່ງເຮັດໃຫ້
ການຈັດຕັ້ງປະຕິບັດໜ້າທີ່ວຽກງານສຳເລັດຕາມຄາດໝາຍ. ຈາກນັ້ນ, ກໍໄດ້ຜ່ານບົດບັນທຶກໃນການມອບ-ຮັບລົດຄັ້ງນີ້ ແມ່ນ ອີງຕາມ ທິດຊີ້ນຳຂອງກົມ
ຄຸ້ມຄອງລົດ-ເຮືອ ກົມໃຫຍ່ເຕັກນິກກອງທັບ ໃນຄັ້ງວັນທີ 11 ທັນວາ 2024 ກ່ຽວກັບການມອບໝາຍໜ້າທີ່ຮັບຜິດຊອບ ໃຫ້ຫ້ອງເຕັກນິກ ກອງພົນທີ1
ປະຕິບັດການສ້ອມແປງໜັກ ລົດການທະຫານ ຢູ່ອູ່ສ້ອມແປງຂອງກອງພົນ ດ້ວຍກຳລັງເຕັກນິກຂອງກົມກອງ, ອີງຕາມຜົນສຳເລັດໃນການບົວລະບັດສ້ອມ
ແປງ-ຟື້ນຟູລົດຕົວຈິງ ແລະ ສາມາດຮັບປະກັນເຕັກນິກ ຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ການເມືອງກົມກອງ ໃນສະເພາະໜ້າ ແລະ ຍາວນານ. ດັ່ງນັ້ນ, ຈຶ່ງໄດ້ມອບລົດການທະຫານ ຢິນ 131 ຈຳນວນ 2 ຄັນ ແລະ ລົດ ຫັນເຕີ ຈຳນວນ 1 ຄັນ ຄືນໃຫ້ກອງພັນ 631 ເປັນຜູ້ນຳໃຊ້ເກັບມ້ຽນ
ຮັກສາ, ເຂົ້າປະຈຳການກຽມພ້ອມສູ້ຮົບ ແລະ ນຳໃຊ້ຮ່ຳຮຽນຫັດແອບ ຂອງກົມກອງ.
ຈາກນັ້ນ, ທັງສອງຝ່າຍກໍໄດ້ລົງນາມເຊັນບົດບັນທຶກ ມອບ-ຮັບ ລະຫວ່າງ ສະຫາຍ ພັນໂທ ຄຳຟອງ ວົງສູນທອນ ຮອງຫົວໜ້າຫ້ອງເຕັກນິກ ກອງພົນທີ1 ແລະ ສະຫາຍ ພັນຕີ ຄຳສີ ແສນທະວົງ ຫົວໜ້າການທະຫານ ກອງພັນ 631.
ໂດຍ: ຊັນໂດ ລາດຊະພູມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
