POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 16 ມັງກອນ 2026

ຮັບຮອງເອົາບ້ານຕີ້ວ ເປັນບ້ານປ້ອງກັນຊາດເຂັ້ມແຂງ
ເວລາອອກຂ່າວ: 2025-09-05 09:44:53 | ຜູ້ຂຽນ : admin1 | ຈຳນວນຄົນເຂົ້າຊົມ: 1007 | ຄວາມນິຍົມ:

ສະຫາຍ ພັນໂທ ສົມສອນ ຈອນລະບົນ ກຳມະການຄະນະປະຈຳພັກເມືອງ, ຫົວໜ້າການ ເມືອງກອງບັນຊາການທະຫານເມືອງລະມາມ ແຂວງເຊກອງ ໃຫ້ຮູ້ວ່າ: ໂດຍປະຕິບັດຕາມທິດຊີ້ນຳຂອງຄະນະກຳມະການປ້ອງກັນຊາດ-ປ້ອງກັນຄວາມສະຫງົບແຂວງເຊກອງ ກ່ຽວກັບການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ຂອງກອງບັນ ຊາການທະຫານເມືອງລະມາມ ໃນໄລຍະຜ່ານມາຕາມເງື່ອນໄຂທີ່ຂັ້ນເທິງໄດ້ກຳນົດ ຄະນະພັກ-ຄະນະບັນຊາໄດ້ເອົາໃຈໃສ່ຊີ້ນຳ ພະແນກການທີ່ກ່ຽວຂ້ອງປະ ສານສົມທົບກັບອຳນາດການປົກຄອງທ້ອງຖິ່ນເຄື່ອນໄຫວໂຄ ສະນາຂົນຂວາຍປະຊາຊົນຈັດ ຕັ້ງເຜີຍແຜ່ມະຕິ, ຄຳສັ່ງແນວ ທາງປ້ອງກັນຊາດ-ປ້ອງກັນ ຄວາມສະຫງົບທົ່ວປວງຊົນຮອບ ດ້ານສຶກສາອົບຮົມການເມືອງ-ນຳພາແນວຄິດໃຫ້ພໍ່ແມ່ປະຊາຊົນບັນດາເຜົ່າ, ຊາວໜຸ່ມ-ແມ່ຍິງພາຍໃນບ້ານມີແນວຄິດອຸ່ນອຽນທຸ່ນທ່ຽງ, ຍຶດໝັ້ນຕໍ່ແນວທາງແຜນນະໂຍບາຍຂອງພັກ-ລະ ບຽບກົດໝາຍຂອງລັດວາງອອກຢ່າງເຂັ້ມງວດ, ຖືເອົາວຽກງານປ້ອງກັນຊາດ-ປ້ອງກັນຄວາມສະ ຫງົບເປັນຫາສຳຄັນ ເຮັດໃຫ້ບ້ານມີຄວາມສະຫງົບໂດຍພື້ນຖານ. ສະຫາຍ ແພດ ໄຊສົມປອງ ເລຂາພັກບ້ານ, ນາຍບ້ານ ບ້ານຕີ້ວ ເມືອງລະມາມ ຍັງໃຫ້ຮູ້ຕື່ມອີກວ່າ: ບ້ານຕີ້ວຂອງພວກເຮົາມີເນື້ອທີ່ທັງໝົດ 40 ພັນກວ່າເຮັກຕາ, ເນື້ອທີ່ສ່ວນໃຫຍ່ເປັນໂນນພູ ທີ່ອຸດົມສົມບູນໄປດ້ວຍພືດນາໆພັນ ເໝາະສົມແກ່ການທຳການຜະລິດກະສິກຳປູກຝັງ-ລ້ຽງສັດໃຫຍ່(ຄວາຍ, ງົວ) ປະຊາຊົນພາຍໃນບ້ານມີທັງໝົດ 905 ຄົນ, ຍິງ 429 ຄົນ, ມີ 1.085 ຄອບຄົວ, ມີ 149 ຫຼັງຄາເຮືອນ, ອາຊີບຫຼັກຂອງປະຊາຊົນພາຍໃນບ້ານສ່ວນໃຫຍ່ແມ່ນຊາວກະສິກອນຍຶດຖືການປູກຝັງ-ລ້ຽງສັດ ແລະ ພະນັກງານກວມເອົາ 49%, ບ້ານຕີ້ວ ຂອງພວກເຮົາຍັງໄດ້ປະກາດເປັນບ້ານວັດທະນາທຳ ຂອງແຂວງເຊກອງ ໃນຄັ້ງວັນທີ 10 ຕຸລາ 2012 ແລະ ໄດ້ຮັບຮອງເປັນບ້ານປອດຄະດີ ຄັ້ງວັນທີ 6 ມີນາ 2009, ພາຍໃນບ້ານ ມີສະມາຊິກພັກ ທັງໝົດ 47 ທ່ານ, ຍິງ 18 ທ່ານ ແລະ ໄດຮັບການຢັ້ງຢືນ ເປັນໜ່ວຍພັກປອດໃສ ເຂັ້ມແຂງ ໜັກແໜ້ນ 5 ປີຕິດຕໍ່ກັນ. ສ່ວນໂຄງຮ່າງການຈັດຕັ້ງພາຍໃນບ້ານ ປະກອບມີນາຍບ້ານ 1 ທ່ານ, ຮອງນາຍບ້ານ 2 ທ່ານ, ປະກອບມີ 5 ໜ່ວຍງານຂຶ້ນກັບຄື: ໜ່ວຍງານບໍລິຫານ ແລະ ການປົກຄອງ, ໜ່ວຍງານພັກ ແລະ ອົງການຈັດຕັ້ງມະຫາຊົນ, ໜ່ວຍງານເສດຖະກິດ-ການເງິນ, ໜ່ວຍງານວັດທະນາທຳ-ສັງຄົມ ແລະ ໜ່ວຍງານປ້ອງກັນຊາດ-ປ້ອງກັນຄວາມສະຫງົບ; ໃນຊຸມປີຜ່ານມາເຫັນວ່າ ເສດຖະກິດຂອງບ້ານ ໄດ້ມີການຂະຫຍາຍຕົວຢ່າງຕໍ່ເນື່ອງ, ສະເລ່ຍລາຍຮັບຕໍ່ຫົວຄົນ 5.500.000 ກີບຕໍ່ຄົນຕໍ່ປີ ແລະ ບ້ານຕີ້ວ ຂອງພວກເຮົາໄດ້ຫຼຸດພົ້ນອອກຈາກຄວາມທຸກຍາກ ສະເລ່ຍແມ່ນ 90%, ລາຍຮັບສ່ວນໃຫຍ່ໄດ້ມາຈາກການປູກ ຝັງ-ລ້ຽງສັດ ປະຕິບັດໄດ້ 30 ລ້ານກີບຕໍ່ຄອບຄົວຕໍ່ປີ ເຮັດໃຫ້ຊີ ວິດການເປັນຢູ່ຂອງພໍ່ແມ່ປະ ຊາຊົນພາຍໃນບ້ານດີຂຶ້ນເທື່ອລະ ກ້າວ. ຈາກນັ້ນ, ຍັງໄດ້ມອບໃບ ຢັ້ງຢືນໃຫ້ຄອບຄົວປ້ອງກັນຊາດ ເຂັ້ມແຂງ ຈຳນວນ 145 ຄອບຄົວ ແລະ ຮັບຮອງບ້ານປ້ອງກັນຊາດເຂັ້ມແຂງ ຕື່ມອີກ. ສະຫາຍ ປອ ຕຸລາວັນ ວົງໄຊ ກຳມະການພັກແຂວງ, ເລຂາພັກເມືອງ, ເຈົ້າເມືອງ ເມືອງລະມາມ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ອຳນາດການປົກຄອງຕະຫຼອດຮອດພໍ່ແມ່ປະຊາຊົນພາຍໃນບ້ານ ທີ່ໄດ້ປະກອບສ່ວນວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ແລະ ພ້ອມກັນເຮັດສຳເລັດໜ້າທີ່ວຽກງານ ທີ່ການຈັດຕັ້ງຂັ້ນເທິງມອບໝາຍໃຫ້ຮັບປະກັນເຮັດໃຫ້ບ້ານມີຄວາມສະຫງົບ ແລະ ໄດ້ຮັບ ການພັດທະນາ ພ້ອມນັ້ນ, ສະ ຫາຍ ຍັງໄດ້ຮຽກຮ້ອງມາຍັງອຳ ນາດການປົກຄອງບ້ານຮັກສາມູນເຊື້ອອັນດີງາມຂອງຕົນ ກໍຄືເສີມຂະຫຍາຍແນວທາງປ້ອງກັນຊາດ-ປ້ອງກັນຄວາມສະຫງົບ ໄປຄຽງຄູ່ກັບການເອົາໃຈໃສ່ສຶກສາອົບຮົມການເມືອງ-ນຳພາແນວຄິດຖືເປັນບັນຫາສຳຄັນ ແນ່ໃສ່ນຳມາປຸກລະດົມຂົນຂວາຍຊາວໜຸ່ມ-ໄວໜຸ່ມຢູ່ພາຍໃນບ້ານໃຫ້ມີສ່ວນຮ່ວມປະກອບສ່ວນເຂົ້າໃນການເຮັດໜ້າທີ່ວຽກງານປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານເພື່ອຕອບຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ບໍ່ໃຫ້ເກີດຢູ່ໃນສັງຄົມ, ສືບຕໍ່ຈັດຕັ້ງຜັນຂະຫຍາຍບັນດາແນວທາງແຜນນະໂຍບາຍຂອງພັກ-ລະບຽບກົດ ໝາຍຂອງລັດ ແນໃສ່ປັບປຸງກໍ່ ສ້າງ ແລະ ພັດທະນາບ້ານໃຫ້ມີຄວາມສະຫງົບ, ສັງຄົມມີຄວາມເປັນລະບຽບຮຽບຮ້ອຍປະເທດຊາດມີຄວາມມັ່ງຄັ່ງເຂັ້ມແຂງກ້າວຂຶ້ນຢ່າງບໍ່ຢຸດຢັ້ງ. ໂດຍ: ມິຕິ ທ່ອນມະນີວັນ

news to day and hot news