ວັນອາທິດ, ວັນທີ 19 ເມສາ 2026
ກອງພົນທີ 3 ມອບເງິນນະໂຍບາຍຊົດເຊີຍ ໃຫ້ນາຍທະຫານພັກການ ຮັບບຳນານ
ເວລາອອກຂ່າວ: 2025-09-12 09:19:12 | ຜູ້ຂຽນ : admin1 | ຈຳນວນຄົນເຂົ້າຊົມ: 5215 | ຄວາມນິຍົມ: 
ວັນທີ 2 ກັນຍາ 2025 ນີ້, ກອງພົນທີ 3 ໄດ້ຈັດພິທີມອບເງິນນະໂຍບາຍຊົດເຊີຍ ໃຫ້ນາຍທະຫານພັກການຮັບບຳນານ, ໂດຍການເປັນປະທານຂອງສະຫາຍ ພົນຈັດຕະວາ ສາຍທອງ ປີຊາຈັນ ຫົວໜ້າການເມືອງ ກອງພົນທີ 3, ມີພະແນກການທີ່ກ່ຽວຂ້ອງ ພ້ອມດ້ວຍນາຍທະຫານຜູ້ທີ່ພັກການຮັບບຳນານ ເຂົ້າຮ່ວມ.
ການມອບເງິນໃຫ້ບັນດາສະຫາຍທີ່ພັກການຮັບບຳນານ ໃນຄັ້ງນີ້ ເປັນເງິນນະໂຍບາຍຊົດເຊີຍພັກການຮັບບຳນານ 10% ມີ 1 ສະຫາຍ ແລະ 5% ມີ 15 ສະຫາຍ.
ໂອກາດນີ້ ສະຫາຍ ພົນຈັດຕະວາ ສາຍທອງ ປີຊາຈັນ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ບັນດາສະຫາຍ ໄດ້ປະກອບສ່ວນເຫື່ອແຮງ, ສະຕິປັນຍາ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກໍຄື ການປັບປຸງກໍ່ສ້າງກົມກອງຕະຫຼອດໄລຍະຜ່ານມາ, ພ້ອມທັງຮຽກຮ້ອງໃຫ້ບັນດາສະຫາຍ ນຳເອົາເງິນຈຳນວນດັ່ງກ່າວນີ້ ໄປໝູນໃຊ້ເຂົ້າໃນການສ້າງສາເສດຖະກິດຄອບຄົວຂອງຕົນໃຫ້ມີຄວາມຈະເລີນກ້າວໜ້າ, ມີຊີວິດການເປັນຢູ່ດີຂຶ້ນກວ່າເກົ່າ, ປະກອບສ່ວນເຂົ້າໃນທຸກຂົງເຂດວຽກງານຕາມການມອບໝາຍຂອງອົງການປົກຄອງທ້ອງຖິ່ນ, ເປັນແບບຢ່າງໃນປະຕິບັດກົດໝາຍຂອງລັດ, ເຄົາລົບນັບຖືຮີດຄອງປະເພນີຂອງບ້ານເມືອງ, ເປັນພົນລະເມືອງດີຂອງສັງຄົມ ແລະ ເປັນເຈົ້າການເຮັດໜ້າທີ່ປ້ອງກັນຊາດ-ປ້ອງກັນຄວາມສະຫງົບ ເຮັດໃຫ້ສະພາບພາຍໃນທ້ອງຖິ່ນ ມີຄວາມສະຫງົບໂດຍພື້ນຖານ.
ໂດຍ: ຄຳຜຸຍ ສີວິໄລ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
