ວັນພຸດ, ວັນທີ 04 ທັນວາ 2024
ໜ່ວຍພັກກອງວັດແທກ 32 ໄດ້ຮັບນາມມະຍົດໜ່ວຍພັກປອດໃສ ເຂັ້ມແຂງ ໜັກແໜ້ນ
ເວລາອອກຂ່າວ: 2019-08-26 09:26:12 | ຜູ້ຂຽນ : admin3 | ຈຳນວນຄົນເຂົ້າຊົມ: 330 | ຄວາມນິຍົມ: 
ໃນວັນທີ 21 ສິງຫາ 2019
ນີ້, ໜ່ວຍພັກກອງວັດແທກ 32
ໄດ້ຈັດພິທີມອບ-ຮັບນາມມະຍົດ ໜ່ວຍພັກ ປອດໃສ ເຂັ້ມແຂງ ໜັກ
ແໜ້ນ ສະໄໝທີ 11 ປະຈຳປີ 2018
ຂຶ້ນທີ່ກອງວັດແທກ 32 ໂດຍ
ການເປັນປະທານຂອງສະຫາຍ
ພົນຈັດຕະວາ ບົວວັນ ບຸດທະຈັນ
ໂທ ຄະນະພັກອົງການກົມໃຫຍ່
ເສນາທິການກອງທັບ, ຫົວໜ້າ
ກົມລົດຕັງຍານເກາະ, ມີຄະນະ ພັກ-ຄະນະບັນຊາ ພ້ອມດ້ວຍນາຍ
ແລະ ພົນທະຫານພາຍໃນກົມ
ກອງເຂົ້າຮ່ວມ.
ສະຫາຍ ພັນໂທ ບຸນທ່ຽງ ແກ້ວມະນີ ເລຂາ ຄະນະໜ່ວຍພັກ, ຫົວໜ້າການເມືອງ ກອງວັດແທກ 32 ໄດ້ຂຶ້ນຜ່ານບົດລາຍງານ ການເຄື່ອນໄຫວວຽກງານການ
ນຳພາຮອບດ້ານໃນການສ້າງ ໜ່ວຍພັກໃຫ້ ປອດໃສ ເຂັ້ມແຂງ
ໜັກແໜ້ນ ປະຈຳປີ 2018 - 2019
ເຊິ່ງໄດ້ຍົກໃຫ້ເຫັນຫຼາຍບັນຫາ
ທີ່ພົ້ນເດັ່ນທີ່ກົມກອງຍາດມາໄດ້
ໂດຍສະເພາະວຽກງານສຶກສາ
ອົບຮົມການເມືອງນຳພາແນວຄິດ ຂອງພະນັກງານ-ສະມາຊິກພັກ
ແລະ ນັກຮົບພາຍໃນກົມກອງ ໄປຄຽງຄູ່ກັບວຽກງານອົບຮົມ
ວິຊາສະເພາະໃຫ້ມີຄວາມຊຳນິ
ຊຳນານໃນການປະຕິບັດໜ້າທີ່ວິ
ຊາສະເພາະວັດແທກ, ສັງເກດ,
ຄິດໄລ່, ນອກຈາກນີ້ກົມກອງດັ່ງ ກ່າວຍັງໄດ້ເອົາໃຈໃສ່ປະຕິບັດ
ວຽກງານແກ້ໄຂຊີວິດການເປັນຢູ່ໄດ້ດີໃນຫຼາຍດ້ານໃນປີ 2018
ທີ່ຜ່ານມາ, ໃນນີ້ໄດ້ ເຮັດນາ 1
ເຮັກຕາ ໄດ້ເຂົ້າ 1.400 ກິໂລ,
ລ້ຽງ ແລະ ຂາຍສັດປີກໄດ້
22.000 ກິໂລ ເທົ່າກັບ 66.000.000 ກີບ, ມີງົວລວມ 36 ໂຕ ຂາຍ 5 ໂຕ ເທົ່າກັບ 15.600.000 ກີບ, ລ້ຽງປາ ຂາຍ 450 ກິໂລ ເທົ່າກັບ 6 .750 .000 ກີບ, ຂາຍຜັກທຸກຊະນິດ19.480 ກິໂລ ເທົ່າກັບ 97.400.000 ກີບ, ລ້ຽງໝູຂາຍ 20 ໂຕ ເທົ່າ
ກັບ 16.706.000 ກີບ, ຕ່ຳຫູກ ທໍ່ໄໝໄດ້ 99 ຊຸດ ເທົ່າກັບ 10.100.000 ກີບ, ຂາຍກົບ 109 ກິໂລ ເທົ່າກັບ 2.725.000 ກີບ. ຈາກຜົນງານດັ່ງກ່າວນີ້ສາ ມາດເຮັດໃຫ້ກອງວັດແທກ 32
ຮັກສານາມມະຍົດໜ່ວຍພັກປອດ
ໃສ ເຂັ້ມແຂງ ໜັກແໜ້ນ ໄດ້ 11
ສະໄໝຕິດຕໍ່ກັນ ແລະ ໄດ້ຈັດພິທີ ມອບຢ່າງສົມກຽດ.
ໃນໂອກາດນີ້, ສະຫາຍ ພົນ
ຈັດຕະວາ ບົວວັນ ບຸດທະຈັນໂທ ກໍໄດ້ເນັ້ນໜັກໃຫ້ຄະນະພັກ-ຄະ
ນະບັນຊາ ຕະຫຼອດຮອດພະນັກ ງານ-ນັກຮົບທຸກສະຫາຍຈົ່ງ ພ້ອມກັນເອົາໃຈໃສ່ສືບຕໍ່ຮັກສາ ມູນເຊື້ອ ແລະ ພ້ອມກັນເຮັດສຳ ເລັດໜ້າທີ່ການເມືອງທີ່ການຈັດ
ຕັ້ງຂັ້ນເທິງມອບໝາຍໃຫ້, ເອົາ ໃຈໃສ່ສຶກສາອົບຮົມການເມືອງນຳພາແນວຄິດໃຫ້ພະນັກງານ- ນັກຮົບເພື່ອໃຫ້ເຂົາເຈົ້າຮູ້ຈຳແນກ ໄດ້ມິດ, ສັດຕູຢ່າງຈະແຈ້ງ, ມີ
ຄວາມສາມັກຄີ ແລະ ມີຄວາມ ເປັນເອກະພາບພາຍໃນສູງ, ສືບ
ຕໍ່ຊີ້ນຳ-ນຳພາກົມກອງກ້າວຂຶ້ນ ຢ່າງບໍ່ຢຸດຢັ້ງ.
ໂດຍ: ຮ້ອຍເອກ ພູທອນ ສີພູວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
