ວັນສຸກ, ວັນທີ 06 ທັນວາ 2024
ກອງພົນທີ 4 ເຜີຍແຜ່ກົດໝາຍວ່າດ້ວຍວຽກງານປະກັນສັງຄົມ
ເວລາອອກຂ່າວ: 2019-08-27 08:57:04 | ຜູ້ຂຽນ : admin3 | ຈຳນວນຄົນເຂົ້າຊົມ: 357 | ຄວາມນິຍົມ: 
ກອງພົນທີ 4 ໄດ້ຈັດພິທີ ເຜີຍແຜ່ກົດໝາຍວ່າດ້ວຍວຽກ ງານປະກັນສັງຄົມ (ສະບັບປັບ ປຸງ) ຂຶ້ນໃນວັນທີ 22 ສິງຫາ ນີ້, ໂດຍການເປັນປະທານຂອງ ສະຫາຍ ພັນເອກ ສົມຈິດ ກິດຕິ ຍະລາດ ເລຂາຄະນະພັກ, ຫົວ ໜ້າການເມືອງກອງພົນທີ 4, ມີຄະນະພັກ-ຄະນະບັນຊາອົງ ການ 5 ຫ້ອງ, ພະແນກການ, ກົມກອງຮາກຖານ ພ້ອມດ້ວຍ ພະນັກງານຜູ້ຮັບຜິດຊອບວຽກ ງານປະກັນສັງຄົມເຂົ້າຮ່ວມ.
ສະຫາຍ ພັນໂທ ຄໍາພິທູນ ບຸນມາລາ ຮອງຫົວໜ້າພະແນກປະ ກັນສັງຄົມກອງພົນທີ 4 ຂຶ້ນຜ່ານ
ກົດໝາຍດັ່ງກ່າວ ເຊິ່ງປະກອບມີ 12 ພາກ, 16 ໝວດ ແລະ 123
ມາດຕາ, ພະນັກງານ-ນັກຮົບໄດ້
ຮັບຮູ້ ແລະ ເຂົ້າໃຈຕໍ່ວຽກງານ
ດັ່ງກ່າວເພື່ອນຳໄປປະຕິບັດໃຫ້ ຖືກຕ້ອງ ແລະ ສອດຄ່ອງ, ທ່ວງ ທັນກັບຄວາມຮຽກຮ້ອງຕ້ອງ ການຂອງໜ້າທີ່ວຽກງານການ ເມືອງ ແລະ ແທດເໝາະກັບ ໜ້າທີ່ວິຊາສະເພາະຂອງຕົນໃນ ກົມກອງ ກໍຄືພະນັກງານ-ນັກ
ຮົບໃຫ້ບັນລຸຕາມຄາດໝາຍທີ່ກົດ
ໝາຍປະກັນສັງຄົມກຳນົດ. ໂອ
ກາດດຽວກັນນັ້ນ ກອງປະຊຸມ ຍັງໄດ້ປະກອບຄຳຄິດເຫັນ ແລະ ຄຳສະເໜີຂອງບັນດາກົມກອງ ແລະ ພະນັກງານວິຊາສະເພາະ ທີ່ເຂົ້າຮ່ວມຢ່າງກົງໄປກົງມາ ເພື່ອໃຫ້ແທດເໝາະກັບໜ້າທີ່ ການເມືອງຂອງຕົນອີກດ້ວຍ.
ໂດຍ: ສຸລິວັນ ແສນບຸດຕະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
