ວັນອັງຄານ, ວັນທີ 03 ທັນວາ 2024
ປະກາດແຕ່ງຕັ້ງຮັກສາການຫົວໜ້າການທະຫານ ແລະ ຫົວໜ້າຫ້ອງການເມືອງທະຫານແຂວງສະຫວັນນະເຂດ
ເວລາອອກຂ່າວ: 2019-08-27 09:03:04 | ຜູ້ຂຽນ : admin3 | ຈຳນວນຄົນເຂົ້າຊົມ: 239839092 | ຄວາມນິຍົມ: 
ໃນວັນທີ 23 ສິງຫາ 2019 ນີ້, ກອງບັນຊາການທະຫານ ແຂວງສະຫວັນນະເຂດ ໄດ້ຈັດ ພິທີປະກາດແຕ່ງຕັ້ງຮັກສາການ ຫົວໜ້າການທະຫານ, ຫົວໜ້າ ຫ້ອງການເມືອງ ແລະ ຍົກຍ້າຍ ນາຍທະຫານໄປຮັບໜ້າທີ່ໃໝ່ຢູ່ ແຂວງ ໂດຍການເຂົ້າຮ່ວມຂອງ ສະຫາຍ ທອງທ່ຽງ ສີດາວົງ ກຳ ມະການປະຈຳພັກແຂວງ ຫົວໜ້າ ຄະນະຈັດຕັ້ງແຂວງສະຫວັນນະ ເຂດ, ມີສະຫາຍ ພົນຈັດຕະວາ ຈະເລີນ ວົງວິໄຊ ເລຂາຄະນະ ພັກ ຫົວໜ້າການເມືອງກອງບັນ ຊາການທະຫານແຂວງ, ຄະນະ ພັກ-ຄະນະບັນຊາກອງບັນຊາ ການທະຫານແຂວງເຂົ້າຮ່ວມ.
ໃນພິທີ ສະຫາຍ ພັນໂທ ວັນ ທອງ ບຸດສະດາ ຄະນະພັກ ຫົວ ໜ້າຫ້ອງການກອງບັນຊາການ ທະຫານແຂວງໄດ້ຂຶ້ນຜ່ານຂໍ້ຕົກ ລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຮັກສາການ ຫົວໜ້າການທະຫານ, ຮັກສາການ ຫົວໜ້າຫ້ອງການເມືອງ ແລະ ຂໍ້ ຕົກລົງຂອງກະຊວງປ້ອງກັນປະ ເທດວ່າດ້ວຍການຍົກຍ້າຍນາຍ ທະຫານໄປໃຫ້ຄະນະພັກ-ຄະນະ ປົກຄອງແຂວງສະຫວັນະເຂດ ໂດຍອີງໃສ່ກົດໝາຍນາຍທະຫານ ກອງທັບປະຊາຊົນລາວສະບັບ ປັບປຸງພາກທີ II ໝວດ 4 ມາດ ຕາ 26 ແລະ ເພື່ອປະຕິບັດຕາມ ທິດທາງກ່ຽວກັບການປັບປຸງບູ ລະນະກົງຈັກການຈັດຕັ້ງນໍາພາ- ບັນຊາໃນກຳລັງປະກອບອາວຸດ ໃຫ້ເຂັ້ມແຂງ, ໜັກແໜ້ນຮອບ ດ້ານ, ເພື່ອເຮັດສຳເລັດໜ້າທີ່ປົກ ປັກຮັກສາ ແລະ ພັດທະນາປະ ເທດຊາດ, ໃນນີ້ໄດ້ແຕ່ງຕັ້ງ ສະ ຫາຍ ພັນໂທ ຄຳເພັດ ສຸລິຍະວົງ ຄະນະພັກ ຫົວໜ້າຫ້ອງເສນາທິ ການຂຶ້ນເປັນຮັກສາການຫົວໜ້າ ການທະຫານກອງບັນຊາການ ທະຫານແຂວງສະຫວັນນະເຂດ, ແຕ່ງຕັ້ງ ສະຫາຍ ພັນໂທ ຄຳຜົງ ພັດທະນາ ຄະນະພັກ ຮອງຫົວ ໜ້າຫ້ອງການເມືອງຂຶ້ນເປັນຮັກ ສາການຫົວໜ້າຫ້ອງການເມືອງ ກອງບັນຊາການທະຫານ ແຂວງ
ສະຫວັນນະເຂດ ແລະ ຍົກຍ້າຍ ສະຫາຍ ພັນໂທ ວິລະວົງ ມະນີ ແສງ ຄະນະພັກ ຫົວໜ້າຫ້ອງ ການເມືອງໄປໃຫ້ຄະນະພັກ- ຄະນະປົກຄອງແຂວງສະຫວັນ ນະເຂດ.
ໂອກາດນີ້, ສະຫາຍ ທອງທ່ຽງ ສີດາວົງ ໄດ້ເນັ້ນໃຫ້ຜູ້ທີ່ໄດ້ຮັບ ໜ້າທີ່ໃໝ່ພ້ອມດ້ວຍຄະນະ, ຈົ່ງ ພ້ອມກັນສືບຕໍ່ເພີ່ມທະວີຄວາມ ຮັບຜິດຊອບໜ້າທີ່ການເມືອງຂອງ ຕົນໃຫ້ສູງ, ໂດຍຖືເອົາການສືກ ສາອົບຮົມການເມືອງ-ແນວຄິດ ສອດຫ້ອຍເຂົ້າໃນທຸກຂົງເຂດ ວຽກງານຂອງກົມກອງ, ເຮັດ ວຽກລວມສູນປະຊາທິປະໄຕ, ນຳ ພາເປັນໝູ່ຄະນະບຸກຄົນຮັບຜິດ ຊອບຢ່າງຈະແຈ້ງ, ຕັ້ງໜ້າປັບປຸງ ກໍ່ສ້າງກົມກອງໃຫ້ມີຄວາມໜັກ ແໜ້ນເຂັ້ມແຂງໃນທຸກດ້ານ, ພ້ອມກັນນຳພາກົມກອງກ້າວຂຶ້ນ ໃນການສ້າງກອງທັບໃຫ້ມີລະ ບຽບແບບແຜນ ແລະ ທັນສະໄໝ.
ໂດຍ: ພານິດ ພິລາວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
