POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 08 ກຸມພາ 2026

ກອງບັນຊາການທະຫານຊາຍແດນ ເປີດເຝິກອົບຮົມນັກເດີນສຳຫຼວດພົນລະເມືອງ ແລະ ທີ່ຢູ່ອາໄສ ຄັ້ງທີ V
ເວລາອອກຂ່າວ: 2025-11-07 09:35:21 | ຜູ້ຂຽນ : admin2 | ຈຳນວນຄົນເຂົ້າຊົມ: 1776 | ຄວາມນິຍົມ:

ວັນທີ 03 ພະຈິກ 2025 ນີ້, ກອງບັນຊາການທະຫານຊາຍແດນ ໄດ້ເປີດເຝິກອົບຮົມນັກເດີນສຳຫຼວດພົນລະເມືອງ ແລະ ທີ່ຢູ່ອາໃສ ຄັ້ງທີ V, ໂດຍການເປັນປະທານຂອງ ສະຫາຍ ພັນເອກ ອຳພັນ ໄຊຍາສຸບັດ ຮອງຜູ້ບັນຊາການທະຫານຊາຍແດນ, ມີຄະນະພັກ - ຄະນະບັນຊາ 6 ຫ້ອງ, ພະນັກງານຫຼັກແຫຼ່ງ ແລະ ນັກເຝິກອົບຮົມເຂົ້າຮ່ວມ. ສະຫາຍ ພັນໂທ ສົມສະໝຸດ ສົມບູນ ຫົວໜ້າພະແນກກຳລັງພົນ ກອງບັນຊາການທະຫານຊາຍແດນ ໄດ້ຜ່ານແຜນການສຳຫຼວດພົນລະເມືອງ ແລະ ທີ່ຢູ່ອາໃສທົ່ວປະເທດ ຄັ້ງທີ V ປີ 2025 ຂອງກອງບັນຊາການທະຫານຊາຍແດນ, ອີງຕາມຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການສຳຫຼວດພົນລະເມືອງ ແລະ ທີ່ຢູ່ອາໄສທົ່ວກອງທັບ ຄັ້ງ V ປີ 2025, ອີງຕາມແຈ້ງການຂອງຫ້ອງການສຳຫຼວດພົນລະເມືອງ ແລະ ທີ່ຢູ່ອາໄສ ຂັ້ນສູນກາງ, ອີງຕາມທິດຊີ້ນຳຂອງ ຄະນະພັກ-ຄະນະບັນຊາ ກອງບັນຊາການທະຫານຊາຍແດນ ວ່າດ້ວຍການຈັດຕັ້ງປະຕິບັດຕາມການແຈ້ງການຂອງກົມກຳລັງພົນ ກົມໃຫຍ່ເສນທິການກອງທັບ. ໂອກາດນີ້ ສະຫາຍ ພັນເອກ ອຳພັນ ໄຊຍາສຸບັດ ໄດ້ໃຫ້ຮູ້ວ່າ: ການເດີນສຳຫຼວດພົນລະເມືອງ ແລະ ທີ່ຢູ່ອາໃສ ແມ່ນບັ້ນສຳຫຼວດໃຫຍ່ທີ່ມີຄວາມໝາຍສຳຄັນທີ່ສຸດ ໃນການເກັບກຳ ແລະ ຈົດນັບພົນລະເມືອງ ເພື່ອຕິດຕາມສະພາບການຂະຫຍາຍຕົວຂອງພົນລະເມືອງ ແລະ ປັດໄຈທີ່ກະທົບຕໍ່ການຂະຫຍາຍຕົວຂອງພົນລະເມືອງໃນທຸກໆ 10 ປີ ເປົ້າໝາຍສຳຫຼວດແມ່ນປະຊາຊົນລາວບັນດາເຜົ່າ, ພໍ່ຄ້າ ຊາວຂາຍ, ນັກທຸລະກິດ, ພະນັກງານ, ທະຫານ - ຕຳຫຼວດ ທີ່ຢູ່ໃນການຄຸ້ມຄອງທີ່ກ່ຽວຂ້ອງ, ບຸກຄົນທີ່ເປັນຊາວຕ່າງດ້າວ, ຄົນຕ່າງປະເທດທີ່ອາໄສຢູ່ໃນ ສປປ ລາວ ແລະ ຄົນລາວທີ່ໄປເຮັດວຽກຢູ່ຕ່າງປະເທດ, ເປົ້າໝາຍໃນສຳຫຼວດໃນຄັ້ງນີ້ເວົ້າລວມ ເວົ້າສະເພາະ ສຳລັບກອງທັບປະປາຊົນລາວເຮົາແມ່ນເປັນບ່ອນອີງໃນການກະກຽມແຜນຍຸດທະສາດ ປັບປຸງກໍ່ສ້າງກຳລັງການຈັດຕັ້ງ ແລະ ປະກອບຈຳນວນພົນ ເພື່ອໃຫ້ສອດຄ່ອງກັບນະໂຍບາຍຂອງພັກ ແລະ ລັດຖະະບານແຫ່ງ ສປປ ລາວ. ນອກນັ້ນຍັງໄດ້ເນັ້ນໜັກໃຫ້ຄະນະຊີ້ນຳ, ຄະນະຮັບຜິດຊອບ ແລະ ນັກເຝິກອົບຮົມທຸກພາກສ່ວນ ຍົກສູງຄວາມຮັບຜິດຊອບຕໍ່ໜ້າທີ່ພາລະບົດບາດຂອງຕົນເອງ ເພື່ອເຮັດໃຫ້ການສຳຫຼວດພົນລະເມືອງ ແລະ ທີ່ຢູ່ອາໃສ ຄັ້ງທີ V ປີ 2025 ມີຜົນສຳເລັດຕາມລະດັບຄາດໝາຍ. ໂດຍ: ວົງພັນ ນໍລິນທາ

news to day and hot news