ວັນພຸດ, ວັນທີ 21 ມັງກອນ 2026
ວຕກ ມອບເງິນອຸດໜູນເທື່ອດຽວໃຫ້ນາຍທະຫານ
ເວລາອອກຂ່າວ: 2025-12-17 08:59:36 | ຜູ້ຂຽນ : admin1 | ຈຳນວນຄົນເຂົ້າຊົມ: 146 | ຄວາມນິຍົມ: 
ໃນວັນທີ 11 ທັນວາ 2025 ນີ້, ວິທະຍາຄານເຕັກນິກການທະຫານໄດ້ຈັດພິທີມອບເງິນອູດໜູນເທື່ອດຽວໃຫ້ນາຍທະຫານ ໂດຍພາຍໃຕ້ການເປັນປະທານຂອງ ສະຫາຍ ພັນເອກ ຄຳເຜີຍ ທຳມະນີວົງ ຄະນະພັກ ວິທະຍາຄານຫົວໜ້າຫ້ອງການເມືອງ, ມີບັນດາຕາງໜ້າຫົວໜ່ວຍກົມກອງ, ພະແນກການ ແລະ ພະນັກງານທີ່ກ່ຽວຂ້ອງເຂົ້າຮ່ວມ.
ສະຫາຍ ພັນຕີ ວັນນາ ຫຼ້າຈັນທອນ ຫົວໜ້າພະແນກພະນັກງານ ວິທະ ຍາຄານເຕັກນິກການທະຫານ ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ແລະ ຂໍ້ຕົກລົງຂອງກົມໃຫຍ່ເສນາທິການກອງທັບວ່າດ້ວຍການອະນຸມັດໃຫ້ນາຍທະຫານ ແລະ ພົນທະຫານ ອອກການຮັບເງິນອຸດໜູນເທື່ອດຽວ ໃນນີ້ໄດ້ອະນຸມັດໃຫ້ສະຫາຍ ພັນຕີ ສົມພອນ ບົວດາວົງ ຄູສອນລົດຕັງ-ຍານເກາະ ຄະນະວິຊາຄູລົດໂອໂຕການທະຫານ ແລະ ສະຫາຍ ສິບໂທ ວັນຄຳ ທຳມະວົງສາ ນັກສຶກສາຊັ້ນກາງຍຸດໂທ ກອງພັນນັກສຶກສາທີ II ຕາມຂໍ້ຕົກລົງ. ຈາກນັ້ນ ສະຫາຍ ພັນໂທ ກອງມະນີ ບົວລະວົງສາ ຫົວໜ້າພະແນກ ປະກັນສັງຄົມ ໄດ້ຜ່ານບົດບັນທຶກ ມອບເງິນໃຫ້ແກ່ ພະນັກງານທີ່ໄດ້ຮັບເງິນອຸດໜູນໃນຄັ້ງນີ້ ໂດຍອີງຕາມແນວທາງນະໂຍບາຍຂອງພັກ-ລັດທີ່ມີຕໍ່ນາຍ ແລະ ພົນທະຫານ, ອີງຕາມຂໍ້ຕົກລົງຂອງກະຊວງປ້ອງກັນປະເທດວ່າດ້ວຍປະກັນສັງຄົມສະບັບເລກທີ675/ກປທ; ອີງຕາມທິດຊີ້ນຳຄຳສັ່ງຂອງຄະນະພັກ-ຄະນະອຳນວຍການ ວິທະຍາຄານເຕັກນິກການທະຫານ ໃນການເບີກຈ່າຍຮ່ວງເງິນອຸດໜູນອອກທະ
ຫານເທື່ອດຽວໃຫ້ພະນັກງານທັງ ສອງສະຫາຍຈຳນວນ 113,964,000 ກີບ.
ໂອກາດດັ່ງກ່າວ ສະຫາຍ ພັນເອກ ຄຳເຜີຍ ທຳມະນີວົງ ກໍໄດ້ສະແດງຄວາມຂອບໃຈ, ຮູ້ບຸນຄຸນຕໍ່ຜົນງານ ໃນການປະກອບສ່ວນອັນສຳຄັນ ຂອງພະນັກງານທັງສອງສະຫາຍໃນໄລຍະຜ່ານມາ ພ້ອມທັງຮຽກຮ້ອງໃຫ້ສືບຕໍ່ເຄື່ອນໄຫວເຂົ້າໃນວຽກງານ ປກສ-ປກຊ ຂອງອຳນາດການປົກຄອງທຸກຂັ້ນທີ່ຕົນສັງກັດຢູ່ ແລະ ຈົ່ງພ້ອມກັນນຳໃຊ້ຮ່ວງເງິນດັ່ງກ່າວນີ້ເຂົ້າໃນການພັດທະນາຊີວິດການເປັນຢູ່ໃນຄອບຄົວໃຫ້ດີຂຶ້ນ.
ໂດຍ: ເພັດນາລີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
