ວັນພຸດ, ວັນທີ 21 ມັງກອນ 2026
ຫ້ອງການເມືອງກອງບັນຊາການທະຫານແຂວງເຊກອງ ປິດອົບຮົມ-ຫັດແອບການເມືອງ, ການທະຫານ, ພະລາທິການ-ເຕັກນິກ ປະຈຳປີ 2025
ເວລາອອກຂ່າວ: 2025-12-17 09:05:09 | ຜູ້ຂຽນ : admin1 | ຈຳນວນຄົນເຂົ້າຊົມ: 162 | ຄວາມນິຍົມ: 
ໃນວັນທີ 12 ທັນວາ 2025 ຜ່ານມານີ້, ຫ້ອງການເມືອງກອງບັນຊາການທະຫານແຂວງເຊກອງ ໄດ້ຈັດພິທີປິດອົບຮົມ-ຫັດແອບການເມືອງ, ການທະຫານ, ພະລາທິການ-ເຕັກນິກ ປະຈຳປີ 2025, ໂດຍການເປັນປະທານຂອງ ສະຫາຍ ພັນເອກ ສີດາວົງ ດວງປານີ ຫົວໜ້າຫ້ອງການເມືອງ ກອງບັນຊາການທະຫານແຂວງເຊກອງ, ມີຄະນະພັກ-ຄະນະບັນຊາ, ແຂກຖືກເຊີນ ແລະ ພະນັກ
ງານ-ນັກຮົບເຂົ້າຮ່ວມ.
ສະຫາຍ ພັນໂທ ວັນພຽນ ໂດວັນຮຽນ ຮອງຫົວໜ້າຫ້ອງການເມືອງ ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງເຊກອງ ວ່າດ້ວຍອະນຸມັດ ປິດອົບ
ຮົມ-ຫັດແອບການເມືອງ, ການທະຫານ, ພະລາທິການ-ເຕັກນິກ ປະຈຳປີ 2025, ຈາກນັ້ນ ສະຫາຍ ພັນໂທ ສັງວານ ແສງສັກສິດ ຮອງຫົວໜ້າຫ້ອງການເມືອງ ໄດ້ຂຶ້ນຜ່ານບົດລາຍງານສະຫຼຸບສັງລວມຜ່ານການຈັດຕັ້ງອົບຮົມຫັດແອບໃນໄລຍະທີ່ຜ່ານມາເຫັນວ່າມີຜົນສຳເລັດໄປດ້ວຍດີ, ການຫັດແອບໃນຄັ້ງນີ້ ກໍເພື່ອຍົກສູງ
ລະດັບຄວາມຮູ້, ຄວາມສາມາດ ໃຫ້ແກ່ພະນັກງານ-ນັກຮົບ ໃນກົມກອງໃຫ້ມີຄວາມຊຳນິ ຊຳນານໃນການນຳໃຊ້ອາວຸດຍຸດໂທປະກອນ ແລະ ກຳໄດ້ເນື້ອໃນທິດສະດີ-ຫຼັກການ, ບັນດາທ່າຈັງຫວະ, ບາດກ້າວການເຄື່ອນໄຫວໃຫ້ມີ
ຄວາມຄ່ອງແຄ້ວ ໃນການເຄື່ອນໄຫວປະຕິບັດຕົວຈິງ. ການອົບຮົມ-ຫັດແອບຄັ້ງນີ້ມີຈຳນວນພົນຫັດແອບທັງໝົດ 80 ສະຫາຍ ມີ 5 ໜ່ວຍພັກ, ຕີລາຄາຜົນໄດ້ຮັບທາງດ້ານທິດສະດີການເມືອງ ບັນລຸໄດ້ 85%, ພາກການທະຫານໄດ້ 75% , ຄຸນຄາສະມັດຕະພາບຂອງປືນ 70%, ຍິງລູກປືນແທ້ຢູ່ສະໜາມ 75%, ພາກພະລາທິການ-ເຕັນນິກໄດ້ 70% ສາມາດບັນລຸໄດ້ຕາມຄາດໝາຍທີ່ວາງໄວ້.
ໂອກາດດຽວກັນນີ້ ຍັງໄດ້ສະຫຼຸບແຜນການງົບປະມານການການໃຊ້ຈ່າຍໃນໄລຍະເວລາອົບຮົບ-ຫັດແອບຕະລອດໄລຍະທີ່ຜ່ານມາ ພ້ອມທັງປະກາດມອບ-ຮັບໃບຍ້ອງຍໍໃຫ້ນັກຝຶກອົບຮົມຜູ້ທີ່ດີເດັ່ນໃນການປະຕິບັດຍິງລູກປືນແທ້ຢູ່ສະໜາມປະເພດລວມໝູ່ ແລະ ບຸກຄົນ, ໃນນີ້ປະເພດ I ປືນ 59 ຂັ້ນພະແນກ ມີ 3 ສະຫາຍ, ປະເພດ II ມີ 2 ສະຫາຍ, ປະເພດ I ປືນ AK ມີ 10 ສະຫາຍ, ປະເພດ II ມີ 10 ສະຫາຍ, ປະເພດ I ລວມໝູ່ ມີ ໜ່ວຍພັກທີ 3 ແລະ ທີ 5 , ປະເພດ II ມີ ໜ່ວຍພັກ 1,2 ແລະ ທີ 4 ເຊິ່ງການອົບຮົມຄັ້ງນີ້ ສຳເລັດດ້ວຍດີ ແລະ ມີຄວາມປອດໄຟ 100%.
ໂດຍ: ກອງຄຳ ຈິ່ງດ້າຍອດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
