ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ສະພາບນ້ຳຢູ່ເທສະບານເມືອງຈຳພອນ ຍັງສືບຕໍ່ຍຶ່ງຂຶ້ນ
ເວລາອອກຂ່າວ: 2019-09-10 08:50:38 | ຜູ້ຂຽນ : admin3 | ຈຳນວນຄົນເຂົ້າຊົມ: 58 | ຄວາມນິຍົມ:



ຂປລ. ສະພາບນໍ້າຖ້ວມ ຢູ່ ເຂດເທສະບານ ເມືອງຈຳພອນ ແຂວງສະຫວັນນະເຂດ ມາຮອດ ຕອນເຊົ້າວັນທີ 9 ກັນ 2019 ນໍ້າ ຍັງສືບຕໍ່ຍຶ່ງຂຶ້ນ, ປະຊາຊົນສືບຕໍ່ ຍົກຍ້າຍອອກຈາກເຮືອນ ຂອງ ເຂົາເຈົ້າທີ່ຖືກນໍ້າຖ້ວມຂຶ້ນໄປຢູ່ ບ່ອນສູງ, ທັງບ່ອນທີ່ທາງອໍານາດ ການປົກຄອງຈັດໃຫ້ ແລະ ໄປອາ ໄສນໍາເຮືອນພີ່ນ້ອງຢູ່ເຂດໃກ້ ຄຽງທີ່ປອດໄພ. ຄອບຄົວທ່ານ ສີຫວ່າງ ລາ ຊະປາສິດ ອາຍຸ 54 ປີ ແລະ ຄອບ ຄົວທ່ານນາງ ນາງ ອາຍຸ 46 ປີ ຊາວບ້ານແກ້ງກອກດົງ ທີ່ພວມ ຂົນເຄື່ອງຂອງ ຈະໄປຢູ່ເຮືອນພີ່ ນ້ອງເປັນການຊົ່ວຄາວ ໃຫ້ຮູ້ວ່າ: ເຮືອນຂອງເຂົາເຈົ້າ ຖືກນໍ້າຖ້ວມ ເກືອບຫຼັງຄາ(ເຮືອນຮ້ານຍົກພື້ນ ສູງ), ຍັງປະມານ 1 ສອກ(50 ຊັງຕີແມັດ). ນໍ້າຖ້ວມຄັ້ງນີ້ ໄດ້ ພາກັນຂົນເຄື່ອງຂຶ້ນໄວ້ບ່ອນສູງ ຄັງລ້ຽງງົວຍ້າຍສາມເທື່ອ, ສຸດ ທ້າຍກໍຕ້ອງຍ້າຍອີກເພື່ອຈະໄປ ຢູ່ນໍາພີ່ນ້ອງທີ່ບ້ານແກ້ງກອກທົ່ງ ທີ່ເປັນເຂດສູງນໍ້າບໍ່ຖ້ວມ. ສອງ ຄົນຍັງໃຫ້ຮູ້ວ່າບໍ່ເຄີຍປະສົບນໍ້າ ຖ້ວມຄືແນວນີ້ມາຈັກເທື່ອ, ໃນ ສາມມື້ກ່ອນນີ້ນໍ້າຍຶ່ງຂຶ້ນໄວ, ແຕ່ກໍ ໄດ້ລະວັງຟັງການແຈ້ງເຕືອນ ຂອງອຳນາດການປົກຄອງ. ເມືອງຈຳພອນ ຖືກນໍ້າຖ້ວມ ຈາກແມ່ນໍ້າເຊຈຳພອນ ນອງຂຶ້ນ ແຮງໃນຮອບຫຼາຍສິບປີ, ມີບ້ານ 17 ບ້ານ, ຖືກກະທົບ, ມີ 12 ບ້ານ ເສັ້ນທາງ ເຂົ້າບ້ານທຽວບໍ່ໄດ້, ຖ້ວມທົ່ງນາຢູ່ເກືອບ 50 ບ້ານ. ເນື້ອທີ່ນາເສຍຫາຍຍັງປະເມີນ ມູນຄ່າບໍ່ໄດ້. ສະ ພາບນໍ້າຖ້ວມເຂດ ເມືອງຈໍາພອນ ແມ່ນຍ້ອນໄດ້ຮັບ ຜົນສະທ້ອນຈາກພາຍຸໝູນເຂດ ຮ້ອນພັດເຂົ້າພາກກາງ ແລະ ພາກ ໃຕ້ ໃນໄລຍະຕົ້ນເດືອນ ກັນຍາ ເຊິ່ງພາໃຫ້ມີຝົນຕົກໜັກຫຼາຍວັນ, ນໍ້າເຊຫຼາຍ ສາຍນອງລົ້ນຕາ ຝັ່ງຈາກທາງເໜືອມາສົມທົບໃສ່ ເຊຈຳພອນ. ຂ່າວ-ພາບ:ຄຳເຜີຍ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ