POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 14 ກຸມພາ 2026

ໄຊຍະບູລີ ຈະສຸມໃສ່ບາງວຽກຈຸດສຸມ ເພື່ອສືບຕໍ່ຮັກສາຄວາມສະຫງົບຕາມຊາຍແດນໃຫ້ໝັ້ນຄົງ
ເວລາອອກຂ່າວ: 2026-01-15 09:22:12 | ຜູ້ຂຽນ : admin3 | ຈຳນວນຄົນເຂົ້າຊົມ: 197 | ຄວາມນິຍົມ:

ແຂວງໄຊຍະບູລີ ເປັນແຂວງໜຶ່ງທີ່ມີຊາຍແດນຕິດຈອດກັບ 6 ແຂວງ ຂອງຣາຊະອານາ ຈັກໄທ, ມີຄວາມຍາວ 647 ກິໂລແມັດ(ທາງບົກ 518 ກິໂລແມັດ, ທາງນ້ຳ 129 ກິໂລແມັດ), ມີບ້ານທີ່ຕິດກັບຊາຍແດນໄທ 78 ບ້ານ ເພື່ອສືບຕໍ່ຮັກສາຄວາມສະຫງົບຕາມຊາຍແດນໃຫ້ໝັ້ນຄົງ, ແຂວງໄຊຍະບູລີ ຈະສຸມໃສ່ບາງວຽກງານຈຸດສຸມ ໂດຍສະເພາະ ຈະສືບຕໍ່ປົກປັກຮັກສາຫຼັກໝາຍຊາຍແດນ, ພັດທະນາພື້ນຖານໂຄງລ່າງ, ດ່ານ ແລະ ສິ່ງອຳນວຍຄວາມສະດວກອື່ນໆ ແລະ ຈະສືບຕໍ່ແກ້ໄຂປະກົດການຫຍໍ້ທໍ້ຕາມບໍລິເວນຊາຍແດນໃຫ້ມີຄວາມສະຫງົບ ຄວມປອດໄພໂດຍ ພື້ນຖານ. ສະຫາຍ ເພັງນິລັນ ຄຳພັນເພັງ ເລຂາຄະນະບໍລິຫານງານພັກແຂວງໄຊຍະບູລີ ໄດ້ໃຫ້ຮູ້ໃນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ເມື່ອບໍ່ດົນນີ້ວ່າ: ນັບແຕ່ປີ 2026 ເປັນຕົ້ນໄປ ແຂວງໄຊຍະບູລີ ຈະສືບຕໍ່ສຸມໃສ່ບາງວຽກງານຈຸດສຸມ ເພື່ອສືບຕໍ່ຮັກສາຄວາມສະຫງົບຕາມຊາຍແດນໃຫ້ໝັ້ນຄົງ ເປັນຕົ້ນ ຈະສືບຕໍ່ຜັນຂະຫຍາຍແນວທາງ ປກຊ-ປກສ ແລະ ການຕ່າງປະເທດຂອງພັກ ເຂົ້າສູ່ຊີວິດຕົວຈິງ; ສືບຕໍ່ຫັນລົງກໍ່ສ້າງຮາກຖານ ເພື່ອອັດປ່ອງຂ້າມລອຍຂອງກຸ່ມຄົນບໍ່ດີ; ສືບຕໍ່ປະຕິ ບັດກົນໄກປະສານງານ ຂອງຄະນະກຳມະການຮ່ວມ ມືຮັກສາຄວາມສະຫງົບຮຽບຮ້ອຍຕາມຊາຍແດນຂອງສອງຝ່າຍ ແລະ ຈະສົ່ງເສີມການຄ້າ, ການລົງທຶນ, ການແລກປ່ຽນວັດທະນະທຳ ແລະ ຮີດຄອງປະເພນີອັນດີງາມຂອງສອງຊາດ ລາວ-ໄທ. ສະຫາຍ ເພັງນິລັນ ຄຳພັນເພັງ ຍັງໃຫ້ຮູ້ອີກວ່າ: ຕະຫຼອດໄລຍະ 5 ປີຜ່ານມາ, ພາຍໃຕ້ການ ນຳພາ-ຊີ້ນຳຂອງກົມການເມືອງສູນກາງພັກ, ຄະນະເລຂາທິການສູນກາງພັກ ແຂວງໄຊຍະບູລີ ໄດ້ສຸມໃສ່ຜັນຂະຫຍາຍແນວທາງປ້ອງ ກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ທີ່ກຳນົດອອກໃນມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງ; ຄະນະກຳມະການ ປກຊ-ປກສ ແຂວງ ໄດ້ເປັນເຈົ້າ ການສົມທົບກັບກະຊວງທີ່ກ່ຽວຂ້ອງ ຜັນຂະຫຍາຍແນວທາງການຕ່າງປະເທດ ເຂົ້າສູ່ສະພາບຄວາມເປັນຈິງ, ໄດ້ຖືສຳຄັນກົນໄກປະສານງານ ຂອງຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ໄທ ໂດຍຜັດປ່ຽນກັນເປັນເຈົ້າພາບ ເພື່ອສ້າງຄວາມໄວ້ເນື້ອເຊື່ອໃຈ ເຊິ່ງກັນ ແລະ ກັນ. ພ້ອມນັ້ນ, ຍັງໄດ້ຊຸກຍູ້ກົນໄກປະສານງານ ລະຫວ່າງເມືອງກັບເມືອງ ຢ່າງນ້ອຍປີລະຄັ້ງ ເພື່ອທົບທວນການຈັດຕັ້ງປະຕິບັດບົດບັນ ທຶກຮ່ວມກັນຢ່າງເປັນປົກກະ ຕິ; ເອົາໃຈໃສ່ປົກປັກຮັກສາຫຼັກໝາຍຊາຍແດນ, ຕ້ານ ແລະ ສະກັດກັ້ນການຄ້າຂາຍຢາເສບຕິດ, ການຄ້າມະນຸດ ແລະ ການຄຸ້ມຄອງແຮງງານ, ທັງສອງຝ່າຍໄດ້ຮ່ວມກັນແກ້ໄຂບັນຫາຕ່າງໆ ໂດຍປະສານສົມທົບກັບກຳລັງ ທະຫານຊາຍແດນລົງຕິດຕາມ, ກວດກາການທຳການຜະລິດຂອງປະຊາຊົນທັງສອງຝ່າຍຢູ່ລຽບຕາມຊາຍແດນ, ພ້ອມກັນປົກປັກຮັກສາ ແລະ ອະນາໄມຫຼັກໝາຍຊາຍແດນ, ອຳນວຍຄວາມສະດວກໃນການບໍລິການເຂົ້າ-ອອກດ່ານ ເຮັດໃຫ້ການພົວພັນການແລກປ່ຽນສິນຄ້າ ແລະ ການພົວພັນປະສານງານດ້ານຕ່າງໆມີບັນຍາກາດດີຂຶ້ນ. ພ້ອມນີ້, ຍັງໄດ້ສ້າງຄວາມເຂັ້ມແຂງໃຫ້ກຳລັງທະຫານຊາຍແດນ ແລະ ກອງຫຼອນບ້ານ ໃນການລາດຕະເວນກວດກາ, ໄດ້ຈັດວາງປ້ອມຈັ້ງທ່າ ແລະ ສ້າງແຜນການປ້ອງກັນບໍລິເວນແຂວງ-ເມືອງ, ສ້າງບ້ານປ້ອມໝັ້ນສູ້ຮົບເອກະ ລາດໄດ້ 97 ບ້ານ, ສ້າງກຸ່ມບ້ານສູ້ຮົບຕິດລຽນໄດ້ 73 ກຸ່ມ. ມາເຖິງປັດຈຸບັນ, ສາມາດສ້າງບ້ານປ້ອງກັນຊາດເຂັ້ມແຂງໄດ້ 427 ບ້ານ (ເພີ່ມຂຶ້ນ 19 ບ້ານ), ສ້າງບ້ານປ້ອງກັນຄວາມສະຫງົບດີ ໄດ້ 425 ບ້ານ (ເພີ່ມຂຶ້ນ 6 ບ້ານ). ຜົນງານພົ້ນເດັ່ນ ແມ່ນການພັດທະນາພື້ນ ຖານໂຄງລ່າງ ເຊັ່ນ: ເສັ້ນທາງອອກສູ່ຊາຍແດນ, ກໍ່ສ້າງຕ້ານເຈື່ອນ ແລະ ຍົກລະດັບດ່ານສາກົນ ເຮັດໃຫ້ການຄ້າ-ການບໍລິການ ຂະຫຍາຍຕົວດີຂຶ້ນ.

news to day and hot news