POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 14 ກຸມພາ 2026

ພັດທະນາເສດຖະກິດດ້ານວັດທະນະທຳ ນຳໃຊ້ມໍລະດົກເປັນກຳລັງແຮງຂັບເຄື່ອນ
ເວລາອອກຂ່າວ: 2026-01-16 09:04:16 | ຜູ້ຂຽນ : admin1 | ຈຳນວນຄົນເຂົ້າຊົມ: 192 | ຄວາມນິຍົມ:

ໃນ 5 ປີຕໍ່ໜ້າ ກະຊວງວັດທະນະທຳ ແລະ ການທ່ອງທ່ຽວ (ວທ) ຈະສຸມໃສ່ການພັດ ທະນາເສດຖະກິດດ້ານວັດທະນະທຳ ໂດຍນຳໃຊ້ມໍລະດົກເປັນແຫຼ່ງກຳລັງແຮງ ໃຫ້ແກ່ການພັດທະ ນາ, ສ້າງຄຸນຄ່າດ້ານເສດຖະກິດ ຕິດພັນກັບການບູລະນະ, ຮັກສາມໍລະດົກໃຫ້ມີຄວາມຍືນຍົງ, ປະ ສານສົມທົບລະຫວ່າງການຄຸ້ມຄອງ ແລະ ເສີມຂະຫຍາຍຄຸນຄ່າຂອງມໍລະດົກໂລກ ແລະ ມໍລະດົກແຫ່ງຊາດ ທີ່ໄດ້ຮັບການຢັ້ງຢືນຢ່າງມີປະສິດທິຜົນ-ນຳເອົາຜົນປະໂຫຍດສູງສຸດ ມາໃຫ້ແກ່ສັງຄົມ. ພ້ອມນີ້, ຍັງຈະສຸມໃສ່ພັດທະນາ, ຍົກລະດັບ ແລະ ຄຸ້ມຄອງນຳໃຊ້ພາສາລາວ ຢ່າງເປັນລະບົບ, ມີຄວາມເອກະພາບ, ຟື້ນຟູ ແລະ ສົ່ງເສີມເອກະລັກດ້ານສິລະປະ-ວັນນະຄະດີ ກໍຄື ຄຸນຄ່າວັດທະນະທຳ ດ້ານຈິດໃຈຂອງຊາດ-ຂອງເຜົ່າ ໃຫ້ແຂງແຮງໄປເລື້ອຍໆ, ສ້າງແບບແຜນດຳລົງຊີວິດ ແລະ ວິຖີຊີວິດແບບໃໝ່ ໄປພ້ອມກັບການແກ້ໄຂ ແລະ ຕີຖອຍສິ່ງຫຼ້າຫຼັງງົມງວາຍ-ແນວຄິດຂີ້ຄ້ານມັກງ່າຍ-ຫຼິ້ນກິນຟຸມເຟືອຍ-ຂາດການປະດິດສ້າງ-ຂາດຈັນຍາບັນ-ຈັນຍາທຳ-ລະເມີດກົດໝາຍ ແລະ ລະບຽບການ. ໃນໂອກາດເຂົ້າຮ່ວມກອງປະຊຸມລັດຖະບານເປີດກວ້າງ ຄັ້ງທີ II ປະຈຳປີ 2025, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ ໄດ້ໃຫ້ສຳພາດຕໍ່ສື່ມວນຊົນໃນວັນທີ 13 ມັງກອນ 2026 ນີ້ວ່າ: ໃນ 5 ປີຕໍ່ໜ້າ ເປັນໄລຍະແຫ່ງການຈັດຕັ້ງຜັນຂະ ຫຍາຍມະຕິກອງ ປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ, ແຜນພັດທະນາເສດຖະກິດ-ສັງ ຄົມແຫ່ງຊາດເທື່ອທີ 10, ແມ່ນໄລຍະເວລາທີ່ສະພາບແວດລ້ອມພາຍນອກ ແລະ ພາຍໃນ ມີທັງກາລະໂອກາດ ແລະ ສິ່ງທ້າທາຍຫຼາຍຢ່າງ ທີ່ຂະແໜງການວັດທະນະທຳ ແລະ ການທ່ອງທ່ຽວ ໄດ້ມີຄວາມກຽມພ້ອມຢ່າງຮອບດ້ານ ໃນການຈັດຕັ້ງຜັນຂະຫຍາຍແນວທາງຂອງພັກ, ແຜນນະໂຍບາຍຂອງລັດ ໃຫ້ເຂົ້າສູ່ລວງເລິກຂອງວຽກງານ ໂດຍສະເພາະແມ່ນການຜັນຂະຫຍາຍມະຕິ XII ຂອງພັກ ໃນການປະກອບສ່ວນຢ່າງແຂງແຮງ ຍົກລະດັບການພັດທະນາຂົງເຂດວັດທະນະທຳ-ສັງຄົມ ໃນໄລຍະໃໝ່ ເພື່ອກ້າວໄປສູ່ຜົນສຳເລັດອັນໃໝ່ ເປັນຕົ້ນ ການເສີມຂະຫຍາຍຄຸນຄ່າວັດທະນະທຳອັນດີງາມຂອງຊາດ, ສ້າງຄວາມສີວິໄລທາງດ້ານວັດຖຸ ໄປຄຽງຄູ່ກັບຄວາມສີວິໄລທາງດ້ານຈິດໃຈ ແລະ ພັດທະນາແຫຼ່ງທ່ອງທ່ຽວໃຫ້ມີຄວາມຍືນຍົງ ຕາມທັດສະນະຂອງພັກ ໃນການສ້າງຄວາມຈະເລີນທາງດ້ານເສດຖະ ກິດ ຕ້ອງໄປຄຽງຄູ່ກັບການສ້າງຄວາມສີວິໄລດ້ານຈິດໃຈ ແລະ ຕ້ອງສົມທົບລະຫວ່າງສອງດ້ານດັ່ງກ່າວຢ່າງແໜ້ນແຟ້ນ ເພື່ອສ້າງກຳລັງແຮງສັງຮວມ ຮັບປະກັນການພັດທະນາປະເທດຊາດ ຕາມທິດຍືນຍົງ ແລະ ໝັ້ນຄົງ. ນອກຈາກນີ້, ວຽກງານທ່ອງທ່ຽວ ຈະເນັ້ນສຸມໃສ່ຈັດຕັ້ງຜັນຂະຫຍາຍຢ່າງແຂງແຮງ ໃນການສົ່ງເສີມ, ພັດທະນາການທ່ອງທ່ຽວທີ່ຍືນຍົງຕາມທິດອຸດ ສາຫະກຳສີຂຽວ ຕິດພັນກັບທຳມະຊາດ, ວັດ ທະນະທຳຮີດຄອງເພນີອັນດີງາມຂອງຊາດ, ຂອງເຜົ່າ, ປະຫວັດສາດ ແລະ ບັນດາທ່າແຮງບົ່ມຊ້ອນຕ່າງໆທີ່ປະ ເທດມີ; ແກ້ໄຂສາຍພົວພັນໃນວຽກງານທ່ອງທ່ຽວໃຫ້ເປັນລະບົບ, ປະສານສົມທົບ ແລະ ຮັບປະກັນຢ່າງກົມກຽວ ລະຫວ່າງສາຍພົວພັນຂອງລັດ ໃນການບໍລິຫານ, ຄຸ້ມຄອງການທ່ອງທ່ຽວ ແລະ ປະສິດທິຜົນຂອງຕະຫຼາດທ່ອງທ່ຽວ, ການສະໜອງ ແລະ ຄວາມຕ້ອງການຂອງການທ່ອງ ທ່ຽວ, ການອະນຸລັກຮັກສາ ແລະ ພັດທະນາ, ການເຊື່ອມໂຍງ, ເຊື່ອມສານລະຫວ່າງການທ່ອງທ່ຽວພາຍໃນ ແລະ ພາກພື້ນ; ສຸມໃສ່ໂຄສະນາ-ແນະນຳ ແລະ ດຶງດູດການທ່ອງທ່ຽວ ດ້ວຍຫຼາຍຮູບຫຼາຍສີຜ່ານສື່ຕ່າງໆ ຮັບປະກັນສິ່ງອຳນວຍຄວາມສະດວກ, ພື້ນຖານ ໂຄງລ່າງ, ຜະລິດຕະພັນການທ່ອງທ່ຽວ ທີ່ມີຄວາມຫຼາກຫຼາຍ ສົມທົບການມີສ່ວນຮ່ວມຂອງປະຊາຊົນ, ຊຸມຊົນ ແລະ ຄວາມປອດໄພ ໃນການທ່ອງທ່ຽວ. ຂ່າວ: ກິດຕາ ພາບ: ຂັນໄຊ

news to day and hot news