ວັນອາທິດ, ວັນທີ 15 ກຸມພາ 2026
ກອງບັນຊາການທະຫານແຂວງວຽງຈັນ ປິດຂະບວນການແຂ່ງຂັນກິລາ
ເວລາອອກຂ່າວ: 2026-01-19 09:21:43 | ຜູ້ຂຽນ : admin1 | ຈຳນວນຄົນເຂົ້າຊົມ: 170 | ຄວາມນິຍົມ: 
ວັນທີ 15 ມັງກອນ 2026 ນີ້, ກອງບັນຊາການທະຫານແຂວງວຽງຈັນ ໄດ້ປິດຂະບວນການແຂ່ງຂັນກິລາການທະຫານ ແລະ ກິລາມວນຊົນ ໂດຍການເປັນປະທານຂອງສະຫາຍພັນເອກ ສຸດທາ ສີສະຫຼາດ ຫົວ ໜ້າການທະຫານກອງບັນຊາການທະຫານແຂວງວຽງຈັນ, ມີຄະນະພັກ-ຄະນະບັນຊາ, ອົງ ການ 5 ຫ້ອງ, ພະແນກການ, ຄະນະຮັບຜິດຊອບ ຕະຫຼອດຮອດ ນັກກິລາເຂົ້າຮ່ວມ.
ສະຫາຍ ພັນໂທ ຊາລໍ່ ຈົງເຕັ່ງເຈ້ຍຊ້າ ຮອງຫົວໜ້າຫ້ອງເສນາທິການ ໄດ້ຂຶ້ນສະຫຼຸບຜົນສຳ ເລັດຂອງການຈັດຕັ້ງແຂ່ງຂັນໃນຄັ້ງນີ້ ໄດ້ໃຫ້ຮູ້ວ່າ: ຂະບວນການແຂ່ງຂັນກິລາ ການທະຫານ ແລະ ກິລາມວນຊົນ ຊິງຂັນຫົວໜ້າກອງບັນຊາການທະຫານແຂວງ ເພື່ອເປັນການສ້າງຂະບວນການຂ່ຳນັບຮັບຕ້ອນວັນສຳຄັນຕ່າງໆຂອງຊາດ ຂອງພັກ ຂອງກອງທັບ ເວົ້າລວມເວົ້າສະເພາະວັນຊາດທີ 2 ທັນວາ ຄົບຮອບ 50 ປີ, ວັນຄ້າຍວັນເກີດປະທານໄກສອນພົມວິຫານ ຄົບຮອບ 105 ປີ, ວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ໃຫ້ມີບັນຍາກາດຟົດຟື້ນມ່ວນຊື່ນ ແລະ ມີຄວາມໝາຍເລິກເຊິ່ງ ການແຂ່ງຂັນໄດ້ດຳເນີນມາແຕ່ວັນທີ 31 ຕຸລາ 2025 ໄດ້ສຳເລັດລົງຢ່າງຈົບງາມ ສຳລັບກິລາການທະຫານທີ່ນຳມາແຂ່ງຂັນຄັ້ງນີ້ປະກອບມີ: ກິລາແລ່ນມ້າງປະກອບອາວຸດ, ສ່ວນກິລາມວນຊົນປະກອບມີ: ບານເຕະຊາຍ, ບານສົ່ງຍິງ-ຊາຍ, ກະຕໍ້, ເປຕັງ ປະສົມຊາຍ-ຍິງ. ຜ່ານການແຂ່ງຂັນຕົວຈິງປະເພດກິລາການທະ ຫານ ແລ່ນມ້າງປະກອບອາວຸດ ອັນດັບທີ 1 ໄດ້ແກ່: ໂຮງຮຽນການທະຫານທ້ອງຖິ່ນ ໄດ້ຮັບຂັນລາງວັນ 1 ໜ່ວຍ, ອັນດັບ 2 ກອງຮ້ອຍ 239, ອັນດັບ 3 ກອງບັນຊາການທະຫານເມືອງທຸລະ ຄົມ; ກິລາບານເຕະຊາຍ ຊະນະເລີດໄດ້ແກ່ ຫ້ອງການເມືອງ ໄດ້ຮັບຂັນລາງວັນ 1 ໜ່ວຍ, ທີ 2 ຫ້ອງພະລາທິການ, ທີ 3 ໂຮງໝໍ 30 ຕຽງ ໄດ້ຮັບເງິນ, ທີ 4 ຫ້ອງເຕັກນິກ; ກິລາບານສົ່ງຊາຍ ຊະ ນະເລີດໄດ້ແກ່ ຫ້ອງເສນາທິການ ໄດ້ຮັບຂັນລາງວັນ 1 ໜ່ວຍ, ທີ 2 ໄດ້ແກ່ ຫ້ອງການເມືອງ, ທີ 3 ກອງປະຕິບັດງານ 219, ທີ 4 ທະຫານເມືອງແກ້ວອຸດົມ; ບານ ສົ່ງຍິງ ທີ 1 ກອງຮ້ອຍ 239, ທີ 2 ຫ້ອງການເມືອງ, ທີ 3 ໂຮງໝໍ 30 ຕຽງ, ທີ 4 ຫ້ອງເສນາທິການ, ກິລາກະຕໍ້: ທີ 1 ຫ້ອງການເມືອງ, ທີ 2 ທະຫານເມືອງທຸລະຄົມ, ທີ 3 ໂຮງຮຽນທະຫານທ້ອງຖິ່ນ, ທີ 4 ກອງຮ້ອຍ 203; ເປຕັງປະສົມຍິງ-ຊາຍ: ທີ 1 ທະຫານເມືອງໂພນໂຮງ, ທີ 2 ຫ້ອງການບໍລິຫານ, ທີ 3 ຫ້ອງພະລາທິການ, ອັນດັບ 4 ກອງຮ້ອຍ 239. ຈາກນັ້ນ, ສະຫາຍ ພັນເອກ ສຸດທາ ສີສະຫຼາດ ພ້ອມຄະນະໄດ້ພັດປ່ຽນກັນຂຶ້ນມອບຂັນຊະເລີດ ແລະ ລາງວັນໃຫ້ ທິມນັກກິລາແຕ່ລະປະເພດ ຢ່າງສົມກຽດ.
ໂດຍ: ສາຍຄຳ ພອນມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
