POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 08 ກຸມພາ 2026

ບໍລິສັດຮ່ວມທຸລະກິດຕ່ຳແຜ່ນ ແລະ ຍ້ອມສີ ລາວ-ຫວຽດນາມ ເປັນບາດກ້າວແຫ່ງການເຕີບໃຫຍ່ເຂັ້ມແຂງຂອງກຳລັງປະກອບອາວຸດປະຕິວັດ
ເວລາອອກຂ່າວ: 2026-01-19 12:21:09 | ຜູ້ຂຽນ : admin2 | ຈຳນວນຄົນເຂົ້າຊົມ: 107 | ຄວາມນິຍົມ:

ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ (ວັນທີ 20 ມັງກອນ 1949- 20 ມັງກອນ 2026) ທີ່ຈະມາເຖິງນີ້, ສະຫາຍ ພັນໂທ ກອງສີ ສົມພຽນ ຫົວໜ້າອຳນວຍການ ບໍລິສັດ ຮ່ວມທຸລະກິດ ຕ່ຳແຜນ ແລະ ຍ້ອມສີ ລາວ-ຫວຽດນາມ ໄດ້ສະແດງທັດສະນະຕໍ່ວັນດັ່ງກ່າວວ່າ: ຕະຫຼອດໄລຍະ 77 ປີ ແຫ່ງການປະຕິວັດຕໍ່ສູ້ປົດປ່ອຍຊາດ ແລະ ໄລຍະປະຕິບັດພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ເຊິ່ງເປັນເຫດການປະຫວັດສາດໜຶ່ງທີ່ສຳຄັນ, ເປັນບາດກ້າວແຫ່ງການເຕີບໃຫຍ່ ຂະຫຍາຍຕົວຂອງການປະຕິວັດ ແລະ ເປັນບາດກ້າວແຫ່ງການເຕີບໃຫຍ່ເຂັ້ມແຂງຂອງກຳລັງປະກອບອາວຸດປະຕິວັດ. ພາຍຫຼັງໄດ້ຮັບການສ້າງຕັ້ງຂຶ້ນ ກອງທັບເຮົາກໍໄດ້ຜະເຊີນໜ້າກັບສັດຕູໂຕຮ້າຍກາດ ທີ່ມີກຳລັງແຮງເໜືອກວ່າ ນັບທັງດ້ານກຳລັງພົນ, ອາວຸດຍຸດໂທປະກອນທີ່ທັນສະໄໝກວ່າ ເພື່ອປົກປັກຮັກສາປະເທດຊາດ ດ້ວຍນ້ຳໃຈຮັກຊາດເດັດດ່ຽວໜຽວແໜ້ນ, ບໍ່ຍອມຈຳນົນ ກອງທັບໄດ້ຮ່ວມກັບປະຊາຊົນລາວບັນດາເຜົ່າ ສືບຕໍ່ດໍາເນີນການຕໍ່ສູ້ຢ່າງອົງອາດ ກ້າຫານ ຍິ່ງຕີຍິ່ງໄດ້ຮັບໄຊຊະນະ, ຍິ່ງຕີຍິ່ງເຕີບໃຫຍ່ເຂັ້ມແຂງ ຈົນສາມາດປົດປ່ອຍປະເທດຊາດໄດ້ຢ່າງສົມບູນ ແລະ ສະຖາປະນາ ເປັນສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975, ພາຍຫຼັງປະເທດຊາດໄດ້ຮັບການປົດປ່ອຍ ກອງທັບ ກໍໄດ້ປະຕິບັດສອງໜ້າທີ່ຍຸດທະສາດ ປົກປັກຮັກສາ ແລະ ສ້າງສາພັດທະນາປະເທດຊາດ, ສືບຕໍ່ເສີມຂະຫຍາຍ ທາດແທ້ມູນເຊື້ອຂອງກອງທັບ, ປັບປຸງກໍ່ສ້າງກຳລັງ, ອົບຮົບ-ຫັດແອບ, ປັບປຸງລະບຽບແບບແຜນ ເຮັດໃຫ້ກອງທັບນັບມື້ເຕີບໃຫຍ່ເຂັ້ມແຂງ ແລະ ທັນສະໄໝ. ເນື່ອງໃນໂອກາດວັນທີ່ມີຄວາມໝາຍສຳຄັນນີ້, ສະຫາຍ ພັນໂທ ກອງສີ ສົມພຽນ ຕາງໜ້າໃຫ້ຄະນະພັກ-ຄະນະບັນຊາ ບໍລິສັດຮ່ວມທຸລະກິດຕໍ່າແຜ່ນ ແລະ ຍ້ອມສີລາວ-ຫວຽດນາມ ຂໍສະແດງຄວາມຂ່ຳນັບຊົມເຊີຍວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ທີ່ຈະມາເຖິງນີ້, ຂໍພອນໄຊອັນປະເສີດມາຍັງບັນດາ ທ່ານການນໍາພັກ-ລັດ, ການນໍາກະຊວງປ້ອງກັນປະເທດ, ຈົ່ງມີແຕ່ສຸຂະພາບແຂງແຮງ, ມີພາລະນາໄມສົມບູນ, ມີຄວາມສຸກໃນຊີວິດ ແລະ ສໍາເລັດໜ້າທີ່ວຽກງານອັນມີກຽດສະຫງ່າ ສູງສົ່ງ ແລະ ສືບຕໍ່ຊີ້ນໍາ-ນໍາພາທຸກໆເຫຼົ່າຮົບກໍາລັງກອງທັບປະຊາຊົນລາວ ໃຫ້ນັບມື້ເຕີບໃຫຍ່, ໜັກແໜ້ນ, ເຂັ້ມແຂງ ແລະ ກ້າວໜ້າຂຶ້ນໄປຢ່າງບໍ່ຢຸດຢັ້ງ, ອວຍພອນໄຊມາຍັງ ການນໍາກົມໃຫຍ່ພະລາທິການ, ຄະນະນໍາກົມວິຊາສະເພາະ ພ້ອມດ້ວຍພະນັກງານ-ນັກຮົບ ໃນທົ່ວທຸກເຫຼົ່າຮົບພະລາທິການກອງທັບ, ຈົ່ງມີແຕ່ຄວາມສຸກຄວາມຈະເລີນ ແລະ ພ້ອມກັນເຮັດສໍາເລັດໜ້າທີ່ວຽກງານການເມືອງຂອງພັກໃນໄລຍະໃໝ່, ກໍຄືການຈັດຕັ້ງປະຕິບັດໜ້າທີ່ ວຽກງານວິຊາສະເພາະຂອງຕົນທີ່ການຈັດຕັ້ງພັກ-ລັດ ແລະ ກອງທັບ ມອບໝາຍໃຫ້ມີຜົນສໍາເລັດ. ໂດຍ: ຄຳໄຕ ຈັນນະຄອນ

news to day and hot news