ວັນອາທິດ, ວັນທີ 15 ກຸມພາ 2026
ໂຮງຮຽນວັດທະນະທຳຊົນເຜົ່າກອງທັບ ຈັດກິດຈະກຳການແຂ່ງຂັນ ຖາມ-ຕອບ ຄວາມຮູ້ຮອບຕົວ
ເວລາອອກຂ່າວ: 2026-01-21 09:27:38 | ຜູ້ຂຽນ : admin1 | ຈຳນວນຄົນເຂົ້າຊົມ: 96 | ຄວາມນິຍົມ: 
ໃນວັນທີ 14 ມັງກອນ 2026 ນີ້, ພະແນກຊາວໜຸ່ມ-ສະຫະພັນແມ່ຍິງ ໂຮງຮຽນວັດທະນະທຳຊົນເຜົ່າກອງທັບ ໄດ້ຈັດການແຂ່ງ ຂັນ ຖາມ-ຕອບ ຄວາມຮູ້ຮອບຕົວ, ໂດຍການເປັນປະທານ ຂອງສະຫາຍ ພັນເອກ ປອ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ, ມີຄະນະ 4 ຫ້ອງ 2 ກອງພັນ, ອົງການຈັດຕັ້ງ ຊາວໜຸ່ມ-ແມ່ຍິງ ແລະ ນັກຕອບຄຳຖາມ ທົ່ວໂຮງຮຽນ ເຂົ້າຮ່ວມ.
ກິດຈະກຳການແຂ່ງຂັນ ຖາມ-ຕອບ ໃນຄັ້ງນີ້ ກໍ່ເພື່ອເປັນສ້າງຂະບວນການຂ່ຳນັບຮັບຕ້ອນວັນສຳຄັນຕ່າງໆຂອງຊາດ ຂອງພັກ ໂດຍສະເພາະ ວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ທີ່ຈະມາເຖິງນີ້, ທັງເປັນການກະຕຸກຊຸກຍູ້ໃຫ້ ສະມາຊິກຊາວໜຸ່ມ-ແມ່ຍິງ ມີຈິດໃຈຮັກມັກການອ່ານ, ກຳໄດ້ແນວທາງຂອງພັກ, ກົດໝາຍຂອງລັດ, ລະບຽບວິໄນຂອງກອງທັບ ແລະ ບັນດາມູນເຊື້ອ ທາດແທ້ຂອງກອງທັບປະຊາຊົນລາວ ເພື່ອສ້າງໃຫ້ພະນັກງານ-ນັກຮົບກາຍເປັນພະນັກງານ-ນັກຮົບທີ່ມີຄວາມໜັກແໜ້ນທາງດ້ານການເມືອງ, ເຂັ້ມແຂງດ້ານການຈັດຕັ້ງ, ມີຄວາມຮູ້ ຄວາມສາມາດື ໃນການເຮັດໜ້າທີ່ວຽກງານ, ທ່ວງທັນກັບຍຸກສະໄໝ ທີ່ມີວິທະຍາສາດກ້າວໜ້າທັນສະໄໝ ເພື່ອເຮັດສຳເລັດໜ້າທີ່ ທີ່ການຈັດຕັ້ງຂັ້ນເທິງມອບໝາຍໃຫ້, ທັງເປັນການເປີດໂອກາດ ເພື່ອຄົ້ນຫາ ສະມາຊິກ ຊາວໜຸ່ມ-ແມ່ຍິງ, ພະນັກງານ-ນັກຮົບ ຜູ້ທີ່ມີຫົວຄິດ, ມັນສະໜອງວ່ອງໄວ, ມີການຊອກຮູ້ຮ່ຳຮຽນ, ຈື່ຈຳໄດ້ດີ ແລະ ມີພອນສະຫວັນ-ພອນສະແຫວງ, ຊອກຫາບຸກຄົນທີ່ເກັ່ງ ສາມາດມາທົດສອບກັນດ້ວຍຄວາມຮູ້ ຄວາມສາມາດຕົວຈິງໃນເວທີນີ້.
ການແຂ່ງຂັນ ໃນຄັ້ງນີ້, ປະກອບມີ 6 ທີມ ເຂົ້າແຂ່ງຂັນ ເຊິ່ງເປັນຕົວແທນຈາກບັນດາ ສະມາຊິກຊາວໜຸ່ມ-ແມ່ຍິງ 4 ຫ້ອງ 2 ກອງພັນ, ສຳລັບຜົນການ
ແຂ່ງຂັນ ລາງວັນທີ 1 ແມ່ນ ທີມຊາວໜຸ່ມ-ແມ່ຍິງ ຫ້ອງການ ເມືອງ, ລາງວັນທີ 2 ແມ່ນ ທີມຊາວໜຸ່ມ-ແມ່ຍິງ ຫ້ອງສຶກສາ, ລາງວັນທີ 3 ແມ່ນ ທີມຊາວໜຸ່ມ-ແມ່ຍິງ ຫ້ອງການ ແລະບໍລິຫານ, ລາງວັນຊົມເຊີຍ ແມ່ນ ທີມຊາວໜຸ່ມ-ແມ່ຍິງ ຫ້ອງພະລາທິການ-ເຕັກນິກ, ຊາວໜຸ່ມ-ແມ່ຍິງ ກອງພັນທີ 1 ແລະ ກອງພັນທີ 2.
ໂດຍ: ໂອລິນ ມິ່ງມີໄຊ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
