ວັນເສົາ, ວັນທີ 14 ກຸມພາ 2026
ກອງພົນທີ 1 ມອບອຸປະກອນຮັບໃຊ້ຫ້ອງການ ໃຫ້ອາໍນາດການປົກຄອງບ້ານໂພນແກ້ວ
ເວລາອອກຂ່າວ: 2026-01-22 10:01:00 | ຜູ້ຂຽນ : admin1 | ຈຳນວນຄົນເຂົ້າຊົມ: 185 | ຄວາມນິຍົມ: 
ໃນວັນທີ 9 ມັງກອນ 2026 ສະຫາຍ ພັນເອກ ຄຳຊາວ ລິນທະກຸນແກ້ວ ຫົວໜ້າການທະຫານ ກອງພົນທີ 1 ພ້ອມດ້ວຍຄະນະ ໄດ້ມອບອຸປະກອນຮັບໃຊ້
ຫ້ອງການ ໃຫ້ອຳນາດການປົກ ຄອງບ້ານໂພນແກ້ວ, ເມືອງວັງວຽງ, ແຂວງວຽງຈັນ, ໂດຍການຕ້ອນຮັບຂອງ ສະຫາຍ ໂສເຈຍ ທາວ ນາຍບ້ານ ບ້ານໂພນແກ້ວ ພ້ອມດ້ວຍເຖົ້າແກ່ແນວໂຮມ ແລະ ບັນດາໜ່ວຍງານຂອງບ້ານ ເຂົ້າຮ່ວມ.
ເພື່ອເປັນການປະກອບສ່ວນສ້າງຜົນງານ, ສ້າງຂະບວນການໃຫ້ເປັນຂະບວນການຟົດຟື້ນ ແລະ ຕໍ່ເນື່ອງ ເພື່ອຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ, ວັນສ້າງຕັ້ງກອງພົນທີ 1 ຄົບຮອບ 41 ປີ ແລະ ວັນສຳຄັນອື່ນໆ ຂອງຊາດ; ກອງພົນທີ 1 ກໍໄດ້ເລັ່ງໃສ່ປະກອບສ່ວນວຽກງານຕ່າງໆ ຫຼາຍດ້ານຕາມເງື່ອນໄຂຄວາມສາມາດຕົວຈິງຂອງກົມກອງ; ເພື່ອຕອບສະໜອງຕາມຄວາມຮຽກຮ້ອງຕ້ອງການ ແລະ ຄວາມຈຳເປັນຂອງບ້ານຮາກຖານຂອບເຂດກອງພົນທີ 1 ຕັ້ງທັບທີ່ຂາດເຂີນອຸປະກອນຮັບໃຊ້ຫ້ອງການ ທີ່ມີຄວາມຈຳເປັນໃນການນຳໃຊ້ອຸປະກອນເຂົ້າໃນການປະຕິບັດໜ້າທີ່ວຽກງານຂອງບ້ານ ໃຫ້ມີຄວາມສະດວກ ແລະ ເຮັດສຳເລັດໜ້າທີ່ ທີ່ພັກ-ລັດ ກໍຄື ປະຊາຊົນມອບ ໝາຍໃຫ້; ກອງພົນທີ 1 ໄດ້ນຳເອົາໂຕະ ຈຳນວນ 3 ໜ່ວຍ, ຕັ່ງ
ໄມ້ 6 ໜ່ວຍ ແລະ ຕັ່ງຢາງ 20 ໜ່ວຍ ລວມມູນຄ່າ 6.300.000 ກີບ ມາມອບໃຫ້ບ້ານໂພນແກ້ວ ຕາມການສະເໜີຂອງບ້ານ ໂດຍຜ່ານການປະສານງານຂອງຫ້ອງການ ແລະ ບໍລິຫານ ກອງພົນທີ 1.
ສະຫາຍ ໂສເຈຍ ທາວ ຕາງໜ້າໃຫ້ອົງການປົກຄອງບ້ານ ແລະ ປະຊາ ຊົນບ້ານໂພນແກ້ວ ສະແດງຄວາມຂອບໃຈ ແລະ ຮູ້ບຸນຄຸນຢ່າງຫຼົ້ນເຫຼືອຕໍ່ກັບອຸປະກອນທີ່ໄດ້ຮັບການຊ່ວຍເຫຼືອຈາກກອງພົນທີ 1 ເຊິ່ງໄດ້ສ່ອງແສງໃຫ້ເຫັນເຖິງຄວາມສາມັກຄີຮັກແພງ, ຄວາມເປັນຫ່ວງເປັນໃຍ ແລະ ຄວາມເອົາໃຈໃສ່ຂອງກອງທັບ ຕໍ່ ປະຊາຊົນ, ພ້ອມໃຫ້ຄຳໝັ້ນສັນຍາວ່າ ຈະນຳເອົາວັດຖຸ
ປັດໄຈດັ່ງກ່າວໄປໝູນໃຊ້ໃຫ້ມີຄຸນຄ່າ ແລະ ເກີດປະໂຫຍດສູງສຸດ.
ໂດຍ: ໂກຮັງ ພັນທະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
