ວັນອາທິດ, ວັນທີ 15 ກຸມພາ 2026
3 ກອງຮ້ອຍ 1 ໝວດ ມອບເຄື່ອງ ແລະ ອຸປະກອນກິລາ ໃຫ້ຫ້ອງເສນາທິການທະຫານແຂວງໄຊຍະບູລີ
ເວລາອອກຂ່າວ: 2026-01-22 10:09:48 | ຜູ້ຂຽນ : admin1 | ຈຳນວນຄົນເຂົ້າຊົມ: 213 | ຄວາມນິຍົມ: 
ໃນບໍ່ດົນຜ່ານມານີ້, ບັນດາຫົວໜ້າ 3 ກອງຮ້ອຍ ແລະ 1 ໝວດ ໄດ້ຕາງໜ້າໃຫ້ຄະນະພັກ-ຄະນະບັນຊາພະນັກງານພາຍໃນກົມກອງຄື: ກອງຮ້ອຍປ້ອງກັນຕົວລາວໂທລະຄົມ, ກອງ ຮ້ອຍປ້ອງກັນຕົວໄຟຟ້າ, ກອງ ຮ້ອຍປ້ອງກັນຕົວນ້ຳປະປາ ແລະ ໝວດປ້ອງກັນຕົວອີທີແອວ ສາຂາແຂວງໄຊຍະບູລີ ໄດ້ນຳເອົາເຄື່ອງກິລາ ຈຳນວນ 50 ຊຸດ ແລະ ອຸປະກອນກິລາມາມອບໃຫ້ຫ້ອງເສນາທິການ ກອງບັນຊາການທະຫານແຂວງໄຊຍະບູລີ ລວມມູນຄ່າ 7.600.000 ກີບ. ເພື່ອເປັນການປະກອບສ່ວນຊຸກ ຍູ້ເຂົ້າໃນຂະບວນການກິລາຂອງ ກົມກອງ ທີ່ພວມກຳລັງແຂ່ງຂັນຂ່ຳນັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ໃຫ້ມີບັນຍາກາດຟົດຟື້ນແຂງແຮງ ແລະ ມີຄວາມໝາຍເລິກເຊິ່ງ ກ່າວຮັບໂດຍສະຫາຍ ພັນເອກ ໄວຍາກອນ ເພັດສະລາດ ຫົວໜ້າຫ້ອງເສນາທິການ ກອງບັນຊາການທະຫານແຂວງໄຊຍະບູລີ ພ້ອມຄະນະ.
ໂອກາດນີ້, ສະຫາຍ ພັນເອກ ໄວຍາກອນ ເພັດສະລາດ ກໍໄດ້ກ່າວສະແດງຄວາມຂອບອົກຂອບໃຈມາຍັງ ບັນດາຫົວໜ້າ 3 ກອງຮ້ອຍ ແລະ 1 ໝວດ ທີ່ເຫັນໄດ້ຄວາມໝາຍຄວາມສຳຄັນຂອງຂະບວນການກິລາຢູ່ຫ້ອງເສນາທິການ ກອງບັນຊາການທະຫານແຂວງໄຊຍະບູລີ ພ້ອມທັງໃຫ້ຄຳໝັ້ນສັນຍາວ່າຈະນຳເອົາເຄື່ອງດັ່ງກ່າວນຳໄປໝູນໃຊ້ໃຫ້ເກີດປະໂຫຍດສູງສຸດ.
ໂດຍ: ໄຊຍະສັກ ມະນີວັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
