POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 14 ກຸມພາ 2026

ກອງບັນຊາການທະຫານແຂວງວຽງຈັນ ສຸມໃສ່ຍູ້ແຮງຂະບວນການຫຼາຍດ້ານ ຂ່ຳນັບຮັບຕ້ອນ ວັນສ້າງຕັ້ງກອງທັບ ຄົບຮອບ 77 ປີ
ເວລາອອກຂ່າວ: 2026-01-22 10:15:06 | ຜູ້ຂຽນ : admin1 | ຈຳນວນຄົນເຂົ້າຊົມ: 225 | ຄວາມນິຍົມ:

ເພື່ອຫ້າງຫາກະກຽມຂ່ຳນັບຮັບຕ້ອນ ແລະ ຈັດຕັ້ງສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ໃຫ້ມີບັນຍາກາດຟົດຟື້ນກວ້າງ ຂວາງ ແລະ ມີເນື້ອໃນຄວາມໝາຍສຳຄັນເລິກເຊິ່ງນັ້ນ, ກຳລັງປະກອບອາວຸດທ້ອງຖິ່ນ ກອງບັນຊາການທະຫານແຂວງວຽງຈັນ ເປັນກົມກອງໜຶ່ງ ນອກຈາກຈະເອົາໃຈໃສ່ເຮັດໜ້າທີ່ ປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບຮອບດ້ານ ແລະ ປັບປຸງກໍ່ສ້າງກຳລັງໃຫ້ມີຄວາມເຂັ້ມແຂງໜັກແໜ້ນ ທັງຮັບປະກັນເຮັດໃຫ້ທ້ອງຖິ່ນແຂວງວຽງຈັນ ມີຄວາມສະຫງົບຢ່າງໜັກແໜ້ນແລ້ວ, ຄະນະພັກ-ຄະນະບັນຊາ ກອງບັນຊາການທະຫານແຂວງວຽງຈັນ ຍັງໄດ້ສຸມໃສ່ຍູ້ແຮງຂະບວນການຫຼາຍດ້ານ ເພື່ອຂ່ຳນັບຮັບຕ້ອນວັນສຳຄັນດັ່ງກ່າວ ແນ່ໃສ່ເຮັດ ໃຫ້ກົມກອງມີບັນຍາກາດເບີກບານມ່ວນຊື່ນ ໂດຍຕິດພັນກັບການຈັດຕັ້ງປະຕິບັດວຽກງານຮອບດ້ານ ທີ່ປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ມີຜົນສຳເລັດຫຼາຍດ້ານທີ່ພົ້ນເດັ່ນ ໃນປີຜ່ານມາ. ສະຫາຍ ພັນໂທ ຫຸມພັນ ສີສົມພອນ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງວຽງຈັນ ໃຫ້ສຳພາດວ່າ: ພາຍຫຼັງພວກເຮົາໄດ້ຮັບຄຳສັ່ງແນະນຳ ຂອງກະຊວງປ້ອງກັນປະເທດ ກ່ຽວກັບການກະກຽມ ແລະ ສະເຫຼີມສະຫຼອງວັນປະຫວັດສາດ ສຳຄັນຂອງພັກ-ຂອງຊາດ ເວົ້າລວມ, ເວົ້າສະເພາະແມ່ນວັນສ້າງຕັ້ງກອງທັບປະຊາຊົນລາວ ຄົບ ຮອບ 77 ປີ ຫ້ອງການເມືອງ ກອງບັນຊາການທະຫານແຂວງ ກໍໄດ້ເປັນໃຈກາງໃນການນຳພາ ຈັດຕັ້ງຜັນຂະຫຍາຍຄຳສັ່ງດັ່ງກ່າວ ໃຫ້ລົງເຖິງຮາກຖານກົມກອງ ທີ່ຂຶ້ນກັບກອງບັນຊາການທະຫານແຂວງວຽງຈັນ ກ່ອນອື່ນໝົດ ແມ່ນຫັນຄຳສັ່ງແນະນຳຂອງຂັ້ນເທິງ ມາເປັນຄຳສັ່ງແນະນຳຂອງກອງບັນຊາການທະຫານແຂວງວຽງຈັນ, ພ້ອມທັງສ້າງແຜນການ ແລະ ອອກຂໍ້ຕົກລົງແຕ່ງຕັ້ງອະນຸກຳມະການຮັບຜິດຊອບວຽກງານແຕ່ລະດ້ານ, ໃນນີ້ຂະບວນການທີ່ພົ້ນເດັ່ນ ແມ່ນຂະບວນການອອກແຮງງານ, ອະ ນາໄມ, ປະດັບປະດາສະຖານທີ່ຄ້າຍຄູໃຫ້ມີຄວາມສະອາດຈົບງາມ ເປັນລະບຽບຮຽບຮ້ອຍ, ເຄື່ອນໄຫວໂຄສະນາປາຖະກະຖາມູນເຊື້ອວັນສ້າງຕັ້ງກອງທັບ, ນຳພາການນຳຂອງແຂວງ-ການນຳກອງບັນຊາການທະຫານແຂວງວຽງຈັນ ລົງເຄື່ອນໄຫວຢ້ຽມຢາມພະນັກງານ-ນັກຮົບ ທີ່ມາປິ່ນປົວຢູ່ໂຮງໝໍ 30 ຕຽງ ຂອງກອງບັນຊາການທະຫານແຂວງວຽງຈັນ, ລົງເຄື່ອນໄຫວຢ້ຽມຢາມພະນັກງານປະຕິວັດອາວຸໂສບຳນານ, ອະດີດການນຳຂອງກອງບັນຊາການ, ພະນັກງານ-ນັກຮົບທີ່ກຳລັງປະຕິບັດໜ້າທີ່ຢູ່ບັນດາປ້ອມ. ນອກຈາກນີ້, ຍັງໄດ້ຊີ້ນຳໜ່ວຍສິລະປະ-ວັນ ນະຄະດີສະໝັກຫຼິ້ນຂອງກອງບັນຊາການ ເຝິກຊ້ອມ, ເພື່ອກະກຽມເຄື່ອນໄຫວສະແດງຮັບໃຊ້ຢູ່ພາຍໃນກົມກອງ ແລະ ໄດ້ຈັດຕັ້ງແຂ່ງຂັນກິລາມວນຊົນ, ກິລາການທະຫານ ຊີງຂັນຫົວໜ້າກອງບັນຊາການທະຫານແຂວງວຽງຈັນ ມາຮອດປັດຈຸບັນ ແມ່ນໄດ້ສຳເລັດການແຂ່ງຂັນເປັນທີ່ຮຽບຮ້ອຍ, ສັງລວມແລ້ວ ການສ້າງຂະບວນການເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີນີ້ ເວົ້າສະເພາະແມ່ນຢູ່ກອງບັນຊາການທະຫານແຂວງວຽງຈັນ ເຫັນວ່າ ມີບັນຍາກາດຟົດຟື້ນພໍສົມຄວນ. ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ, ສະຫາຍ ພັນໂທ ຫຸມພັນ ສີສົມພອນ ຕາງໜ້າຄະນະພັກ-ຄະນະບັນຊາຫ້ອງການເມືອງ ກໍຄື ພະນັກງານ-ນັກຮົບ ທົ່ວກອງບັນຊາການທະຫານແຂວງວຽງຈັນ ຂໍອວຍພອນໄຊອັນປະເສີດ ມາຍັງການນຳພັກ-ລັດ, ການນຳກະຊວງປ້ອງກັນປະເທດ ຕະຫຼອດພະນັກງານ-ນັກຮົບທຸກທົ່ວໜ້າ ຈົ່ງມີສຸຂະພາບແຂງແຮງ ແລະ ມີຜົນສຳເລັດໃນໜ້າທີ່ອັນມີກຽດສະຫງ່າທີ່ພັກ-ລັດ ແລະ ປະຊາຊົນມອບໝາຍໃຫ້ ໂດຍ: ຄຳໄຕ ຈັນນະຄອນ

news to day and hot news