ວັນສຸກ, ວັນທີ 13 ມີນາ 2026
ມອບ-ຮັບ ຫົວໜ້າຫ້ອງການ ກອງບັນຊາການທະຫານແຂວງອັດຕະປື
ເວລາອອກຂ່າວ: 2026-02-06 09:42:00 | ຜູ້ຂຽນ : admin1 | ຈຳນວນຄົນເຂົ້າຊົມ: 151 | ຄວາມນິຍົມ: 
ໃນວັນທີ 3 ກຸມພາ 2026 ນີ້, ກອງບັນຊາການທະຫານແຂວງອັດຕະປື, ໄດ້ ມອບ-ຮັບ ຫົວໜ້າການກອງບັນຊາການທະຫານ ແຂວງອັດຕະປື ລະຫວ່າງ
ສະຫາຍ ພັນເອກ ເກັດສະໜາ ກົມມະເມືອງ ອະດີດຫົວໜ້າຫ້ອງ ການ ກອງບັນຊາການທະຫານແຂວງອັດຕະປື (ຜູ້ເກົ່າ) ແລະ ສະຫາຍ ພັນໂທ ຄຳຄິດ ຄຳມະນີ, ຫົວໜ້າຫ້ອງການກອງບັນຊາການທະຫານ ແຂວງອັດຕະປື (ຜູ້ໃໝ່), ໂດຍການເຂົ້າຮ່ວມເປັນປະທານຂອງ ສະຫາຍ ພັນໂທ ບຸນເຊີຍ ສີປະເສີດ ຫົວໜ້າການທະຫານ ກອງບັນຊາການທະ ຫານແຂວງອັດຕະປື, ມີຄະນະພັກ-ຄະນະບັນຊາ 5 ຫ້ອງ, ບັນ ດາພະແນກການ ຕະຫຼອດຮອດພະນັກງານໃນຫ້ອງການ ເຂົ້າຮ່ວມ. ສະຫາຍ ພັນເອກ ເກັດສະໜາ ກົມມະເມືອງ ໄດ້ສະຫຼຸບການຈັດຕັ້ງປະຕິບັດໜ້າທີ່ວຽກງານການເມືອງຂອງພັກ-ລັດ ກໍ່ຄືຂອງກອງທັບ ອັນລະອິດລະອ້ຽວຕະຫຼອດໃນໄລຍະຜ່ານມາ ເປັນຕົ້ນແມ່ນການຊີ້ນຳ-ນຳພາ ໃນທຸກຂົງເຂດວຽກງານຂອງຫ້ອງການ ກອງບັນຊາການທະຫານແຂວງອັດຕະປື. ພ້ອມທັງກ່າວມອບໜ້າທີ່ໃຫ້ສະຫາຍ ພັນໂທ ຄຳຄິດ ຄຳມະນີ ຄະນະພັກກອງບັນຊາການ ຫົວໜ້າຫ້ອງການກອງບັນຊາການ (ຜູ້ໃໝ່) ສຶບຕໍ່ຊີ້ນຳ-ນຳພາຕໍ່ໄປ.
ໂອກາດດັ່ງກ່າວ, ສະຫາຍ ພັນໂທ ບຸນເຊີຍ ສີປະເສີດ ຍັງໄດ້ຮຽກຮ້ອງໃຫ້ສະຫາຍ ຫົວໜ້າຫ້ອງການຜູ້ໃໝ່ ຈົ່ງຍົກສູງນ້ຳໃຈຮັບຜິດຊອບຕໍ່ໜ້າທີ່ການເມືອງ ທີ່ການຈັດຕັ້ງມອບໝາຍໃຫ້ ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນ, ເປັນເຈົ້າການໃນການຊີ້ນຳ, ເອົາໃຈໃສ່ປະຕິບັດຕາມຫຼັກການລວມສູນປະຊາທິປະໄຕ, ເອກະພາບໃນໝູ່ຄະນະ, ຕັ້ງໜ້າປັບປຸງໃນຂົງເຂດວຽກງານຫ້ອງການໃຫ້ມີຄວາມຖືກຕ້ອງໂປ່ງໃສ, ຮັບປະກັນທາງ ດ້ານປະສິດທິພາບ, ອຳນວຍ ຄວາມສະດວກຕາມຄວາມຮຽກ ຮ້ອງຕ້ອງການຂອງ ພະນັກງານ-ນັກຮົບ ພາຍໃນຫ້ອງການ ກໍ່ຄືກອງບັນຊາການທະຫານແຂວງອັດຕະປື ໃຫ້ທັນກັບສະພາບການ ແລະ ໜ້າທີ່ວຽກງານຕົວຈິງ.
ໂດຍ: ຈັນສະໝອນ ໄຊຍະພູມ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
