POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ມີນາ 2026

ພະແນກບໍລິຫານ ກອງພັນໃຫຍ່ 497 ສ້າງໄດ້ຜົນງານທີ່ພົ້ນເດັ່ນ
ເວລາອອກຂ່າວ: 2026-02-06 09:56:58 | ຜູ້ຂຽນ : admin1 | ຈຳນວນຄົນເຂົ້າຊົມ: 161 | ຄວາມນິຍົມ:

ສະຫາຍ ພັນໂທ ສົມນຶກ ວິໄລຄຳ ຮອງຫົວໜ້າພະແນກບໍລິຫານ ກອງພັນໃຫຍ່ 497 ໃຫ້ຮູ້ວ່າ: ການເຄື່ອນໄຫວວຽກງານການເມືອງ ແລະ ວິຊາສະເພາະໃນໄລຍະ 1 ປີຜ່ານມາແມ່ນມີຜົນ ສຳເລັດຫຼາຍດ້ານ, ເປັນຕົ້ນແມ່ນ ວຽກງານສຶກສາອົບຮົມການ ເມືອງ-ນຳພາແນວຄິດໃຫ້ພະ ນັກງານ-ນັກຮົບພາຍໃນພະແນກ ໃນການເປັນເສນາທິການໃຫ້ຄະ ນະພັກກອງພັນໃຫຍ່ດ້ານວຽກ ງານບໍລິຫານ-ສັງລວມເອກະ ສານຂາເຂົ້າ-ຂາອອກ ແລະ ບົດໂອ້ລົມຕ່າງໆ; ຕິດຕາມກວດກາເອກະສານຕາມຫຼັກການວິຊາສະເພາະໃນການເຂົ້າເລກທີເອ ກະສານ, ເພື່ອຄຸ້ມຄອງປົກປັກຮັກສາບໍ່ໃຫ້ເອກະສານຕົກເຮ່ຍເສຍຫາຍ ແລະ ຮັກສາຄວາມລັບຢ່າງເດັດຂາດ ໃນ 1 ປີຜ່ານມາ, ສາມາດເຂົ້າເລກທີເອກະສານ ເຂົ້າ-ອອກກອງພັນໃຫຍ່ 497 ຈຳນວນ 1.104 ສະບັບ, ວຽກງານການເງິນໄດ້ຮັບເບີກ-ຈ່າຍເງິນເດືອນໃຫ້ພະນັກງານ-ນັກຮົບເປັນປົກກະຕິ, ວຽກງານປະຫັວດສາດ ໄດ້ລົງເກັບກຳຂໍ້ມູນຢູ່ກົມກອງຮາກຖານ ເພື່ອເປັນບ່ອນອີງໃນການຂຽນບົດມູນເຊື້ອ, ວຽກງານອຸປະໂພກ-ບໍລິໂພກໄດ້ຮັບເຂົ້າກິນປີ 2025 ຈຳນວນ 151.851 ກິໂລກຼາມ, ຮັບເຄື່ອງ ປະຈຳປີ 1 ຄັ້ງ, ຈຳນວນ 563 ຊຸດ, ເຄື່ອງຍາວນານ 580 ຊຸດ, ເຄື່ອງປະດັບຊັ້ນ 35 ຊຸດ ແລະ ຈ່າຍເຂົ້າອັດຕາກິນໃຫ້ພະນັກງານ-ນັກຮົບ 5 ພະແນກການ 3.500 ຄັ້ງ, ຂັບລົດຮັບໃຊ້ຄະນະບັນຊາກອງພັນໃຫຍ່ ແລະ ຂະແໜງການອື່ນໆທີ່ພົວພັນເຮັດວຽກງານນຳຂັ້ນເທິງ ຈຳນວນ 400 ຖ້ຽວ, ຮັບແຂກພາຍໃນ 35 ຄັ້ງ, ແຂກຕ່າງປະເທດ 5 ຄັ້ງ ແລະ ຮັບໃຊ້ ງານຕ່າງໆ ພາຍໃນກົມກອງຈຳນວນ 40 ຄັ້ງ; ພ້ອມນັ້ນກໍໄດ້ເອົາໃຈໃສ່ວຽກງານຮັບປະກັນການຕົ້ມຫຸ່ງປຸງແຕ່ງຮັບໃຊ້ເຮືອນ ຄົວລວມເຂົ້າສຸກແກ້ງຮ້ອນຕິດພັນກັບການອະນາໄມ, ຕັດແຕ່ງ ດອກໄມ້ປະດັບປະດາຕາມສະ ຖານທີ່ຄ້າຍຄູ່ສຳນັກງານກອງ ພັນໃຫຍ່ ແລະ ວຽກງານອື່ນໆ ທີ່ປິ່ນອ້ອມ ເຫັນວ່າມີຜົນສຳເລັດ, ນອກນັ້ນ; ຍັງໄດ້ເອົາໃຈໃສ່ປຸກ ລະດົມຊຸກຍູ້ພະນັກງານ-ນັກຮົບ ເຮັດວຽກງານປູກຝັງ-ລ້ຽງສັດບົນຈິດໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ. ສະຫາຍ ພັນໂທ ສົມນຶກ ວິໄລຄຳ ຍັງກ່າວຕື່ມອີກວ່າ: ໃນ ຕໍ່ໜ້າແມ່ນຈະໄດ້ຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂຶ້ນກວ່າເກົ່າ, ເອົາສືບຕໍ່ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບເປັນປົກກະຕິຕໍ່ເນື່ອງ, ເພີ່ມ ທະວີຄວາມສາມັກຄີພາຍໃນໃຫ້ ແໜ້ນແຟ້ນ ເອົາໃຈໃສ່ປະຕິບັດໜ້າທີ່ວຽກງານວິຊາສະເພາະຂອງຕົນດ້ວຍຄວາມບຸກບືນ ຫ້າວຫັນ ແລະ ມີຄວາມຮັບຜິດ ຊອບສູງ, ເສີມຂະຫຍາຍທ່າແຮງບົມຊ້ອນຂອງກົມກອງດ້ວຍການສ້າງເສດຖະກິດແກ້ໄຂຊີວິດການເປັນຢູ່ໃຫ້ນັບມື້ດີຂຶ້ນເປັນກ້າວໆ ໂດຍ: ຄັນທະມູນ

news to day and hot news