POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 13 ມີນາ 2026

ຄະນະອະນຸກຳມະການ ວຽກງານປ້ອງກັນຊາດ ລົງເຄື່ອນໄຫວຊຸກຍູ້ກະກຽມຄວາມພ້ອມວັນເລືອກຕັ້ງ ສສຊ ແລະ ສສຂ ຢູ່ແຂວງອັດຕະປື
ເວລາອອກຂ່າວ: 2026-02-13 10:34:03 | ຜູ້ຂຽນ : admin2 | ຈຳນວນຄົນເຂົ້າຊົມ: 1214 | ຄວາມນິຍົມ:

ໃນວັນທີ 11 ກຸມພາ 2026 ນີ້, ຄະນະອະນຸກຳມະການວຽກງານປ້ອງກັນວັນເລືອກຕັ້ງລະດັບຊາດເຄື່ອນໄຫວຊຸກຍູ້ ຄວາມພ້ອມປ້ອງກັນວັນເລືອກຕັ້ງ ສະມາຊິກສະພາແຫ່ງຊາດ (ສສຊ) ແລະ ສະພາປະຊາຊົນຂັ້ນແຂວງ (ສສຂ) ໃຫ້ກຳລັງຫຼວງ ແລະ ທ້ອງຖິ່ນ ຢູ່ແຂວງອັດຕະປື ໂດຍການເປັນປະທານ ຂອງ ສະຫາຍ ພົນຕີ ແສງມະນີວອນ ຄໍາມະນີ ຮອງຫົວໜ້າກົມໃຫຍ່ ການເມືອງກອງທັບ ກະຊວງປ້ອງກັນປະເທດ, ຕາງໜ້າຄະນະອະນຸກຳມະການວຽກງານ ປກຊ-ປກສ, ລົງຄື່ອນໄຫວຊຸກຍູ້ ໃຫ້ແກ່ການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະພາປະຊາຊົນຂັ້ນແຂວງ ຊຸດທີ V ຢູ່ເຂດເລືອກຕັ້ງທີ 17 ແຂວງອັດຕະປື, ໂດຍມີຄະນະພັກ-ຄະນະບັນຊາ ກອງບັນຊາການທະຫານ ແລະ ກອງບັນຊາການປ້ອງກັນຄວາມສະຫງົບແຂວງ ພ້ອມບັນດາອະນຸກຳມະການ, ຄະນະຮັບຜິດຊອບ ວຽກງານ ປກສ-ປກຊ ເເລະ ພາກສ່ວນທີ່ກ້ຽວຂ້ອງເຂົ້າຮ່ວມ. ສະຫາຍ ພັນເອກ ສີສົມໃຈ ມະໂນລາ ຄະນະປະຈໍາພັກແຂວງ ເລຂາຄະນະພັກກອງບັນຊາການ ຫົວໜ້າການເມືອງ ກອງບັນຊາການທະຫານແຂວງອັດຕະປື ໄດ້ລາຍງານຫຍໍ້ ສະພາບການກະກຽມເລືອກຕັ້ງ ສສຊ ຊຸດທີ X ແລະ ສສຊ ຊຸດທີ V ເຊິ່ງມີຫລາຍວຽກທີ່ເຮັດສໍາເລັດຕາມແຜນການທີ່ໄດ້ກໍານົດໄວ້, ໄດ້ກຳນົດບັນດາໜ້າວຽກຕ່າງໆ ໄດ້ຮັບການແຕ່ງຕັ້ງຈາກປະທານຄະນະຊີ້ນໍາການປ່ອນບັດເລືອກຕັ້ງຂັ້ນແຂວງ ແລະ ຄະນະກອງບັນຊາການທະຫານແຂວງ ໄດ້ມີຄວາມເປັນເອກະພາບ ແຕ່ງຕັ້ງຄະນະຮັບຜິດຊອບຊີ້ນໍາລວມ ແລະ ໜ່ວຍປ່ອນບັດເລືອກຕັ້ງ ເຊິ່ງມີ 9 ໜ່ວຍ, ໃນນັ້ນມີໜ່ວຍປ່ອນບັດຄົງທີ່ 1 ໜ່ວຍ, ໜ່ວຍເຄື່ອນທີ່ 8 ໜ່ວຍ ແລະ ກອງເລຂາ 1 ຄະນະ. ໄດ້ແບ່ງໜ້າທີ່ຄວາມຮັບຜິດຊອບແຕ່ລະພາກສ່ວນຢູ່ແຕ່ລະເຂດ ພາຍໃນແຂວງອັດຕະປື ເພື່ອຮັກສາຄວາມສະຫງົບປອດໄພ ພ້ອມນີ້, ຍັງໄດ້ເນັ້ນໜັກໃຫ້ກຳລັງ ປກຊ-ປກສ ທີ່ລົງຮາກຖານປະຈຳຢູ່ ກຸ່ມບ້ານ ລົງເລິກນຳບັນດາບ້ານ, ເພື່ອຮັບປະກັນ ຄວາມສະຫງົບ ຢູ່ໃນຂົງເຂດຄວາມຮັບຜິດຊອບບ້ານຂອງຕົນ, ພ້ອມທັງມີການກວດກາ ການພັກເຊົາຂອງພົນລະເມືອງລາວ ຫຼື ຊາວຕ່າງຊາດ ທີ່ມາພັກເຊົາ ຢູ່ພາຍໃນບ້ານ ເພື່ອຕິດຕາມ ແລະ ກຳໄດ້ບຸກຄົນ. ທັງນີ້ກໍເພື່ອແນ່ໃສ່ວຽກງານປ້ອງກັນຊາດ-ປ້ອງກັນຄວາມສະຫງົບ ຢູ່ພາຍແຂວງ, ເມືອງ ແລະ ບ້ານ ໃຫ້ມີຄວາມສະຫງົບປອດໄພ ໂດຍພື້ນຖານ. ເພື່ອປະກອບສ່ວນເຮັດໃຫ້ວັນເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ໃຫ້ມີບັນຍາກາດຟົດຟື້ນ ຮັກສາໄດ້ຄວາມສະຫງົບປອດໄພ. ຈາກນັ້ນ, ຜູ້ເຂົ້າຮ່ວມກອງຊຸມໄດ້ຜັດປ່ຽນກັນມີຄຳເຫັນໃສ່ເນື້ອໃນບົດວຽກງານປ້ອງກັນດັ່ງກ່າວໃຫ້ມີຄວາມສົມບູນຂຶ້ນພ້ອມກັນເປັນເຈົ້າການເຮັດໜ້າທີ່ວຽກງານປ້ອງກັນຄວາມສະຫງົບຮ່ວມກັນ, ມີສະຕິເຄົາລົບຕໍ່ລະບຽບກົດໝາຍ ຂອງບ້ານເມືອງ ກໍຄື ຂອງ ພັກ-ລັດ ວາງອອກຢ່າງເຂັ້ມງວດ. ແນໃສ່ເຮັດໃຫ້ວັນເລືອກຕັ້ງ ສສຊ ແລະ ສສຂ ທີ່ຈະມາເຖິງໃນມໍ່ໆນີ້ດຳເນີນໄປດ້ວຍຜົນສຳເລັດອັນຈົບງາມ, ຮັກສາໄດ້ຄວາມສະຫງົບ, ໃຫ້ພໍ່-ແມ່ປະຊາຊົນ ນາຍ ແລະ ພົນທະຫານ, ນາຍ ແລະ ພົນຕຳຫຼວດ ເຂົ້າໃຈເລິກເຊິ່ງກ່ຽວກັບການເລືອກຕັ້ງ ແລະ ຈັດຕັ້ງນຳພາຜູ້ມີສິດເລຶອກຕັ້ງ ນຳໃຊ້ສິດໄປບ່ອນບັດເລືອກຕັ້ງຢ່າງຄົບຖ້ວນ, ຖືກຕ້ອງ ແລະ ທັນເວລາ. ໂດຍ: ຕິ໋ມພອນ

news to day and hot news