POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 12 ເມສາ 2026

ພະແນກສະຫະພັນແມ່ຍິງ ຫ້ອງວ່າການກະຊວງປ້ອງກັນປະເທດ ສະຫຼຸບການເຄື່ອນໄຫວວຽກງານຮອບດ້ານ ປະຈໍາເດືອນ 2
ເວລາອອກຂ່າວ: 2026-03-06 10:08:22 | ຜູ້ຂຽນ : admin2 | ຈຳນວນຄົນເຂົ້າຊົມ: 1094 | ຄວາມນິຍົມ:

ໃນວັນທີ 5 ມີນາ 2026 ນີ້, ພະແນກສະຫະພັນແມ່ຍິງ ຫ້ອງວ່າການກະຊວງປ້ອງກັນປະເທດ ໄດ້ຈັດກອງປະຊຸມ ສະຫຼຸບການເຄື່ອນໄຫວວຽກງານຮອບດ້ານ ປະຈໍາເດືອນ 2 ແລະ ທິດທາງແຜນການເດືອນ 3 ປີ 2026, ໂດຍການເປັນປະທານຂອງ ສະຫາຍ ພັນໂທ ນາງ ອໍາມາລາ ຄໍາບຸນເຮືອງ ຫົວໜ້າພະແນກສະຫະພັນແມ່ຍິງ ຫ້ອງວ່າການກະຊວງປ້ອງກັນປະເທດ, ມີບັນດາໜ່ວຍສະຫະພັນແມ່ຍິງ ຂຶ້ນກັບພະແນກສະຫະພັນແມ່ຍິງ ຫ້ອງວ່າການກະຊວງປ້ອງກັນປະເທດ ເຂົ້າຮ່ວມ. ໃນກອງປະຊຸມ ຜູ້ຕາງໜ້າສະຫະພັນແມ່ຍິງແຕ່ລະໜ່ວຍ ໄດ້ຜັດປ່ຽນກັນລາຍງານ ການຈັດຕັ້ງເຄື່ອນໄຫວປະຕິບັດວຽກງານຮອບດ້ານຂອງສະຫະພັນແມ່ຍິງຂອງຕົນ ໃນໄລຍະຜ່ານມາ, ໂດຍລວມແລ້ວ ສະຫະພັນແມ່ຍິງແຕ່ລະກົມກອງ ໄດ້ຖືເອົາການສຶກສາອົບຮົມການເມືອງ-ນໍາພາແນວຄິດເປັນກົກ, ສຸມໃສ່ການຈັດຕັ້ງປະຕິບັດຂະບວນການຂໍ້ແຂ່ງຂັນ 3 ດີ ແລະ ແຜນພັດທະນາແມ່ຍິງແຕ່ລະຂັ້ນ ໂດຍປິ່ນອ້ອມ ຂະບວນການລວມ ຂອງກົມກອງ ຢ່າງເປັນຂະບວນການຟົດຟື້ນ. ພ້ອມນີ້, ກອງປະຊຸມ ຍັງໄດ້ຜ່ານທິດທາງແຜນການປະຈຳເດືອນ ມີນາ ປີ 2026 ໂດຍຈະສືບຕໍ່ສຶກສາອົບຮົມການເມືອງນຳພາແນວຄິດໃຫ້ພະນັກງານການນໍາແມ່ຍິງ ແລະ ສະມາຊິກສະຫະພັນ ແມ່ຍິງທຸກພາກສ່ວນ ໃຫ້ມີແນວຄິດການເມືອງໜັກແໜ້ນ ແລະ ເຮັດສຳເລັດໜ້າທີ່ວຽກງານຂອງຕົນທີ່ການຈັດຕັ້ງ ຂັ້ນເທິງມອບໝາຍ, ສືບຕໍ່ຊີ້ນໍາເອື້ອຍນ້ອງແມ່ຍິງບັນດາກົມກອງ, ບໍລິສັດ-ລັດວິສາຫະກິດຈັດຕັ້ງປະຕິບັດເນື້ອໃນຄໍາຂວັນ ແລະ ຂໍ້ແຂ່ງຂັນ 3 ດີຂອງສູນກາງສະຫະພັນແມ່ຍິງລາວ ວາງອອກໃຫ້ໄດ້ຮັບຜົນດີ, ສືບຕໍ່ຈັດຕັ້ງສ້າງຂະບວນການດ້ານຕ່າງໆ ເພື່ອຂ່ຳນັບຮັບຕ້ອນບັນດາວັນສໍາຄັນຕ່າງໆ ຂອງພັກ, ຂອງຊາດ, ຂອງກອງທັບ ກໍຄືຂອງແມ່ຍິງທີ່ໝູນວຽນມາເຖິງແຕ່ລະໄລຍະໃຫ້ເປັນຂະບວນການຟົດຟື້ນກວ້າງຂວາງ, ສືບຕໍ່ສຶກສາອົບຮົມການເມືອງນໍາພາແນວຄິດ ໃຫ້ຄະນະນໍາສະຫະພັນແມ່ຍິງ ແລະ ສະມາຊິກສະຫະພັນ ແມ່ຍິງຢູ່ບັນດາກົມກອງ, ຫົວໜ່ວຍທຸລະກິດໃຫ້ເປັນປົກກະຕິ ແລະ ເອົາໃຈໃສ່ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນແໜ້ນໜາ, ເພື່ອເປັນກໍາລັງແຮງໃນການຈັດຕັ້ງປະຕິບັດພາລະບົດບາດ, ສິດໜ້າທີ່ຂອງແມ່ຍິງ ເປັນຕົ້ນແມ່ນເຊື່ອມຊຶມແນວທາງນະໂຍບາຍຂອງພັກ, ລັດຖະທຳມະນູນ, ກົດໝາຍຂອງລັດ, ນໍ້າໃຈຮັກຊາດ ແລະ ອະນຸລັກຮັກສາຮີດຄອງປະເພນີວັດທະນະທຳອັນດີງາມຂອງແມ່ຍິງລາວ ໃຫ້ຄົງຢູ່ຄູ່ແມ່ຍິງລາວຕະຫຼອດໄປ.

news to day and hot news