POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 12 ເມສາ 2026

ຫ້ອງການກຳມະບານກອງທັບ ກັບ ສະຫະພັນກຳມະບານ ຫ້ອງວ່າການສຳນັກງານນາຍົກລັດຖະມົນຕີ ພົບປະແລກປ່ຽນບົດຮຽນຮ່ວມກັນ
ເວລາອອກຂ່າວ: 2026-03-11 09:05:03 | ຜູ້ຂຽນ : admin1 | ຈຳນວນຄົນເຂົ້າຊົມ: 140 | ຄວາມນິຍົມ:

ໃນວັນທີ 6 ມີນາ 2026 ນີ້, ຫ້ອງການກຳມະບານກອງທັບ ກັບ ສະຫະພັນກຳມະບານ ຫ້ອງວ່າການສຳນັກງານນາຍົກລັດຖະມົນຕີ ໄດ້ຈັດກອງປະຊຸມແລກປ່ຽນບົດຮຽນ ເຊິ່ງກັນ ແລະ ກັນ, ໂດຍມີ ສະຫາຍ ພົນຈັດຕະວາ ຈັນທາ ບຸນນະວົງ ຫົວໜ້າກົມຈັດຕັັ້ງພັກ ກົມໃຫຍ່ການເມືອງກອງທັບ, ມີສະຫາຍ ຄົມສັນ ໄຊຍະສານ ຄະນະຫ້ອງວ່າການສຳນັກງານນາຍົກລັດຖະມົນຕີ, ຫົວໜ້າກົມຈັດຕັ້ງພັກ-ພະນັກງານ, ພ້ອມດ້ວຍຄະນະນຳທັງ 2 ຝ່າຍ ເຂົ້າຮ່ວມ. ໃນພິທີ ສະຫາຍ ພັນເອກ ສຸວັນນີ ດວງປະເສີດ ຫົວໜ້າຫ້ອງການກຳມະບານກອງທັບ ໄດ້ຜ່ານເນື້ອໃນແລກປ່ຽນບົດຮຽນເຊິ່ງກັນ ແລະ ກັນ ພ້ອມທັງລາຍງານໃຫ້ຮັບຊາບໜ້າທີ່, ພາລະບົດບາດຂອງຫ້ອງການກຳມະບານກອງທັບ ໂດຍມີ 3 ພະແນກການຂຶ້ນກັບ, ເປັນເສນາທິການວຽກງານກຳມະບານ ໃຫ້ກະຊວງປ້ອງກັນປະເທດ, ເຮັດໜ້າທີ່ໂຄສະນາ, ສຶກສາອົບຮົມ, ປຸກລະດົມ, ບຳລຸງກໍ່ສ້າງ ແລະ ເຕົ້າໂຮມຄວາມສາມັກຄີ ພະນັກງານ, ຊີ້ນຳ-ນຳພາການ ເຄື່ອນໄຫວຂະບວນການປະຕິບັດຂໍ້ແຂ່ງຂັນ 5 ເປັນເຈົ້າ, ຕິດພັນກັບຂໍ້ແຂ່ງຂັນຮັກຊາດ, ພັດທະນາ ແລະ ຂໍ້ແຂ່ງຂັນອື່ນໆ ປິ່ນອ້ອມ 4 ໜ້າທີ່ໃຫຍ່ 26 ແຜນງານ ຂອງຄະນະພັກກະຊວງປ້ອງກັນປະເທດ ວາງອອກ. ໂອກາດນີ້, ສະຫາຍ ປອ ວິຣະພົງ ພົມດວງສີ ປະທານສະຫະພັນກຳ ມະບານ ຫ້ອງວ່າການສຳນັກງານນາຍົກລັດຖະມົນຕີ ກໍໄດ້ລາຍງານໃຫ້ຊາບ ໜ້າທີ່, ພາລະບົດບາດຂອງສະຫະພັນກຳມະບານ ຫ້ອງວ່າການສຳນັກງານນາຍົກລັດຖະມົນຕີ ເປັນສະຫະພັນກຳມະການເຄິ່ງອາຊີບ ປະກອບມີ 11 ໜ່ວຍຈາກ 10 ກົມ ແລະ 1 ຫໍປະຊຸມແຫ່ງຊາດ, ເຮັດໜ້າທີ່ເປັນເສນາທິການ ຮັບໃຊ້ໃຫ້ຄະນະພັກ-ຄະນະນຳຂອງຫ້ອງວ່າການສຳນັກງານນາຍົກ, ໄດ້ນຳພາ-ຊີ້ນຳ ປະສານສົມທົບຢ່າງກົມກຽວ ກັບຫ້ອງວ່າການສູນກາງພັກ, ຄະນະເລຂາທິການສະພາແຫ່ງຊາດ, ຫ້ອງວ່າການປະທານປະເທດ, ອົງການທຽບເທົ່າກະຊວງ, ນະຄອນຫຼວງ ແລະ ແຂວງໃນທົ່ວປະເທດ, ເປັນອົງການຕົວແທນປົກປ້ອງສິດ ແລະ ຜົນປະໂຫຍດອັນຊອບທຳຂອງສະມາຊິກກຳມະບານ ໂດຍໃກ້ຊິດຕິດແທດຂອງຄະນະພັກສຳນັກງານນາຍົກ ເພື່ອເຄື່ອນໄຫວວຽກງານ ແລະ ຂະບວນການປິ່ນອ້ອມຕ່າງໆ ຕາມສະພາບຕົວຈິງ ແລະ ຕາມຄວາມອາດສາມາດໃນແຕ່ລະໄລຍະ ໄດ້ເປັນຢ່າງດີ, ໄດ້ສົ່ງບົດສະຫຼຸບການຈັດຕັ້ງປະຕິບັດວຽກງານ ແລະ ເງິນບຳລຸງສະມາຊິກ ໃຫ້ສູນກາງສະຫະພັນກຳມະການລາວ ເປັນປົກກະຕິ ແລະ ສາມາດສ້າງໄດ້ຜົນສຳເລັດທີ່ພົ້ນເດັ່ນຫຼາຍດ້ານ. ຈາກນັ້ນ, ທັງ 2 ຝ່າຍໄດ້ແລກປ່ຽນບົດຮຽນເຊິ່ງກັນ ແລະ ກັນ ຂົງເຂດວຽກງານທີ່ຕ່າງໆຝ່າຍມີຄວາມສົນໃຈ. ພ້ອມທັງໄດ້ມອບຂອງຂວັນທີ່ລະນຶກໃຫ້ກັນຕື່ມອີກ. ໂດຍ: ວັນນະລັກ ວົງພົມ

news to day and hot news