ວັນອາທິດ, ວັນທີ 12 ເມສາ 2026
ສຸມໃສ່ການກໍ່ສ້າງນາຍສິບ ຊຸດທີ X ແລະ ບຳລຸງການທະຫານຂັ້ນພື້ນຖານ ລະບົບ 6 ເດືອນ ໃຫ້ມີຄຸນນະພາບ
ເວລາອອກຂ່າວ: 2026-03-12 09:08:38 | ຜູ້ຂຽນ : admin1 | ຈຳນວນຄົນເຂົ້າຊົມ: 108 | ຄວາມນິຍົມ: 
ໂດຍປະຕິບັດຕາມຄຳສັ່ງ ຂອງກົມໃຫຍ່ເສນາທິການກອງທັບ ວ່າດ້ວຍການອົບຮົມ-ຫັດ ແອບການທະຫານ, ການເມືອງ, ພະລາທິການ ແລະ ເຕັກນິກໃຫ້ ບັນດາກຳລັງຫຼວງ-ກຳລັງທ້ອງ ຖິ່ນ ໃນທົ່ວກອງທັບ ປະຈຳປີ 2026 ແລະ ຄຳສັ່ງແນະນຳວ່າ ດ້ວຍການການອົບຮົມ-ຫັດແອບ, ປັບປຸງລະບຽບແບບແຜນເຝິກຝົນກຳລັງແຮງກາຍ ປະຈຳປີ 2026 ໃຫ້ນາຍ ແລະ ພົນທະຫານຢູ່ກອງບັນຊາການທະຫານນະຄອນ ຫຼວງວຽງຈັນ ແລະ ກົມກອງອ້ອມຂ້າງເຂດໃຈກາງທີ່ບໍ່ທັນໄດ້ຜ່ານການທະຫານຂັ້ນພື້ນຖານ.
ສະຫາຍ ພັນເອກ ໄພວັນ ອາລິຍະທຳ ຫົວໜ້າຫ້ອງເສນາ ທິການ ກອງບັນຊາການທະຫານນະຄອນຫຼວງວຽງຈັນ ໃຫ້ຮູ້ ວ່າ: ເພື່ອຮັບປະກັນເຮັດໃຫ້ການຍົກລະດັບຄວາມຮູ້, ຄວາມສາ ມາດໃຫ້ນາຍທະຫານໃນກອງ ທັບປະຊາຊົນລາວ ທັງກຳລັງຫຼວງ-ກຳລັງທ້ອງຖິ່ນເຂດນະ ຄອນຫຼວງວຽງຈັນ ທີ່ຍັງບໍ່ທັນໄດ້ຜ່ານລະບົບໂຮງຮຽນການທະຫານໃນກອງທັບ; ດັ່ງນັ້ນ, ກອງບັນຊາການທະຫານນະ ຄອນຫຼວງວຽງຈັນ ຈຶ່ງໄດ້ເປີດຮຽນກໍ່ສ້າງນາຍສິບລະບົບ 1 ປີ ແລະ ບຳລຸງການທະຫານໃຫ້ພະ ນັກງານລະບົບ 6 ເດືອນສົກປີ 2025-2026 ແນ່ໃສ່ການສ້າງນາຍທະຫານ ຂະແໜງການ ຕ່າງໆ ໃຫ້ມີຄຸນນະພາບໃນການນຳພາ-ບັນຊາ, ເຊິ່ງຄະນະພັກ-ຄະນະບັນຊາກອງບັນຊາການທະ ຫານນະຄອນຫຼວງວຽງຈັນ ໄດ້ຊີ້ນຳພະແນກການທີ່ກ່ຽວຂ້ອງ ກໍຄືໂຮງຮຽນການທະຫານທ້ອງຖິ່ນນະຄອນຫຼວງວຽງຈັນ ປະຕິບັດຕາມແຜນການຂອງຂັ້ນເທິງ ເປີດສົກຮຽນບຳລຸງ-ກໍ່ສ້າງນາຍສິບ.
ຈຸດປະສົງຂອງການເປີດບຳ ລຸງ-ກໍ່ສ້າງນາຍສິບ ເພື່ອເປັນການຈັດຕັ້ງປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານໃນໄລຍະໃໝ່ ຮັບປະກັນໃຫ້ນາຍທະຫານມີຄວາມຮູ້ທາງດ້ານການນຳພາ-ບັນຊາ, ຮູ້ນຳໃຊ້ສິ ລະປະຍຸດ-ຍຸດທະວິທີຂັ້ນພື້ນ ຖານຂອງທະຫານຮາບ ທັງເປັນການເຝິກຝົນຫຼໍ່ຫຼອມຕົນເອງໃຫ້ມີຄວາມໜັກແໜ້ນເຂັ້ມແຂງ; ເຊິ່ງຫຼັກສູດການອົບຮົມ-ຫັດແອບປະຈຳປີ 2026 ກຳນົດເວລາແມ່ນ 180 ວັນ, ຫຼັກສູດກໍ່ສ້າງນາຍສິບ ລະບົບ 1 ປີ ກຳນົດ ເວລາຮຽນຕົວຈິງ 200 ວັນ ແລະ ຫຼັກສູດບຳລຸງການທະຫານ ຂັ້ນພື້ນຖານລະບົບ 6 ເດືອນ ກຳນົດເວລາຮຽນຕົວຈິງ 108 ວັນ, ທັງ ນີ້ ກໍເພື່ອແນໃສ່ເຮັດໃຫ້ນາຍ ແລະ ພົນທະຫານ ມີຄວາມຊຳນິຊຳ ນານ, ຄ່ອງແຄ້ວ, ມີຄວາມຮູ້ພື້ນ ຖານໃນການບັນຊາຂັ້ນຕົ້ນ, ກຳໄດ້ເນື້ອໃນທາງດ້ານສິລະປະຍຸດ-ຍຸດທະວິທີ ກໍຄື ຫຼັກການບັນຊາໝູ່-ໝວດ, ຮູ້ນຳໄປຈັດຕັ້ງບັນຊາຢູ່ພາຍໃນກົມກອງຂອງຕົນ ໃຫ້ມີຄຸນນະພາບ ແລະ ບັນຊາສູ້ຮົບຂັ້ນພື້ນຖານ, ມີຄວາມສາມາດຮັບ ຜິດຊອບສູງຕໍ່ໜ້າທີ່ວຽກງານ ທັງເປັນການສ້າງໃຫ້ນາຍ ແລະ ພົນ ທະຫານໃຫ້ມີຄຸນທາດການເມືອງ ໜັກແໜ້ນ, ມີຄວາມແຂງແກ່ນທົນທານ, ອົດທົນຜ່ານຜ່າທຸກຂໍ້ ຫຍຸ້ງຍາກ, ເຮັດສຳເລັດໜ້າທີ່ ການເມືອງຂອງຕົນ ກໍຄື ການຈັດ ຕັ້ງຂັ້ນເທິງມອບໝາຍໃຫ້ ກາຍ ເປັນພະນັກງານສືບທອດ ໃນອະ ນາຄົດ.
ສະຫາຍ ຫົວໜ້າຫ້ອງເສນາທິການ ກອງບັນຊາການທະຫານນະຄອນຫຼວງວຽງຈັນ ຍັງກ່າວຕື່ມອີກວ່າ: ເພື່ອເຮັດໃຫ້ການບຳ ລຸງ-ກໍ່ສ້າງນາຍທະຫານຄັ້ງນີ້ ມີຜົນສຳເລັດຕາມຈຸດປະສົງ ແລະ ຄາດໝາຍຄະນະພັກ-ຄະນະບັນ ຊາທຸກຂັ້ນຕ້ອງຖືສຳຄັນວຽກງານສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານ-ນັກຮົບ ມີຄຸນທາດການເມືອງໜັກແໜ້ນ, ມີຄຸນສົມບັດສີນທຳປະຕິວັດ ເຊື້ອໝັ້ນຕໍ່ການນຳພາຂອງພັກ ແລະ ປະຕິບັດກົດລະ ບຽບຂອງກອງທັບ ກໍຄືກົມກອງ ວາງອອກຢ່າງເຂັ້ມງວດໂດຍ ສະເພາະຄະນະພັກ-ຄະນະອຳ ນວຍການໂຮງຮຽນການ ທະຫານທ້ອງຖິ່ນຕ້ອງອຳນວຍຄວາມ ສະດວກ ໃນການຮຽນ-ການສອນຕິດແທດກັບແຕ່ລະເປົ້າໝາຍຕົວຈິງ. ພ້ອມນັ້ນ, ຄູ-ອາຈານ ຕ້ອງຍົກສູງໃນການຖ່າຍຖອດສົ່ງຄວາມຮູ້ໃຫ້ນັກຮຽນ, ສ່ວນນັກຮຽນກໍຕ້ອງຕັ້ງໜ້າປະ7 ຕິບັດໂມງຂຶ້ນຫ້ອງຮ່ຳຮຽນເປັນປົກກະຕິ ເພື່ອເຮັດໃຫ້ການກໍ່ສ້າງນາຍສິບ ຊຸດທີ X ແລະ ບຳລຸງການທະຫານຂັ້ນພື້ນຖານ ລະບົບ 6 ເດືອນ ຊຸດທີ IV ປະຈຳປີ 2026 ໃຫ້ມີຄຸນນະພາບ.
ໂດຍ: ວັນໄຊ ໄຊສະຫວັດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
