POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 15 ເມສາ 2026

ກອງປະຊຸມຄະນະກຳມະການປົກຄອງເມືອງຫົງສາ ປະຈຳເດືອນ ກຸມພາ 2026
ເວລາອອກຂ່າວ: 2026-03-13 13:47:46 | ຜູ້ຂຽນ : admin2 | ຈຳນວນຄົນເຂົ້າຊົມ: 825 | ຄວາມນິຍົມ:

ວັນທີ 13 ມີນາ 2026 ນີ້, ເມືອງຫົງສາ ແຂວງໄຊຍະບູລີ ໄດ້ຈັດກອງປະຊຸມຄະນະກຳມະການປົກຄອງເມືອງ ປະຈຳເດືອນ ກຸມພາ ແລະ ທິດທາງແຜນການປະຈໍາເດືອນ ມີນາ 2026 ຂຶ້ນຢູ່ທີ່ຫ້ອງວ່າການເມືອງ, ໂດຍການເປັນປະທານຂອງສະຫາຍ ອ່ອນຈັນ ບຸນຍາວົງ ຮອງປະທານຄະນະກຳມະການປົກຄອງເມືອງ, ມີສະຫາຍ ສີທະນົນໄຊ ທອງເທພາ ເລຂາພັກເມືອງຫົງສາ, ມີຫົວໜ້າ-ຮອງຫົວໜ້າຫ້ອງການ, ກົມກອງ ອ້ອມຂ້າງເມືອງ, ລັດວິສາຫະກິດ ແລະ ນາຍບ້ານໃນເທດສະບານເມືອງເຂົ້າຮ່ວມຢ່າງພ້ອມພຽງ. ໃນກອງປະຊຸມ ສະຫາຍ ບຸນທະວີ ສີປະເສີດ ຫົວໜ້າຫ້ອງວ່າການເມືອງ ໄດ້ລາຍງານການຈັດຕັ້ງປະຕິບັດວຽກງານພົ້ນເດັ່ນຂອງຄະນະກຳມະການປົກຄອງເມືອງ ໃນເດືອນ ກຸມພາ ແລະ ທິດທາງແຜນການ ປະຈໍາເດືອນ ມີນາ 2026 ໂດຍໄດ້ຍົກໃຫ້ເຫັນຜົນງານ, ດ້ານອ່ອນ, ຂໍ້ຄົງຄ້າງ ໃນການຈັດຕັ້ງປະຕິບັດວຽກງານໃນໄລຍະ 1 ເດືອນຜ່ານມາ ໄດ້ສຸມໃສ່ຈັດເກັບລາຍຮັບເຂົ້າງົບປະມານໄດ້ 1,08 ຕື້ກີບ, ມາຮອດປັດຈຸບັນປະຕິບັດລາຍຮັບໄດ້ທັງໝົດ 1,9 ຕື້ກີບ ເທົ່າກັບ 12,78% ຂອງແຜນການປີ, ຕິດຕາມ, ການເກັບກູ້ພືດລະດູແລ້ງ ເນື້ອທີ 909,27 ເຮັກຕາ, ປັດຈຸບັນເກັບກູ້ໄດ້ 181,61 ເຮັກຕາ, ເທົ່າກັບ 19,97%, ຜົນຜະລິດ 666,62 ໂຕນ, ໄດ້ຊຸກຍູ້ໃຫ້ບ້ານໃນທົ່ວເມືອງເອົາໃຈໃສ່ອະນາໄມເສັ້ນທາງຕາມຂອບເຂດຄວາມຮັບຜິດຊອບຂອງຕົນ, ໄດ້ເປີດກອງປະຊຸມປຶກສາຫາລືລະຫວ່າງຄະນະກຳມະການຄຸ້ມຄອງການກໍ່ສ້າງຂັ້ນເມືອງ ຮ່ວມກັບ ບໍລິສັດຮັບເໝົາ ກ່ຽວກັບໂຄງການທີ່ນອນຢູ່ໃນສັນຍາການກໍ່ສ້າງ, ຢູ່ໃນໄລຍະຄໍ້າປະກັນ ແລະ ໂຄງການຫຼ້າຊ້າ ໃຫ້ສືບຕໍ່ລົງມືຈັດຕັ້ງປະຕິບັດທີ່ຍັງຄົງຄ້າງ ຈໍານວນ 10 ໂຄງການ. ປັດຈຸບັນເຫັນໄດ້ວ່າບາງບໍລິສັດແມ່ນໄດ້ສືບຕໍ່ເລີ່ມຈັດຕັ້ງປະຕິບັດໂດຍສະເພາະແມ່ນໂຄງການກໍ່ສ້າງຕ້ານເຈື່ອນທ່າຊ່ວງເຮືອ ປະຕິບັດໄດ້ 88%, ໄດ້ຕິດຕາມໂຄງການກໍ່ສ້າງເສັ້ນທາງເບຕົງທາງຮ່ອມບ້ານວຽງແກ້ວ ລວງຍາວ 850 ແມັດ ມູນຄ່າ 3,15 ຕື້ກວ່າກີບ ປະຕິບັດໄດ້ 15%, ໄດ້ກະກຽມການກໍ່ສ້າງທາງປູຢາງ 2 ຊັ້ນທາງຮ່ອມບ້ານເມືອງຫານ ລວງຍາວ 854 ແມັດ ມູນຄ່າ 1,79 ຕື້ກວ່າກີບ, ຕິດຕາມ, ຊຸກຍູ້ຫົວໜ່ວຍທຸລະກິດອອກອະນຸຍາດທະບຽນວິສາຫະກິດໃໝ່ 1 ຫົວໜ່ວຍ, ຕໍ່ໃບອານຸຍາດດໍາເນີນທຸລະກິດ 9 ຫົວໜ່ວຍ, ຕິດຕາມກວດກາ ແລະ ຊຸກຍູ້ການຈັດເກັບລາຍຮັບຄ່າທຳນຽມ ແລະ ຄ່າບໍລິການ ພ້ອມອອກອະນຸຍາດການດຳເນີນທຸລະກິດດ້ານໄປສະນີ ແລະ ດ້ານໂທລະຄົມໄດ້ທັງໝົດ ຈໍານວນ 5 ຫົວໜ່ວຍ, ຕິດຕາມ, ຊຸກຍູ້ການຮຽນ-ການສອນ ຢູ່ບັນດາໂຮງຮຽນ ປະຈໍາສົກປີ 2025-2026, ໄດ້ສົ່ງນັກຮຽນເຂົ້າຮ່ວມສອບເສັງນັກຮຽນເກັ່ງຂັ້ນແຂວງ 14 ຄົນ, ຍິງ 10 ຄົນ, ສາມາດຍາດໄດ້ອັນທີ 1 ຈຳນວນ 1 ຄົນ (ມໍ7), ອັນດັບທີ 2 ຈໍານວນ 3 ຄົນ (ມໍ7 1 ຄົນ, ມໍ4 2 ຄົນ, ປ5 1 ຄົນ) ແລະ ອັນດັບທີ 3 ຈໍານວນ 1 ຄົນ (ມໍ4), ຕິດຕາມຊຸກຍູ້ບ້ານສາທາລະນະສຸກແບບຢ່າງ ໄດ້ຈໍານວນ 6 ບ້ານ, ກວດກາຄືນຄອບຄົວວັດທະນະທໍາຢູ່ 8 ບ້ານ, ຂຶ້ນທະບຽນຜູ້ຕ້ອງການມີວຽກເຮັດງານທໍາ, ແຮງງານລາວເຂົ້າເຮັດວຽກນຳບໍລິສັດ ໄຟຟ້າຫົງສາ ໄດ້ຈຳນວນ 35 ຄົນ, ຍິງ 13 ຄົນ, ພ້ອມນັ້ນ, ກອງປະຊຸມກໍໄດ້ຮັບຟັງການປະກອບຄຳຄິດຄຳເຫັນຈາກບັນດາຫ້ອງການ, ກົມກອງອ້ອມຂ້າງເມືອງຈຳນວນໜຶ່ງ ຢ່າງກົງໄປກົງມາເພື່ອຊອກໃຫ້ເຫັນບັນດາຈຸດອ່ອນຂໍ້ຄົງຄ້າງ ເພື່ອພ້ອມກັນແກ້ໄຂໃນຕໍ່ໜ້າ. ໃນຕອນທ້າຍກອງປະຊຸມ ໄດ້ຮັບຟັງການໂອ້ລົມໃຫ້ທິດຊີ້ນຳວຽກງານໃນຕໍ່ໜ້າ ຈາກສະຫາຍ ສີທະນົນໄຊ ທອງເທພາ ເລຂາພັກເມືອງ ຕື່ມອີກ. ໂດຍ: ຄ.ອ.ມ ຫົງສາ.

news to day and hot news