POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 15 ເມສາ 2026

ກອງບັນຊາການທະຫານແຂວງຊຽງຂວາງ ປິດອົບຮົມ ປະຈຳປີ 2025 ແລະ ເປີດອົບຮົມ-ຫັດແອບປະຈຳປີ 2026
ເວລາອອກຂ່າວ: 2026-03-13 13:49:45 | ຜູ້ຂຽນ : admin2 | ຈຳນວນຄົນເຂົ້າຊົມ: 865 | ຄວາມນິຍົມ:

‎ ໃນວັນທີ 12 ມີນາ 2026 ນີ້, ກອງບັນຊາການທະຫານແຂວງຊຽງຂວາງ ໄດ້ຈັດພິທີ ປິດອົບຮົມ-ຫັດແອບ ປະຈຳປີ 2025 ແລະ ເປີດອົບຮົມ-ຫັດແອບປະຈຳປີ 2026, ໂດຍການເປັນປະທານຂອງສະຫາຍ ພົນຈັດຕະວາ ວັນທອງ ພົງສະຫວັນ ຫົວໜ້າການເມືອງກອງບັນຊາການທະຫານແຂວງ, ມີຄະນະພັກ-ຄະນະບັນຊາອົງການ 5 ຫ້ອງ, ພະແນກການ ແລະ ບັນດາກົມກອງທົ່ວກຳລັງປະກອບອາວຸດທ້ອງຖິ່ນເຂົ້າຮ່ວມ. ‎ ໃນພິທີ ສະຫາຍ ພັນເອກ ປິ່ນແກ້ວ ປະອິນພອນ ຫົວໜ້າຫ້ອງເສນາທິການ ໄດ້ສະຫຼຸບຄືນວຽກງານອົບຮົມ-ຫັດແອບ ໄລຍະ 1 ປີຜ່ານມາ ຂອງກອງບັນຊາການທະຫານແຂວງຊຽງຂວາງ ແມ່ນໄດ້ປະຕິບັດການອົບຮົມ-ຫັດແອບ ຕາມຄຳສັ່ງຂອງກົມໃຫຍ່ເສນາທິການກອງທັບ ແລະ ຄຳສັ່ງແນະນຳຂອງກົມອົບຮົມ ໄປພ້ອມໆ ກັບການປະຕິບັດໜ້າທີ່ວຽກງານອື່ນໆ ສາມາດຕີລາຄາຜົນໄດ້ຮັບຄື: ວຽກງານການປັບປຸງລະບຽບແບບແຜນ; ລະບຽບບຸກຄົນມືເປົ່າ, ມີປືນຄົງທີ່ ແລະ ເຄື່ອນທີ່ ບັນລຸໄດ້ 85%, ລະບຽບຮູບແຖວພື້ນຖານຂັ້ນ ໝູ່, ໝວດ, ກອງຮ້ອຍ ກອງພັນນ້ອຍ ແລະ ລະບຽບຮູບແຖວເຄົາລົບທຸງຂັ້ນ ກອງຮ້ອຍ, ກອງພັນນ້ອຍ, ກອງພັນໃຫຍ່ 80%, ດ້ານລະບຽບພິທີການ 75%, ວຽກງານກິລາກາຍະກຳ; ກິລາມວນຊົນ 85%, ກິລາການທະຫານ 85%, ສິລະປະຍຸດ ທິດສະດີປືນຮາບ ແລະ ກຳລັງໄຟແບກຫາບ 75%, ພາກປະຕິບັດຫັດແອບປືນຮາບ ແລະ ກຳລັງໄຟແບກຫາບ 75%, ດ້ານຍຸດທະວິທີ ວິຊາບຸກຄົນເຮັດໜ້າທີ່ສູ້ຮົບ 75%, ວິຊາຈຸເຮັດໜ້າທີ່ສູ້ຮົບ 75%, ວິຊາໝູ່, ໝວດ ເຮັດໜ້າທີ່ສູ້ຮົບ 70%, ວິຊາ ກອງຮ້ອຍ, ກອງພັນນ້ອຍ ເຮັດໜ້າທີ່ສູ້ຮົບ 70%. ຈາກນັ້ນ, ກໍໄດ້ຜ່ານແຜນການອົບຮົມປະຈຳປີ 2026 ແລະ ພ້ອມກັນຮັບຮອງນຳເອົາໄປຈັດຕັ້ງປະຕິບັດໃຫ້ໄດ້ຮັບໝາກຜົນດີຂຶ້ນ ‎ ໂອກາດນີ້, ສະຫາຍ ພົນຈັດຕະວາ ວັນທອງ ພົງສະຫວັນ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານດ້ານຕ່າງໆ ທີ່ຄະນະພັກ-ຄະນະບັນຊາໃນທຸກຂັ້ນ ແລະ ພະນັກ ງານ-ນັກຮົບ ຍາດມາໄດ້ຕະຫຼອດໄລຍະ 1 ປີຜ່ານມາ ແລະ ຮຽກຮ້ອງໃຫ້ຄະນະພັກ-ຄະ ນະບັນຊາແຕ່ລະຂັ້ນ ເອົາໃຈໃສ່ໃນການປະຕິບັດໜ້າທີ່ການເມືອງຂອງຕົນ ໃຫ້ມີຄວາມຮັບຜິດຊອບສູງ ສືບຕໍ່ຊີ້ນຳ-ນຳພາສ້າງກົມກອງຕົນໃຫ້ກາຍເປັນກົມກອງທີ່ມີຄວາມກ້າວໜ້າ ມີຄວາມມັ່ງຄັ່ງເຂັ້ມແຂງໃນທຸກດ້ານ. ‎ໂດຍ: ວັດທະນາ ພັນທະວົງ.

news to day and hot news